مباراتنا مع الأهلي اهم مباراة في الدوري

لانها منعطف وخساراتها تبعدنا عن الصدارة اللي نبغاها

وقد نزلت موضوع حول هذا وحذفوه الاشراف وهذا من حقهم وعلشان الموضوع مهم بنظري وماشفت موضوع يناقش النقطة اللي ابغاها

وعلشان اللاعبين يوصولهم اللي في المنتديات الهلالية حبيت اطرحه وناخذ رايكم فيه ولاتبخلون بالمشاركة

ياجماعة الخير الأهلي على أنه فريق شاب وسريع وخطر أنك تفتح الملعب قدامه ولكنه مع كذا يعتمد أسلوب قبيح في اللعب وهو ( اللاعب والا رجله )

هذا كنا نشوفه في حسين عبدالغني قبل أما الحين بدا الفريق كله يعتمد نفس الطريقة وخصوصاً قدام الهلال اللي أغلب لعيبته يعتمدون على المهارات أكثر منها على القوة والالتحامات الا في حالات نادرة

الآن في الأهلي من الدفاع نشوف وليد عبدربه ولاننسى وش سوى بسامي قبل ثلاث سنين يوم يدخل على المفصل وغاب علشانها الذيب عن مباراتنا مع الاتحاد في المربع

ومع ذلك فزنا والحمدلله

وفي الدفاع بعد هزازي كاره الهلال وشفنا وشلون طلع نواف بحركة مايدرى هي مقصودة والا .......لا

واقرا في منتدى الأهلي موضوع كاتبه مشجع أهلاوي قابل نيبوشا وتكلم معه عن الفريق ويقول انه زعلان ( انت يانيبوشا ) على هزازي بسبب كثرة الكروت اللي ياخذها

بعد الدفاع نشوف الوسط وهو ام المشاكل .... يمشون بنقالات معهم على طول برى الملعب

تيسير الجاسم ومعه صاحب في المحور وكيف تناوبوا على التايب في اياب كاس ولي العهد العام لين طلع بعد 15 دقيقة

وحمود عباس وانزلاقه على الدعيع في المباراة اللي راحت وكان المفروض ياخذ احمر بس جلال تساهل معه

على العموم صحيح ان الحكم اجنبي لكن مو كل حكم اجنبي بينتبه خاصة للاستفزازات اللي تصير


انتظر رايكم