#1  
قديم 17/02/2008, 03:05 AM
الصورة الرمزية الخاصة بـ Gran Atlético
زعيــم مميــز
تاريخ التسجيل: 24/01/2007
المكان: الـريـاض
مشاركات: 3,450
سلامات أنت ويـاه .. وش فيكم على جمهور الرياض

وش فيكم قالبين على جمهور الرياض ..

يا أخوان الهلال يلعب في الرياض أكثر من 20 مباراه في الموسم ..

بينماا يلعب في المناطق الآخرى مباراه واحده أو مبارتين في الموسم ..

..

اذا كنتم تبغون المشجع الهلالي يحضر كل مباريات الهلال في الرياض .. أنا أقولها لك مستحيييييييييل .. حتى لو كنت فاااضي وما عندي شيء .. مستحيييييييييييييييل آحضر مباريات الهلال غير المباريات مع الفرق الكبيره اللي تنافس الهلال غير كذا لن آحضر ..

طيب قولي ليه .. ؟؟؟

لأن آجواء الملعب ما تساعد .. لعدة آسباب ..

آولاً / .. ملعب الأمير فيصل بن فهد لا يحتوي على كراسي للجلوس ( عبارة عن مدرجـات ) .. مليئـه بـ الغبـار و الآوســاخ .. ( مع العلم أن ملعب الآمير فيصل بن فهد ( الملز ) أكثر مباريات الهلال تقام فيه ..

ثانيـاً / معاملة رجال الآمن .. معاملـه أقل ما يقال عنها معامله حيواانيـه .. لا يوجد هناك آحترام من قبل رجال الأمن لك أنت آيهـا المشجع .. أنـا رايح آنبسط وآشجع فريقي واللى رايح آضيق خلقي بـ وجود ( بعض ) هؤلاء رجال الأمن الغير محترمين ..

ثالثـاً / بعض السلبيات من الجمهور اللي يحضر المباراه .. ومن هذه السلبيات ..

1 ../ اللعن والسب والحركات السيئه اللي تصدر من بعض الحاضرين المباراه .
2 ../ وأنت تشوف المباراه تلقى ( فصفص ) خاش في وجهـك .
3 ../ الدخـــــــــــــــــــان .. أعوذ بالله منـه .


____


وآتمنى من الجماهير اللي في المناطق الآخرى تتفهم الوضع اللي صاير في ملاعبنـا ..

وشكراً ..
  #2  
قديم 17/02/2008, 03:11 AM
زعيــم مميــز
تاريخ التسجيل: 04/06/2007
مشاركات: 2,384
صح كلامك صح لكن القهر اننا نلوم الاعبين اذا لم يفوزوا او لم يلعبوا زين وحضورنا اقل من العادي انا معك في المؤثرات الي قلتها لكن لاتلومون الاعبين اذا كان الجمهور قليل في الملعب لان ابسط حقوق الاعبين حضور الجماهير
وشكرا
  #3  
قديم 17/02/2008, 03:14 AM
زعيــم مميــز
تاريخ التسجيل: 21/03/2007
المكان: الجبيل دآر الزين ^_^
مشاركات: 3,250
اذا لم تحظر الجماهير فلا يلام الاعبون ,,
  #4  
قديم 17/02/2008, 03:14 AM
الصورة الرمزية الخاصة بـ Gran Atlético
زعيــم مميــز
تاريخ التسجيل: 24/01/2007
المكان: الـريـاض
مشاركات: 3,450
آخوي رووح الهلال ..

وجهة نظرك تحترم .. لكن الجمهور الهلالي في الرياض يحضر بشكل جيد .. في كل مباراه آيضـاً ..

طبعاً بكل تأكيد نتمنى أن الحضور يكون أكبر .. لكن معنى أن لا نلووم لاعبين الهلال في حال الخسـاره صعبـه شويـه

لأن هناك جمهور يحضر .. وان كان بشكل قليل ..

كيف اللاعبين لا يولاموون . .. وكل شيء متوفر عندهم ..
  #5  
قديم 17/02/2008, 03:17 AM
زعيــم مميــز
تاريخ التسجيل: 21/04/2007
المكان: تعرفون ذاك المكان؟ انا هناك..!!
مشاركات: 4,749
كل الملاعب سواا في جميع منااطق المملكه ( رجال امن غير محترمين _ سب ولعن_ دخاان _ فصفص_ وروايح كريهه ) ..<< هههه

مايوجد سبب مقنع للاسف.....
  #6  
قديم 17/02/2008, 03:21 AM
الصورة الرمزية الخاصة بـ Gran Atlético
زعيــم مميــز
تاريخ التسجيل: 24/01/2007
المكان: الـريـاض
مشاركات: 3,450
الكابتانو .. بالنسبة لك سبب غير مقنع .. يمكن أنت متعود على هـ الآجواء وعندك مناعه لهـا ..

وغيرك يا حبيبي لااا ..
  #7  
قديم 17/02/2008, 03:22 AM
الصورة الرمزية الخاصة بـ زعــيــ511ــم
زعيــم مميــز
تاريخ التسجيل: 09/12/2006
المكان: شبكة الزعيم
مشاركات: 32,279
انا الحمد ما اترك ولا مباراه الا انا حاظرها ( أذا كانت بالرياض )..!!

وانا معاك في كلامك ..!! عوافي يالغالي ..!!

وجمهور الزعيم بالرياض غني عن التعريف ومعروف بالحظور المشرف ( مع الفرق الكبيره فقط ) ..!!

شاكرلك على طرحكـ للموضوع ..!!

اخوكـ : احمد العتيبي..
  #8  
قديم 17/02/2008, 03:25 AM
زعيــم مميــز
تاريخ التسجيل: 04/06/2007
مشاركات: 2,384
إقتباس
الرسالة الأصلية كتبت بواسطة زعــيــ511ــم
انا الحمد ما اترك ولا مباراه الا انا حاظرها ( أذا كانت بالرياض )..!!

وانا معاك في كلامك ..!! عوافي يالغالي ..!!

وجمهور الزعيم بالرياض غني عن التعريف ومعروف بالحظور المشرف ( مع الفرق الكبيره فقط ) ..!!

شاكرلك على طرحكـ للموضوع ..!!

اخوكـ : احمد العتيبي..

انا اشهد انك من الجماهير التي لاتترك مبارة للزعيم لعشقها وحبها للهلال
وكلامك صح
  #9  
قديم 17/02/2008, 03:29 AM
الصورة الرمزية الخاصة بـ Gran Atlético
زعيــم مميــز
تاريخ التسجيل: 24/01/2007
المكان: الـريـاض
مشاركات: 3,450
زعيــ 511 ــم ..

وأنا بعد آشهد حبـك الكبير للزعيــم ..

إقتباس
وانا معاك في كلامك ..!!


آهم شيء أنك وافقتني الرأي بـ اللي حاصل في ملاعبنـا للأسف ..

ودوووم ان شاء الله متواجد مع الزعيــم ..

شكراً عزيزي ..
  #10  
قديم 17/02/2008, 03:31 AM
زعيــم مميــز
تاريخ التسجيل: 17/08/2000
المكان: الرياض
مشاركات: 2,643
كلام سليم يالغالي

واللي يقهر في الموضوع انه لو حضر جمهور كبير ما فتح ولا واحد فمه وشكر الجمهور اللي حضر

في كل الأحوال بيطلعون جمهور الهلال سيء

اذا فيه حضور قالوا جمهور المناطق الثانية حضروا للرياض

يعني بالله عليكم كم واحد بيحضر من الشرقية ولا القصيم

يلخمونك بسالفة الباصات

الباص كم بيشيل؟؟؟ وزد عليهم اللي جايين بسياراتهم الخاصه... كم واحد بالله؟
800؟ 1000؟ 2000؟

الاستاد يوصل الحضور فيه 50 الف و 40 الف

وبعض الناس طايرة باللي جا من جده هو واثنين من اخوياه
ولا

8 اخويا جو خط من القصيم ولا الشرقيه

============================

ما اقول الا الله يسامحك يا عبدالله بن مساعد
تهديدك بنقل المباريات فتح علينا عنصرية من نوع جديد

هلاليين الرياض و هلاليين القصيم وهلاليين الشرقية و .. و... الخ
  #11  
قديم 17/02/2008, 03:32 AM
زعيــم مميــز
تاريخ التسجيل: 26/06/2006
المكان: حدود الكويت(الرقعي)
مشاركات: 4,584
أخوي موضوع جمهور الرياض هذا تكلمنا وتعبنا منه جمهور الرياض لايحتاج

شهادتي ولاشهادتك أنا ماني من سكان الرياض بس والله والنعم فيهم من جمهور

والنعم بكل جماهير الهلال أينما كانت
  #12  
قديم 17/02/2008, 03:33 AM
ابوفجر
تاريخ التسجيل: 30/11/2007
المكان: البدائع بلاد الروائع
مشاركات: 5,411
حبيبي بس بغيت اعقب على بعض النقاط :
1- المدرجات تبغاهم يحطونها سرميك او كنب او يغسلونها عن الغبار قبل كل مباراة
2- رجال الامن حضروا لخدمتك والحفاظ على الامن 00 ماحضروا يتهاوشون معك ومع غيرك ا اذا حصل خطا منك
3- بالنسبة للسلبيات 00انت مالك دخل فيها والدخان موجود في جميع ملاعب العالم او تريد صاله مكيفة وهواء نقي لكي تحضر المباراة 00
4- نتمنى نحن من خارج الرياض ان الهلال في منطقتنا000لتعرف كيف يكون الحضور والمؤازرة بدون شروط00
5- يقولون المهتوي يقطع المستوي 00وفهمها000
اخيرآ 00 حبيبي تقبل مروري بدون زعل هذا رائيي
تشجيع ومؤازرة الزعيم لاتحتاج لشروط00ودمت بصحة وعافية
  #13  
قديم 17/02/2008, 03:50 AM
الصورة الرمزية الخاصة بـ روميو العرب
زعيــم متألــق
تاريخ التسجيل: 18/03/2007
المكان: بـــ تـورتـوقــا
مشاركات: 1,084
حبيبي بس بغيت اعقب على بعض النقاط :

1- المدرجات تبغاهم يحطونها سرميك او كنب او يغسلونها عن الغبار قبل كل مباراة

لا نبي كراسي فقط

2- رجال الامن حضروا لخدمتك والحفاظ على الامن 00 ماحضروا يتهاوشون معك ومع غيرك ا اذا حصل خطا منك

رجال الامن المفروض تعاملهم يكون راقي يعني واحد اخطأ اوكـ شيله قدام الجماهير وخليه بالحبس 5 أيام علشان العالم تمشي صح
ما تعامل كل الناس بتعامل حيواني ( طبعا ما نعمم هنا )

3- بالنسبة للسلبيات 00انت مالك دخل فيها والدخان موجود في جميع ملاعب العالم او تريد صاله مكيفة وهواء نقي لكي تحضر المباراة 00

لا لكن نريد اصدار قرارا بمنع التدخين داخل الملعب واذا طلعت فأنت حر

4- نتمنى نحن من خارج الرياض ان الهلال في منطقتنا000لتعرف كيف يكون الحضور والمؤازرة بدون شروط00

ان دل على شي فيدل على جمهور الزعيم العريض بكل مناطق المملكة الغالية

5- يقولون المهتوي يقطع المستوي 00وفهمها000

للأسف ما فهمتها



ارجو تقبل مروري وشكرا
  #14  
قديم 17/02/2008, 03:57 AM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
السلام عليكم ورحمة الله وبركاتة

اخي الكريم نتمنى منك ومن الجميع الابتعاد عن مثل هذه المواضيع الغير مفيده للنادي

والتي تزيد التفرقه بين جماهير الهلال في كافة مناطق المملكة

فـ جمهور المنطقه الوسطى والغربيه والشرقيه والجنوبيه والشماليه كلهم يصبون في بحر الهلال

ويجب ان نعلم ان جميع جماهير الهلال في كافة مناطق المملكة هم صف واحد لافرق بين اي احد منهم

لذلك اي تقليل من اي طرف فيهم فهو يمثل الجمهور الهلال بشكل عام

نعتذر على اغلاق الموضوع
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:34 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube