#1  
قديم 12/03/2002, 09:53 PM
زعيــم متواصــل
تاريخ التسجيل: 18/02/2002
المكان: حقل الجوري...
مشاركات: 152
Thumbs up مهاااااااوي وأم مهاااااااوي!!!

مساء الورد والجوري الاحمر والازرق والاخضر والبنفسجي وكل لون تحبه...

اهلين بجميع الاعضاء بلا استثناء...

***###***###***###***###***###***

..الموضوع منقول , وأعتقد إن المصدر مجلة الإقلاع ..

نموذج من أحباب الله هالوقت ..

.....

### منقول من المكرمة / قصيرة القمر ###


المكان : مطبخ ( الشيفه ) أم فهد
الزمان : ساعة عرض أفلام كارتون بتوقيت السعودية



مها : يمه شوفي فهد النذل حاط التلفزيون على قناة المفاصيخ ألبسي وهم ولا شي .. وأنا أبغى القناة الاولى ..
الأم : ليه وش تبين بـ الأولى ؟!
مها : فيها بنك بانثر !!
الأم : صدق والله ؟! ... أي حلقه ؟!
مها : حلقة الورود .. اللي وردة تطلع ووردة تدخل ..



الأم : إلى الحين يعيدونها ؟!
مها : ليه ؟! كم مره جابوها ؟!
الأم : والله حسب علمي وخبرتي في الحياة أنها فوق الالف .. ان كانها ما صارت أكثر !
مها : يا نصبك يمه نصبااااااااااااه .. أنا ما شفتها ألا عشر مرات بس !!
الأم : أقووووول .. ورا ماتنطمين ؟!
مها : يوووووووووه .. وأنتم أي واحد يعبر عن رأيه بصراحه .. تقولون له انطم ؟! وش فيكم صايرين كأنكم مجلس الامن !!
الأم : مهاوي ووجع .. وين طلعتي هالحكي منه !!
مها : سمعتك مره تقولينه لأبوي وجازت لي !!
الأم : وأنتِ يالفالحه مهوب عيبٍ عليك تتسمعين علينا ؟!
مها : ما تسمعت !! .. أنتم اللي كنتوا تتناقشون بصوت عالي !!
الأم : صدق أنك ما تستحين .. طالعةٍ على أبوك !!
مها : ليه ؟! وش قالوا لك أبوي بن لادن كل شي بتحطينه فيه !!



الأم ---------- >>
مها : وشفيك تناظريني كأنك مهبوله ؟!
الأم --------- >>



مها : يمه .. ترى الاختلاف في وجهات النظر لا يُفسد لعلاقتنا أي قضية !!
الأم : نعنبوا بليسك .. أنا أمك احترميني على الأقل !!
مها : يا يمه .. احترمك على عيني وعلى راسي .. بس من حقي أني اختلف عنك .. انتم ليه تبغون كل عيالكم يصيرون كوبي منكم ؟! من زينكم !
الأم : ووجع .. ووجع ... ووجع !!
مها : يمه استغفري .. عيب عليك .. أنتِ قدوه !!
الأم : وشووووووووو ؟!
مها : أقول يمه .. تعرفين الديكتاتوريه ؟!
الأم : ايه اعرفها .. وش فيها ؟!
مها : ايــــــــــــــــــــــه .. علشان كذا !!
الأم : وشووووووو ؟!
مها : لا أبد ولاشي !!
الأم : مهاوي .. قولي لي أحسن لك !!
مها : يا ربيه .. آلحين ما يحق لي أصير مثل أمريكا إذا ما جازت لي السالفه أغيرها ؟!
الأم : مهاوي ووجع .. وش دخلك في امريكا ؟!
مها : أنا وش دخلني ؟! ألا هي وش اللي دخلها ؟!
الأم : وش قصدك ؟!
مها : يمه .. هذي أشياء ما تعرفينها أنتِ !!
الأم --------- >>


مها : ما تعرفين أن فيه أشياء ما نعرفها .. وما راح نعرفها .. يعني لا تفهمين أحسن لك !
الأم : مهااااااااااااااوي ؟!
مها : يا لبيــــــــــــــــه ...
الأم : وش أخبارك ؟!
مها : الحمد لله .. بخير .. تمام .. أزقح .. بس عاد لا تصدقيني .. ترى أنا مثل بعض الناس نقول أننا بخير والاوضاع رايحه وطي .. علشان ما نتعب حبايبنا وسائل الاعلام .. اللي من كثر ما يمونون علينا يحرفون في كلامنا ويعدلون .. ألا يمه .. تعرفين وجه الشبه بين الاعلام العربي وأدوات التجميل ؟!
الأم : أهااااااااااااا بس !! ما بعد جا توم وجيري ؟!



....

وسلامتكم ..

***###***###***###***###***###***

اختكم:
جوريــ الهلال ـــة..




===============================
المشرف : آسف للإغلاق .. لأن الموضوع مكرر..!!!!

اخر تعديل كان بواسطة » البارق في يوم » 13/03/2002 عند الساعة » 01:32 AM
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube