هلا بكل القصمان 000 اللي موهوب قصيمي لا يدخل 000
هذي رساله طبت علي بالايميل
مرحبا..ايها الأخوة والأخوات....ابوزهق قرداحي يحيكم..ويطلب منكم احضار عصير بردقان..وكيسة فصفص مالح..ومسندة **** عليها..والتمتع معنا بهذا البرنامج..
معنا ثمانية متسابقين..وهم...:
ابوسعد الأطخم...من تنزانيا شمال غرب زائير..بوسط القصيعه بالقصيم..( ابو سعد..قام ويلوح بشماغه البرتقالي..لجماهيره الغفيرة..المكونه من اربع هنود هم العمال حقين المزرعه )
مصطفى اللوح....من مدغشقر بلندن..قادم بلبسة الرسمي..وهو سروال السباحه حق الأستراحه حقتهم ( وهو عباره عن سروال السنه حق اخوه الصغير )
خديجه الحطبه...من ولاية لاس فيقاس بالأرجنتين غرب سوق طيبه....وقادمه برفقتها صديقتها الروح بالروح عطيات النخله..
طاحوس الأفنس...من بيروت...تحديدا جيران نوال الزغبي...لقب بالأفنس..لأنه اذا صور وجهه مايطلع شي الا صورة خشمه..
هاني المنتفخ...من الكوفه..سكن البصرة ربع ساعه..وطرد منها لأحتجاج البزران عليه..حيث انه يسد الشارع اذا انبطح يتشمس..
جبران عبده قحل وائل محماس نبيل ديانا حداد الزغبي حمزة ادريس مسعد آل محقان..(كل ذا اسمه) قادم من ولاية منفوحه بهولندا..
لؤي عكاشه ريري صندقجي...من محافظة الكندرة مقابل مجمع صويلح الوطني..للكيرم.وملحقاته...
نبدأ بسباق السرعه بالحل...يقول السؤال..: رتب هذه الأسامي حسب كثرة تواجدها بحي النسيم ..بالرياض..
1 رامي ...2 - سعدون...3 - محماس...4 - حماده...
انتهى الوقت...والجواب الصحيح هو.....محماس سعدون - حماده - رامي
والأسرع معنا...هو طاحوس الأفنس....حيو طاحوس..
يتقدم طاحوس الى كرسي الأسئله..للطريق الى المليون..ونرى طاحوس يحمل شعار الددسن في قلوبنا..
اهلا استاد طاحوس..تكلم عن نفسك..!
طاحوس : انا ابو طحس..ابلغ من العمر 22 ..عيال الحارة يسمونن ابوطحس قاهر الطعس...اشتغل في ملاحق اللموزينات..والدوران بشارع البراميل..والتفحيط عقب المباريات..
نكتفي بهذا القدر ابوطحس..
نبدا بالأسئله....السؤال الأول..:...سيارة..لها حوش ورا..ويكثر توجدها بالنسيم..والنظيم..وغالبا ماتشوف عنز مربوطه بذا الحوش..حق السيارة..فماهي هذه السيارة ؟
1 مازدا 2 - كرسيدا 3 - ددسن 4 - كراون فكتوريا
طاحوس : طبعا ذي مايبيلها...طبعا ددسن..
الجواب صح..السؤال الثاني..:...خذني بقايا جروح ارجوك داويني.......اكمل البيت؟
1 الله الله يامنتخبنا 2 - لا تروح الروح 3 - ياروحي 4 - والحب طاويني
لك ان تحذف نص الأجابات...والا الأتصال بصديق...والا تاخذ راي الجمهور..؟
طاحوس :لا انا بجاوب..حسب خبرتي..يوم اني بالددسن وانا مار من عند البقاله ......
ابوزهق قرداحي : بقالة اييييش ياعمي...جاوب لا اتوطى ببطنك..
طاحوس : الجواب رقم 4 ...
ابوزهق : اكيد ? آخر كلام ?( كرسيدا مهوب سؤال)....هاه وش قلت .....الجواب..خطأ...والصحيح رقم 2 لاتروح الروح..
يالله قم الخلا..لاعمرك تشترك بمسابقات...حدك فوازير رمضان..حقت مشقاص.
نعود للمتسابقين..وسؤال السرعه يقول .:..رتب حسب افضلية المشروب الذي يشرب وانت تاكل جريش?
1 قهوة تركية.. 2 - قهوة مهيب تركية 3 - بيرة ليمون.. 4 - شاهي نعناع..
ويفوز ابو سعد الأطخم.....والجواب بيرة ليمون شاهي نعناع - قهوة تركية - قهوة مهيب تركية......تحية لأبو سعد..
عرفنا بنفسك ابوسعد...ورجاءا...ضف ذا الزراديات اللي انت جايبهن معك..
ابوسعد الأطخم : اسمي لؤي...اشتغل شجرة في مسلسل يجي بالعصر بقناة الخرطوم..عمري 144 تقسيم 12 واضف عليها 12 ( عمره 24 ..بس ولو تحس انه ملكع )
ابوزهق قرداحي : ياجعلك تنسى الهندسه وانت رايح لأختبار رياضيات..وش ذا العمر....المهم ابوسعد..نبدا الأسئلة....وخل عنك حركات منول...تقعد تسوي لي فيها بريء ومنتب تغش..ترى قسم بالله...بذا الماصورة الحطك بها لين تعقل ( ولو عربجي ذا المقدم )
موقع جديد...من اربع حروف...واسمه فيه رقم سبعة...وشو ؟
1 ياهوو .. 2 - هوت ميل.. 3 - موقع جنب هوت ميل.. 4 - شله بريده
ابو سعد.:...اممممممممممممممممم ...ايه عرفت....موقع البي بي سي..؟
ابوزهق قرداحي : والله منتب وجه مليون انت...نص ريال ويخب عليك...وش اللي بي بي سي..مهوب مع الأجوبه ..
ابوسعد : اييييييييييه عرفت..شله بريده
الجواب صح..
اهلا..وسهلا..ومرحبات واجدات..لكم..وصلنا..للسؤال الثاني..لأبو سعد..يقول السؤال..:..الكيرم بدونه...زي الشاهي بدون ليبتون....ماهو ؟
1 المسنده التي توضع فوقها الكيرم 2 - بزر يلاحق حبوب الكيرم اذا تطايرت 3 - الخمسين 4 - المشجعين
ابوسعد : اصبر..بفكر..انا اتوقع الخمسين واعتقد انه المشجعين وقلبي يقول انه المسنده..بس حاس انه البزر اللي يلاحق الحبوب..
ابوزهق قرداحي : ؟!!؟ خير انت لاقل جاوب عني يابوزهق بعد..هذا اللي ناقص..جاوب زين لا الحطك بذا العقال اللي انت لابسه..ياخي استح على وجهك عقال ذا جنط سيكل..
ابوسعد : طيب ياخي..بتصل بصديقي..
ابوزهق قرداحي : ياخي بعينك وش اللي ياخي..قاعد باستراحة انت....قلي طال عمرك..والا قسم بالله اعطيك سؤال..****بوجهي ان عرفت حله..
ابوسعد : طيب طال عمرك..ابي اتصل..على صديقي..محقان..
ابوزهق قرداحي : الله من الدجه ..لا انت ولا خويك..طيب..نتصل ونشوف..
ابوزهق قرداحي : الأخ محقان ..معك ابوزهق من تلفزيون ذكريات برنامج من سيربح المليون..ومعنا خويك الدبشه ابوسعد..ومتوهق بسؤال..ويبيك تساعده..
محقان : ياعمي الرقم غلط..وش ذا ابوسعد..ماعرف ذا الأشكال..
ابوسعد : محقان..انا لؤي ..انت ووجهك..هاه شرايك بالسؤال..
محقان : اصلا داري بس اتلكع..
ابوزهق : ياجعل يتلكع على سوداني..ترى بدخل عليك من السماعه..المهم جاوب..
محقان : والله شف يابو سعد..الحين..وش احلى مافي الكيرم..؟
ابوسعد : اذا طيحت الخمسين..
محقان : عليك لمبه ..يعني الحل الخمسين..يالله باي..
ابوزهق : هاه ابو سعد..نحط لك رقم 3 ؟
ابوسعد...: ايه يالله.......
ابوزهق قرداحي...: الجواب..صح...
ابوسعد : هييييييييه هييييييييييه...
ابوزهق قرداحي : ياعمي اعقل لا تجيك زمزمية الشاهي مع جبهتك
0000000000000000000000000000000000000000000000000000000000000000000000
بكذا انتهت الرساله
باي
من سيربح المليون مع الكليجا 
الوضع العادي
