للأسف راح نخسر ( ياسر القحطاني ) إذا أستمر الوضع على ماهو عليه !!! - نادي الهلال السعودي - شبكة الزعيم

20 ياسر الجابر 9 · #1 14/02/2008, 04:47 AM

السـلام عليكم

الف مبروك التأهل لدور الأربعة وعقبال الكاس أن شاء الله

كلنا نعرف ضغط المباريات على لاعبين الهلال الدوليين وبالتحديد على ياسر القحطاني

*يوم الأربعاء ياسر مع المنتخب ضد سنغافورة لعب .. 94 دقيقة
( أفتتح التسجيل بهدف خرافي )

*يـوم الجمعة ياسـر مع الهـلال ضد النصر لعـب .. 96 دقيقة
( حسم الديربي بتسببه في ركلة الجزاء وتسجيله الهدف الثاني )

*يـوم الأربعاء ياسـر مع الهـلال ضد الحزم لعـب .. 120 دقيقة
(سجل الهدف الثاني ونقل الزعيم لدور الأربعة)

** 3 مباريات في أسبوع !!! . . . 310 دقايق في أسبوع

( مدري تصير في كل دوريات العالم ولا بس عندنا

)

لا ويوم الأثنين مباراة الهلال والأهلي في جدة !!

أتمنى الوضع مايستمر على كذا لأننا نريد ياسر يكمل مشواره الكروي (كامل) مع الهلال والمنتخب

ومع كل هذا الضغط من المباريات لازال الكاسر يبدع ويمتع في التسجيل في كل مباراة يلعبها

وآخر 12 مباراة للقناص فيها 12 هدف ( ماشاء الله عليك يالكاسر

)

وللأسف لا يزال (بعض) الجماهير المحسوبه على الهلال تردد أن ياسر لاعب غير حاسم !!
وتحاول تقارن بينه وبين الأسطورهـ سامي للتقليل من ياسر ( الحين ماراح تشوفون هالنوعيه من الجماهير أنتظروا إلين يخسر الهلال ويخفق ياسر في التسجيل

)

بالتوفيق لياسر مع الهلال والمنتخب السعودي

soccer player · #2 14/02/2008, 04:53 AM

كلامك صحيح
يعطيك العافيه

عاصي الجرح · #3 14/02/2008, 04:53 AM

انا اخوي معك في كل كلمه
ياسر اولا مرهق ثانيا صاير ثقيل الحركه وزايد وزنه بشده
يعني الاعب يبي راحه ولازم يخفف من وزنه الزائد

20 ياسر الجابر 9 · #4 14/02/2008, 05:08 AM

إقتباس

الرسالة الأصلية كتبت بواسطة soccer player


	كلامك صحيح يعطيك العافيه

الله يعافيك يالغالي

تسلم عالمرور

إقتباس

الرسالة الأصلية كتبت بواسطة عاصي الجرح


	انا اخوي معك في كل كلمه ياسر اولا مرهق ثانيا صاير ثقيل الحركه وزايد وزنه بشده يعني الاعب يبي راحه ولازم يخفف من وزنه الزائد

صدقت يالغالي

وهالكلام لازم يوصل لياسر لأنه شي واضح واللي يبغى يتأكد أكثر يقارن بين جسم ياسر في كاس العالم2006 وجسمه الآن .. وأعتقد أن سامي في أحد المقابلات لمّح عن هالنقطه

أخوي عاصي الجرح أسعدني مرورك يالغالي

20 الكاسر ياسر 20 · #5 14/02/2008, 05:14 AM

صدقت والله .. ارهااق كبير .. ويجب النظر في هذا الشيء ..

يعطيك العافيه اخوي ...

الأمبراطور · #6 14/02/2008, 05:15 AM

0
0

هذه مشكلة دورينا السعودي ,, لا ويقولون ليش دورينا متأخر في التصنيف ؟؟؟,!

للأسف ما عنــدكـ ترتيب للمبـــاريات ,,الهلال مضغــوط كثير ( مباراة ورا مباراة )

الله يعين يــاسر وكل اللاعبيـــن

لكـ تحيتي ورده

0
0

الامبراطور

Glory Madrid · #7 14/02/2008, 05:16 AM

نتايج الارهاق هي الغياب عن التسجيل والاصابات المتكرره ..!!!

ويقولون ليش منتخبنا ضعيف >> شف الدوري الفاشل وترتيب المسابقات المحليه وتعرف الجواب .

الذيب ياسر · #8 14/02/2008, 05:25 AM

ياسر لاعب محترف ولازم تكون عنده اللياقه الكافيه
وبعدين ثلاث مباريات في 8 ايام شي عادي جدا

الملاك الطاهر · #9 14/02/2008, 05:26 AM

والله معاك حق اخوي
يعني بمبارات النصر ريحو خالدعزيز والشلهوب
طيب ياسر موانسان مولحم ودم يلعبونه ثلاث مباريات كامله بااسبوع
وبعدين ياسر صارله بالمنتخب اساسي اربع سنوات كاانه مافي غيره
والله حرام يطلع لاعب مبدع عندنا يستهلكونه
وايذا انخفض مستواه ماينتقدونه يهاجمونه
لاكن مانقول الا الله يحفظ ياسر من كل شر يارب

منيف الزناتي · #10 14/02/2008, 06:31 AM

ياخوي لاتخاف ياسر لاعب محترف وثاني شي ترى ياسر خانته

لايستطيع اللعب فيها سواه غير الدفاع والمحاور والوسط يوجد البديل

20 ياسر الجابر 9 · #11 14/02/2008, 07:29 AM

يعطيكم العافيه ع المرور ورده

إقتباس

الرسالة الأصلية كتبت بواسطة الذيب ياسر


	ياسر لاعب محترف ولازم تكون عنده اللياقه الكافيه وبعدين ثلاث مباريات في 8 ايام شي عادي جدا

معليش أخوي أختلف معك حتى لو كان محترف

ثلاث مباريات وحده مع المنتخب وثنتين مع الهلال ( حسم ) في 7 أيام

أمر غير طبيعي و مرهق جدا

منور يالغالي ورده

إقتباس

الرسالة الأصلية كتبت بواسطة منيف الزناتي


	ياخوي لاتخاف ياسر لاعب محترف وثاني شي ترى ياسر خانته لايستطيع اللعب فيها سواه غير الدفاع والمحاور والوسط يوجد البديل

أخوي منيف السؤال هل هالمشاركات فيها إرهاق لياسر ؟

إذا كان الجواب بنعم .. فيحق لي أني أخاف حتى لو كان محترف لأنه يبقى بشر لحم ودم

بعدين أنا معك أن في الهلال وبالتحديد في خط الهجوم مافيه إلا ياسر هو المقنع

مع الصويلح (المصاب) ... أنا أعتراضي أن الهلال مضغوط بالمباريات والأتحاد السعودي يعلم أن

الهلال يملك لاعبين هم أعمدة المنتخب السعودي

أسعدني مرورك يالغالي ورده