!! ..][ آآآهـ تخيلـوا لو هـذا موجـود في السعوديـــة ][.. !! - صفحة رقم 3 - نادي الهلال السعودي - شبكة الزعيم

K I N G . M I L A N · #31 12/02/2008, 01:47 PM

أول شي يعطيكم الف عافيه على التفاعل

وعندي وقفـه مع بعض الردود ,,

<<<< مهايط

إقتباس


	&زعيم الجنوب&

هـلا بك أخوي زعيـم الجنـوب

والله شف هذي وجهـة نظـرك وأحترمهـا ..

لكن تقولي أن الأغلبيه ما يبغـون !! والله أنا أخالفك بهالنقطـه !!

لأني أحلفلك لو بسوي أستفتاء ! هل تؤيد إقامـه سينمـا بالسعوديه ! أبصم لك بالمليون أن ثلاث أرباع الشباب السعودي مؤيدين وبقوووه بعد !

لأن الناس الحين طفشوا ! خلااص ملوا ! تشوف حالات الإنتحار بدأت تكثر ! بسبب الإكتئاب والضيقه اللي يعيشونها الشباب السعودي !

والبنات ما علينا منهم .. أهم شي أنفسنا وبس

البنت تقعد في بيتها الله يخليها لأمها وأبوها ولا تطلع الا اذا جا الرجال الشنب ياخذها

مشكـور أخوي على مرورك

إقتباس


	forza milan 99

هلا والله بالسمـي

يلومونـي فيك يا شييييخ

شاكـر ومقـدر لـك وجهـة نظـرك

وتسلم ع المـرور ورده

إقتباس


	فزاع الاجيال

هلا فيك أخوي فزاع

شرفت الموضوع بوجود ورده

صراحـه كلامك أؤيد نصه ونص لأ

أنا أقصـد طبعـاً أنهم يسوون سينمـا للشباب فقـط !! ( البنـات نووو ) !!

كلامك عن أنك تؤيد وجود مدن العاب عالميه صراحـه هنا كلامك على عيني وراسي

وصراحـه هو راح يسد فراغ كبيير من أوقات الشباب !

بس أنا أقصد اذا أنت تقول ليش نفتح سينمـا وندوخ روسنـا ومدري كيف ..!

ياخي بالله قلي وش تبيني أسوي في الـويك إند !!

ياخي قسم بالله طفششش !! والله 24 ساعه دورااان في الشوااارع ! ما عندنا شغله غير كذا !!

يعني أضرب لك مثال .. أمس بعد العشاء مرني خويي ! قسم بالله من العشاء ليييين أذان الفجـر وحنـا نفرفر في الشوارع !! ما عندنا شي نسويييه !! الفراغ قاضي علينا بشكل ما تتوقع !!

فزاع أشكرك مره أخرى على ردك ولكن عندي آخر نقطه بسيطه

أن تقول أهل نجد ومدري كيف !!

أنهم قراوى وقصدك اللي بالنقاط بدووو !! ما أعتقد أنت ترضاها لديرتك !! وبعدين ترى أهل الرياض تغيروا عن أول 180 درجه !! وياليت تحرر ردك أو تعدله

ومشكـور ويعطيك العافيه

إقتباس


	AHMED477

هلابك أخوي

أنت ما تؤيد ! طيب أنت تقول أن محلات الفيديو بكل مكااان !!

ياخي المحلات يبيعونه مقطع

يعني ثلاث أرباع الفلم ما تشوفه ! وش الفايدة أني أروح وأشتري فلم أجل !!

وبعدين اذا شريت فلم أقعد في الملحق أشوفه مع العيال !! قلق وإزعاج ومدري كيف !
حلاتها أنك تشوفه بصاله عرض كبييره وتحس بالحماااس وتدخل جو صح

موب بالملحق

وبعدين أنت تطرقت لقيادة المرأه !! أخوي والله وش جاب ذي لذي !!

قيادة المراة السعودية مستحيييييل تصييير !! وهذا الكلام أكده الأمير نايف بن عيدالعزيز

وبعدين انت تقول نكون متفائلين !! والله أنت لو تشوف اللي أنا أشوفه !! قسم بالله أن تقول أن السعودية ألعن من امريكا يا شييييخ !! استغفر الله بس !!

أخوي أنا أعرف ناس من الهيئـة اقسم بالله يقولون لي سوالف والله يشيب لها الراس !! ما تصدق انت ان هذي بالسعودية !!!!!!!!!!!! الله يدفع البلا ..

ع العمـوم وجهـة نظـرك وأحترمها وأقدرها وشاكر لك مرورك

إقتباس


	الـــنـ الأزرق ـــاب

مشكـور أخوي على مرورك

وأنت الصادز والله

ربعنـا هنا ما شافوا خير

وأولهم انت هذاك يوم رحت برى عرف السكيورتي انك سعوودي علطووول

ع العمـوم يعطيك العافيه

إقتباس


	leo messi

جينـا لهالمهااايطي

أنت ما تترك عنك الهياط

هنا هياط وعندنا بالعالميه هياط

أعقل أعقل لأنك بتشوف يوم الخميس وش بنسوي فيكم

وتراني انا مداافع وانت مهااجم يعني أن ما خليتك تجيك إصابه ألعن من نواف التمياط لأخليك مشلول سنتين

هذا وجهي يا شيييخ

طبعـاً أكيد حنا متطورين لأننا عالميين

مهوب زيكـم هنا عايشين على المجلس

<<< ترى يزحم معكم

شف أنت ما تؤيد السينمـا أوكي !! وجنـة نظرك وأحترمهـا !!

لكـن بالله يا يسلـم قلـي أنت كشـاب وش تسوي في أيام الربوع والخميس !!!!!!!

دوران دوران دوران دوران دوران !! إلييين بكره !!

تقولي إستراحه ولا ثمامه .. ملييييينا منها يا شيييخ !! طفشنـا !!

وأتمنى أنك ترد علي

أجل تحب بريزون بريك

طيب صراحه نبي أماكن ترفيهيه

مثل ما قال يسلم حقت الربوه

ولا الخيمه

بالنسبه لقيادة المرأة !! أنا وضحـت لكم وجهة نظري فووق وما يحتاج أعيدهـا

مشكـور جداً يالغالي على مرورك

إقتباس


	abo_nasser

هلا والله أبو ناصر

ياخي الملجس أنتم كلكم هيااط × هيااط

أعقلوا خلااص حنا فايزين فايزين إن شاء الله

المهم

أنت تقول خذلك شوتايم ومدري وشو

ياخي الشوتايم بيجيب لك أفلام قديمه ! وغير كذا سهره بااهض

( غالي ) !

أما السينمـا يجيب لك كل ابو الأفلام الجديده

ع العمـوم تقبل الله منا ومنك

ويعطيك العافيه على مرورك

إقتباس


	ملـــــ الهلال ــــك

هلابك والله أخوي

أخوي أنت تطرقت لأنها محرم شرعـاًً !! من قالك انها مرحمة شرعـاًً !!

أنت أعتقـد تحسب أنها بنات ورجال !! لااا .. أنا أقصد للشباب فقـــط !!

وبعدين أنت تقول تجي بجده فقـط !

سلامات

طيب وحنا أهل الرياض مالنا شي يعني ! ليه جده وش زودها عنـا !!

وبعدين هنا العاصمه وجده تعتبر محاظفة صغيره من محافظات مكه !! وغير كذا لو قارنت بسكان الرياض وجده ! راح تشوف الفرق الكبييييييييير جداً !! يعني سكان الرياض يتجاوزون الـ 5 ملايين نسمـه !! أما جده ما تجي ربع سكان الرياض

أنا ما فهمـت بكلمتك يوم تقول أن شبابنا ما بعجيه وضعهم الا الكافر مدري وش تقصـد بهالكلمـه !!!!!

مشكـور مرة اخرى على مرورك ورده

تعبت وأنا أكتب

أرحموني شوي

لي رجعـة مع الردود الباقيه

][ دمتـم بـود ][

عبـدالمحسـن · #32 12/02/2008, 02:08 PM

أؤيد وبقوه
قسم بالله طفششش..الواحد ما يدري وين يرووح

هو فيه شي أحلى من إنك تشوف إنجلينا جولي وبراد بيت في مقطع مؤثر

<<جاب العيد

برايفت لصاحب الموضوع

أبيك بموضوع مهم وأتمنى منك المساعده

&زعيم الجنوب& · #33 12/02/2008, 03:49 PM

يقولك بدو راحوا سينما ماشافو الفلم ؟؟؟؟

قاعدين يسلمون على الجمهور

اخاف تسوون مثلهم لو فتحنا سينما بالرياض

فرقسون · #34 12/02/2008, 03:51 PM

أخوي أذا قلنا بحطون سينما بحطون ممنوع دخول الشباب او عوائل على سبيل المثال يائتي شخص من احدى الدول الخليجية هو وبناته و اولاده قال بن دخل سنما بلق البنات يدخلون وهو لايدخل بتكون فيه شوي احراج +سمعت السعودية بتقل عنده اذا كان مايفهم

Tнe LeaDeя MiLaи · #35 12/02/2008, 03:54 PM

مشكور اخوي كنج ميلان

إقتباس


	س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟

اوويئد لانه مافيها مشكله كله شاشه وفلم والفلم نفس الفلم اللي نشوفه بالقنوات والاشرطه

إقتباس


	س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

لايعجبني لان الشاب السعودي لايملك المكان المناسب الذي يذهب اليه

ويمكن الفتاه السعوديه تملك اكثر منه بالذهاب الى الاعراس والحفلات

إقتباس


	س4- هل تتوقع أن هنـاك ضـرر من إقامـة السينمـا !؟

ليست بذاك الضروره القصوى ولكن هي مجرد وسيله من وسائل الترفيه

وحبيت اقول ان كل كلامي هذا يحدث لو كانوا عندنا شباب سعودي متحضر

اما ماشاهدته انا فيحدث العكس

فعند ذهابي الى دول الخليج المتفرقه شاهدت الشباب السعودي غير متحضر هناك

واعتقد ان السينما ليست السبب المقنع لشباب السعودي

لان الشباب السعوديين ليذهبون الى السينما انما يذهبون الى اماكن اخرى

واضع تحت كلمة اخرى 10خطوط

إقتباس

اقتباس:


	( تحشيش - تفحيط - مغازل - لواط - زنا - سرقه )

تتوقع لو حطينا سينما بتزيل هالقضيا

الا والله ان تزيد الطين بله ماغير تلقى الشباب يطبقون اللي يشوفون

كلامك عسل

Rossi 999 · #36 12/02/2008, 04:49 PM

.. مرحبتين بالميلاني اللي بعد أسبوع بيلقـى مصيرهـ ..

.. السينمـآ .. ليت شعري مآ أرادت بهذا دختنـوس ..

***

يعني الحين .. ما فيه شي بيفك طفش الشباب .. // ..

غير السينمـآ و أفلام رعب هولييود و قصة عشق للهنـود
و قتآل بين أمريكان بيض و أمريكان سود

..!

يآ نــآس .. يآ عــآلمـ .. هو أنتــم تشـوفــون .. ؟!

يا مال فرقى العين يآ مال يآ مال .. {

..!
.. يآ حيف بس إن كان هذا بيزيل الطفش ..

في أشرطة إسلامية .. نسمع بمشآكل شباب و قصص انتحآر ..
و عشق و حب و عقول تنهآر إلى آخره إلى المخدرآت و مآ بها من أخطآر ..!
و كل هـذآ يعـود إلى [ الطفش القهآر ] ..!

فهل أعدوا السنيمات و الأفلام و المسلسلات لحل مشكلة الطفش ..؟
و هل .. إذا شافوا السينمآ راح يتركون بلآويهـمـ أم تزيدهآ .. ؟!

نهآية الكلآم .. مجرد تحريم الأفلام .. ينهي أمر السينمـآ و من يدعو إليهـآا ..

.
.

إقتباس


	س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟

لآ .. أرفض بشدة أصلا .. أوضحهآ .. ؟
إذا حللوهآ العلماء افتحوهـآا ..

..!

إقتباس


	س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟

أنآ لا أؤيد وجود وجود السينمـا .. مو لأني مآ أحب الأفلام
لأنها محرمة خيوهـ .. مع علامة استفهآم كبيرة إنك أغفلت هذا الشيء
الذي إذا مآ ذكر في الموضوع .. مومكن يكون الموضوع " منتهي " أصلا ..

بديل للسينمـا .. أي شي ترفيهي في حدود مآ يزعل المطاوعة

و الله ما في راسي شي .. لكن .. اذا صار في شي بكتبه خخخ

إقتباس


	س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

في وجهة نظري " النارية " .. إنه نص و نص ..

إقتباس


	س4- هل تتوقع أن هنـاك ضـرر من إقامـة السينمـا !؟

يس .. من غير شك أخي الكريم ..

..!

.
.

.. عاد إذا ما أرضاك هرجي و لا اللي قلت فآد .. إننآ لله .. و إنا إليه رآجعـون ..

إخوآني الكيرآم .. مآ قرئتوهـ فوق .. رد قد يكون مثآلي مررررة لكن رآعيه لك عليه

أيهآ الميلآني .. إعلم إن موآضيعك جميلة و طرحهآ رآقي ..

و يعطيك العآفية .. و شوكرن لك جدآ .. و تقبل مروري [[

]] ..!
.
.
Marco Rossi
.. شيآطين الحكي " تخرس " .. إذا حضرت ملائكته ..!
.
.
[ ورده ]

إحساس خالد · #37 12/02/2008, 05:09 PM

س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ <<< بثر
ياليت والله من بؤك للسما

س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟

انا مع السينما ..... وبرضو اتمنى وجود مسطحات خضرا بالرياض (جلسات مثل عنيزه)
وياليت يكون في فعاليات للشباب ... مثل جده بويز ( رح لقوقل واكتب جده بويز وشف اهل جده كيف عاييشين )

س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

بتكلم عن الاماكن الترفيهيه ... السياسه لأهلها

.... نتمنى الافضل وخاصه للشباب اهل الرياض ماعندنا الا مقاهي الشيشه ولا بالاستراحه
س4- هل تتوقع أن هنـاك ضـرر من إقامـة السينمـا !

شي طبيعي يكون فيه سلبيات .... بس اشوف ايجابياته اكثر

كابتن الزعيم · #38 12/02/2008, 05:10 PM

هلا بالدحمي

أولاً أشكرك على هالموضوع الطويل الي ما منه نفعه

>> أمزح

إقتباس


	السينمـا .. هو عـرض بروجيكتر على شاشه كبييره داخل صاله عرض .. يعرض فيها جميـع الأفلام السنيمائيـة ( الجديدة ) في السوق العالميه ..

لا يا شيخ انت متأكد بس من هالكلام

-- -- -- -- -- -- -- -- -- -- -- -- -- -- -- -- -- -- -- -- -- - - - --- -- -- --

إقتباس


	أوكي حنا ما قلنـا نبي نسوي الأشياء [ المحرمـه شرعـاً ] لكــن على الأقل يقضـون على الفراغ اللي حاصل عند الشباب !! وأولهـم [ محدثكـم ] !

شف الي بالأحمر شف لو كان ما تبي بعض الأشياء المحرمه شرعاً كان ما تشوف افلام فلم واحد في اليوم ما فيه شي ...

وما شاء الله تعرف انت ان الحريم متسترات عندهم مرة

فعشان كذا ما تشوف الا ربع الفلم اذا كان مقطع

وأصلاً وش الفلم الي بيجيك ما فيه أشياء مثل ...

إقتباس


	يعني عاجبهم الوضع كذا !! ( تحشيش - تفحيط - مغازل - لواط - زنا - سرقه ) إلـخ .. جرائـم لو بعدهـا من اليوم الى بكره ما راح أحصيهـا !! كل هذا بسبب وجود الفراغ عند الشباب ! وأيضـاً [ الفتيـات ] ..

أولاً ما فيه فلم يخلوا من هذي الأشياء ولو واحد منها فتعرف شبابنا ما شاء الله ما يقلدون أبد

عشان كذا بتزيد هالأشياء وبقوة

إقتباس


	أنا عندي كم سـؤال وياليت تتفاعلون معي ..

أبشررر

إقتباس


	س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟

أقدر أقول لا

لأن بعض شبابنا مب عاقلين وبعضهم متخلفين

تعرف وش يصير عاد اذا صار فيه افلام وفيها ...

إقتباس


	س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟

اولاً أنا أحب الأفلام لكن ما أأيد السينما مثل ما قلت فوق

والبديل مثل ما قال فزآآع مدن عالميه للألعاب تناسب الأعمار للشباب تعرف ما فيه امل يحطونها للشباب بيسوون ويسوون ويقولون عوآآئل

لكن لو قلنا مثل الكويت عادي الأختلاط اما إنّا لا ...

لكن لو يخلونها للشباب اقل من 6 شهور ويقولون للعوائل

لأن الدخل بيصير أكبر وما همهم إلا هالشي ولا ما اهتموا في الشباب اهم شي الي يجيهم

...

إقتباس


	س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

المجتمع بأكمله ولا الشباب

اذا انت تقصد الشباب فأكيد ما يعجب أي واحد

لأنهم فضااوه ما يدرون وش يسوون من الفضاوة مثلي الحين ما شاء الله علي ابو الطفش والقلق

إقتباس


	س4- هل تتوقع أن هنـاك ضـرر من إقامـة السينمـا !؟

كل شي له ضرره ونفعه صحيح انه يقضي فراغ الشباب لكن بيزيدهم الـ... مثل ما قلت فووق ^^

وأخيراً ألف شكر لك يالدحمي ع الموضوع الرائع والجميل

][ دمتـ بـود ][

فنون المزيون · #39 12/02/2008, 05:10 PM

س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟<<< بثر

نعم وبقوه " بتقول وش دخلك أنتي بنت "

نيابه عن بنااااات المجلس اتكلم وأقول نريد

سينما
وش معنا دول الخليج عندهم واحنا لا لماذا ؟؟؟
سؤال يطرح نفسه وضربت دول الخليج مثاااااال " البحرين والأمارات " لأنهم جار لنا
والآن الشباب الطالح صراحه حجه لهم للسفر " بيروحون لسينما ألماسه

"

س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟
قلتلك أؤيد

س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

الحمدلله من عمر الدنيا " فيه الصالح وفيه الطالح " وأنا من وجهه نظري الآن أصبح في "وعي فكري " أكثر من السابق

س4- هل تتوقع أن هنـاك ضـرر من إقامـة السينمـا !؟
يوضعون سينما لكن يكون فيه " خط أحمر

"
ورقابه طبعا ونص الفلم ينحذف

ومن شروطه
" ممنوع دخول الأطفال ومن هم تحت سن الثامنه عشر " " وما في مانع يمنعون الشباب "
وبأذن الله ماراح يكون فيه ضرر
بس أهم شيء يحطون سينما

" عوااااااااافي أخوي على الموضوع والطرح الأكثر من مميز "

[ رحــال ] · #40 12/02/2008, 05:20 PM

راح ردي مدري كيف :S

لي عودة

أبو سليــــMAN · #41 12/02/2008, 05:40 PM

ياعالم ياللي تطالبون بالسينما

انتم الآن تطالبون بحرام !!!!!

اتقوا الله ياخي مافيه غير السينما يعني

داق اشارة عيني عليك باردة كفيت ووفيت وانا أنتظر رد صاحب الموضوع على رد داق اشارة

هلالية من زمن آخر · #42 12/02/2008, 05:40 PM

أخواني أخواتي الاعزاء

أنا مابي اصير مثاآلية

واقول للي عندهم فراغ يروحون للندوات والمحاضرات ..الخ ..

اصلا هالشي مستحيل تزرعه بشاب عاش طفولته طايش واهله ماعلموه على الاشياء ذي

الا ماندر من شبابنا الصالحين ..

اما الأكثرية فهم مهبـل وطايشين ..صح قلوبهم طاهرة وماعتقد انهم سيئين لذيك الدرجة بس فيهم طيش

وهبال وودهم يفلونها صح ومهوب عارفين شلون

هالنوعية صعبة تقوله امسك المصحف واحفظ سورة كذا فجآه

..وصعبة تقوله رح لحلقات تحفيظ بالمسجد الفلاني ..

فلازم النوعية هذي تجيهم شوي شوي..

اولا نهيأ لهم اشياء ترفيهية وماتضيق الصدر

يعني تصير فيها اشياء ممتعه وماتصير جادة بزيادة

انت تقول نبي سينما ياخوي والله موب السينما الي بيوسع صدوركم

الشباب عندنا والبنات وانا منهم يبيـلهم نفضة صدقية يبي لنا اشياء توسع صدورنا صح ونبي نستفيد من اوقاتنا مانبيها تروح هدر

والله سنين راحت من عمري ولا استفدت

عطلة ورا عطلة ..عطلة ورا عطلة والحاآآل نفسة

مافيه تغير ولا فيه فايدة @@

السينما يسد بعض الفرآآغ لكــن مووب كلـه

********************************

س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ <<< بثر

لا ما أأيد ..المشاكل الي بتجي وراه كلنا نعرف وش هي ..ولا تقول انها بتقلل من الجرائم والفساد ..ماشوف والله دول الخليج تعدلوا

..!!
وبعدين اولا واخيرا الافلام كلها ع بعضها حرام

يعني ليش ننسى او نتناسى هالشي؟

وان فتحوا سينما لا سمح الله ..يمكن يكون ممنوع للبنات وبيصير فيه احراجات اذا جو العالم من برا المملكة

مثل الملاعب الله يفشلنا

س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟

كل شيء لازم يصير عندنا !! يآآما اشياء نقدر نحطها بس حنا نايمين بالعسل ونفكر باشياء سخييفه

نبي معاهد حلوة وبسيطة !! نبي اندية للشباب والبنات!! نبي اشياء نستفيد منهااا

كل شيء ممكن يصير والشبااب والبنات والله عندهم استعداد

س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟

اي عاقل مايعجبة هالوضع!!
فساد غير طبيعي ..!
كل شي شين عندنا !!
ولايهونون البنات

انواع الفساد ..! شذوذ غير طبيعي والله حامت كبدي من البنات(مو كلهم !! بعض من كل ..! )

س4- هل تتوقع أن هنـاك ضـرر من إقامـة السينمـا !؟

كما قلت آنفا

اخوي مشكور على هيك موضوع وان شاالله ماتعصب علي

ردي مثالي لكن واقعي --> وش تبين بالضبط

B R B

فنون المزيون · #43 12/02/2008, 05:57 PM

ولايهونون البنات

انواع الفساد ..! شذوذ غير طبيعي والله حامت كبدي من البنات

أخوي كينق ............ اسمحلي بالمداخله الثانيه في موضوعك
عااااااارفه بتقول حيااااااااااااااااك

أختي هلاليه تعوذي من إبليس والدنيا إلى الآن بخير
وبعدين لا تعممين على مجتمع البنااااااات أنا أعتبره ظاهره نادره
وأنا عايشه في مجتمع بنات وابشرك أدرس ماني اميه

وربي من دخولي لكليتي ما قد شفت الكلام إلي اسمعه
عشان كذا أقول الدنيا بخير
والفساد منتشر في جااااااامعه واحده ومعروفه ,,,
والله يكون بعونك كانك تدرسين فيها
أحمد ربي أني ما دخلتها

K I N G . M I L A N · #44 13/02/2008, 02:07 PM

ورده

نرجع من بعض الردود

إقتباس


	داق اشارة

جـزاك اللـه خيـر أخـوي

وصراحـه أنت الوحيـد الي أقنعتنـي بكلامـك ! وصراحـه أنا معجـب بأسلوبـك ,, لكـن عندي كم نقطه بوضحهـا ,,,

أبيـك تعطينـي حـل أو مكـان نطلـع له أيام الربوع والخميـس !؟ ( أتمنـى إجابتـك ) !

وبعدين انت تقول المخيمات وزي كذا .. أنا الحمد لله محافظ على الصلوات ولله الحمد كلها حتى صلاة الفجر في المسجد .. لكن رحنا مخيمات بس ! المخيمات موب كل يوم حاطينهـا .. وبعدين تقول بر ملينـا من البر وما البر !!

وبعدين أنت جيت لنقطـه ألي تقول المجتمع اللي انا فيه كله من ذا النوع !! أعـوذ بالله أنا ما قلت كذا
وأنا الحمد لله في بيئـة وعائله دينيـه بحتـه ولله الحمد لكـن أنا أرى بعيني وأقرأ وأسمع من رجال الهئيـات ..!

ع العـمـوم ما قصرت ويعيطك العافيه وشرفت موضوعي

إقتباس


	][the best][

مرورك روعـه

وتبقـى وجهـة نظـرك وأحترمهـا

نورت الموضوع ورده

إقتباس


	ماجد مقبل

شرفـت موضوعي يا ماجد

وبعدين بسألك !؟ وش معنـى شائكـه !؟

مرة أخرى يعطيك العافيه ورده

إقتباس


	M i L @ N i

خـالد

وجهـة نظـرك وأحترمهـا

والوعـد بالمسن أراويك شغلك

يعطيك العافيه ورده

إقتباس


	Marco Rossi

هلابك يا سعود

وجهـة نظـر وأحترمهـا

وع العمـوم أعتقـد أن نص كلامـك اللي كتبتـه غلـط !!

وأنا موضـح لك هالنقطـه بالمسـن

مشكـور مرة اخرى ورده

إقتباس


	فنون المزيون

يا هلا فيك أختي ورده

وصراحـه أسلوبـك رائـع

وكلامك صراحـه روووعـه

يعطيك العافيه مرة أخرى وشرفتي الموضوع

إقتباس


	[ رحــال ]

أخـوي رحـااااال

والله قهــررررررر !!

وين راح ردك !!

قسـم بالله أنت اللي أعجبنـي ردك من بين جميـع الردوود كلهـااا

وقسـم بالله أرفـع القبعـه لـك على هالأسلـوب والكلام الرااائـع .. عسـل على عسـل

والله حراام يروح الرد !!

أعتقـد أنه أفضـل رد في موضوعي حتى الآن

تسلـملي على مرورك الأروع والي شرف الموضوع والله وأقولها وانا جاد

يعطيك العافيه ورده

إقتباس


	هلالية من زمن آخر

هلا فيك أختي

أنتم وش جابكم يالبنات هنا

<<< يمـزح

صراحـه ردك كافي ووافي .. ووجهـة نظـرك واحترمهـا

وصراحـه كل الكلام اللي قلتيه واقع ويصير وأنا شاهدته بنفسي !!

وعن الشذوذ !!

والله العظيـم أنهـا منتشـره بشكـل مو طبيعي في السعوديـه !!

طبعـاً أنا أتكلـم عن الرجـال .. أقسم بالله شذوذ مو طبيعي بالمدراااس والجامعـات !!

وأنتي الحين تقولين عندكم يالبنـات برضه في شذوذ !! لا حول ولا قوة الا بالله !!

أسأل الله الثبـات ,,

ع العمـوم مشكـوره اختي مرة أخرى

يعطيكـم العافيه أخوانـي جميعـاً على مروركم وشرفتوا موضوعي صراحه وأشكركم على هالتفاعل واحد واحد

][ دمتـم بـود ][

Rossi 999 · #45 13/02/2008, 05:29 PM

.
.

[ احسب حسآب اللي حسب لحسآب كلمآتك حسآب ]

مرحبآ خيوهـ .. نص كلامي خطأ .. يآ حيفك

..!؟
و اللي قلت له لي بالمسن لم يكن غير كلآم مزح
حتى ما سولفنا كثير أصلا .. كلن رمى له كلمتين و مشى ..

:..!
قلت لي من جدك انت العلماء حرموا الأفلام و السينما < [ بما معنى كلامك ] :..!

مدري اذا أنت عايش في بيئة و عائلة دينية بحتة
و تقولي من جدك حرموا الأفلام و السينمـأ خخخخخخخخخ !!
مدري كنت تستسهبل أو تمزح أو ما تدري .. شيء مضحك خيوهـ

{:.. ( : .. ع العمومـ .. // ..

طيب عندي اسألة لك أتمناها تجآوبها " مهم تجاوبها "

.. // ..

1- ما حكم النظر إلى النساء المتبرجات و اللآتي لم يسترن عوراتهن
حسب علمك و فهمك و دراستك و من حيث عقليتك و عمرك الذي وصلت إليه
و كمآ قلت انك تعيش في بيئة دينية بحتة يعني هالسؤال ما راح يصعب عليك ؟

2- اذا قلت لك بأن مآ يعرض في السينما محرم فما رأيك بتواجد السينما عندنا ؟

3- قلت لي بردك علي أن نص كلامي خطأ .. وضح لي الخطأ اللي فيه و الصح اللي فيه ؟

.. بإنتظآر ردك على الاسئلة اللي كتبتها ..

:..!
(( لآزم ترد ترى )) تجآوب على الاسئلة بذاتها

< .. يحسب مسآفة صيدته و إليآ رماها صآبهــآا ..

..!

.
.

Marco Rossi
و مآركو روسي لا تكلمـ .. كلمته مضمونه

..!
.
.
[ ورده ]