السلام عليكم ورحمة الله وبركاته

اول شي ابارك للجميع بالفوز الغالي للزعيم على الجار النصراوي وعقبال الكاس يارب
لكن كنت اتمنى من بعض جماهير الهلال التواضع عند الفوز صحيح ان الفوز على النصر المنافس واخراجه من البطوله له طعم خاص
لكن مانرضى ان احد من جماهير يستهزئي او يتشمت لانا زعماء باخلاقنا
غير كذا الله حرم علينا ها الشي
ولانبي الشماته ترجع لنا
وانتم عارفين انا للحين مااخذنا البطوله قدامنا الاتحاد
والشباب والاهلي وكلها فرق كبيره ممكن يفوزون يجيك الجماهير
ويتشمتون فينا زي ماتشمتوا فيهم
قال صلى الله عليه وسلم (( لاتظهر الشماته لأخيك فيرحمه الله عز وجل ويبتليك )) رواه الترمذي



وعن خالد بن معدان عن معاذ قال : قال رسول الله : { من عير أخاه بذنب لم يمت حتى يعمله } . قال أحمد بن منيع : قالوا من ذنب قد تاب منه في إسناده محمد بن الحسين بن أبي يزيد الهمداني وهو ضعيف رواه الترمذي وقال : حديث غريب وليس إسناده بمتصل . خالد لم يدرك معاذا .

وقال ابن سيرين : عيرت رجلا بالإفلاس فأفلست قال ابن الجوزي : ومثل هذا كثير وما نزلت بي آفة ولا غم ولا ضيق صدر إلا بزلل أعرفه حتى يمكنني أن أقول هذا بالشيء الفلاني , وربما تأولت تأويلا فيه بعد فأرى العقوبة . فينبغي للإنسان أن يترقب جزاء الذنب فقل أن يسلم منه , وليجتهد في التوب

صحيح والله كلامك
بعد ياخي اذا خلصت المبارات وبدأت المقابلات يجون خلف الاعب الي يسون مقابله معه ويتكلم على الجوال شوفوني شوفوني على التلفزيون واتمنا من الرئاسه حقت الاستاد الترتيب للمشجعين

كلااااااااااااااام سليم ومشكووووووووووووور

الله يعطيك العافية أخوي بصراحة كلامك سليم 100% وياليت كل الزعماء يطبقون كلامك .

إقتباس الرسالة الأصلية كتبت بواسطة الهلال الى الابد صحيح والله كلامك بعد ياخي اذا خلصت المبارات وبدأت المقابلات يجون خلف الاعب الي يسون مقابله معه ويتكلم على الجوال شوفوني شوفوني على التلفزيون واتمنا من الرئاسه حقت الاستاد الترتيب للمشجعين

الله يهديهم شبابنا هذي ثقافتهم
الغرب عادي عندهم يمر قدام الكاميرا ولاكنه شايفها عكس شبابنا
الحمد الله على نعمة الاسلام اهم شي بس نتمنى شبابنا يكنون قدوه
مشكور على ردك

إقتباس الرسالة الأصلية كتبت بواسطة الـــ20ــشــ10ـــاكي كلااااااااااااااام سليم ومشكووووووووووووور

العفو ومشكور على ردك

إقتباس الرسالة الأصلية كتبت بواسطة الموهوب المحبوب الله يعطيك العافية أخوي بصراحة كلامك سليم 100% وياليت كل الزعماء يطبقون كلامك .

الله يعافيك
وان شاء الله الزعماء يطبقونه
مشكور على ردك

يعطيك العافية كلامك في محلة

إقتباس الرسالة الأصلية كتبت بواسطة هلالي العلا يعطيك العافية كلامك في محلة

الله يعافيك ومشكور على ردك

كلامك صحيح

اتفق معك اخى العزيز فى كل كلمة قلتها

وفى نفس الوقت اود اضيف الاتى فى حق كل من:

الجماهير الهلالية:- اخطاءت ادارة النصر بتصريحات موجه للجماهير الهلال مباشرةً مما عرضها للأختلاف المباشر معها وعرضها لكل الانتقادات........والحقيقة الشىء الايجابى الذى حصل من كل هذه الزوبعة تجده فى موقع النصر بحيث شجبت جماهير النصر كل هذه التصريحات (الثمامة) وطالبت ادارتها بأحترام الخصم والتأنى...

لاعبين فريق النصر:- رغم التحدى الكبير وضغوطات الديربى.....مباريات الهلال والنصردائماً تتسم بروح اللعب النظيف...وهذا يدل على شىء واحد....ان لاعبيهم يحترموا الهلال رغم انهم يلعبون تحت ضغط التصريحات الادارية والثقة المفرطة التى ورطتهم بها ادارتهم....لاعبين النصر يستحقوا الاشادة

النكت وغيرها:- جماهير الهلال تستحق الفرحة والالتفاف بشرط ان تكون النكت غير شخصية او مخلة للأداب وضوابط الاسلام

واخيراً....اشكرك على الموضوع الرائع.......ويستحق الثتبيت من رائى الشخصى وادعوا الله ان يغفر لنا كل ذنب من وراء كرة القدم

كلام سـليم ..

مشكور اخوي

لكن اتوقع الاثارة مطلوبة بين الجماهير

خلاص يا جماعة اذا خلصت أي مباراة .. لا أحد يفرح !! ولا احد يضحك !! وأبجيب لكم سوبيا وسمبوسة !! ونقلب شمغنا ونخشع وابجيب مكرفون نفس حق المدارس مبطي اللي تضغطه وتتكلم !! وأبدعي على شارون وكونداليزا رايس !! وابدعي للهلال !! وأنتم قولوا أمين !! وما عاد نبي جمهور يحلق .. ويحط سكسوكة وهالخرابيط الفاضية !! لاننا نبي ننهزم !! ونبي نتدمر !!

ويا اخوان اوصيكم ونفسي بالمراكز الصيفية !! ونشر الكتبيبات الاسلامية .. وخصوصا ذاك البرتقالي حصن المسلم اليومي !! وكثروا من الطاعات !! يا جماعة لا احد يفرح !! يا ويل اللي يبتسم !! والا يرد على تصريح للاندية الثانية !! يا جماعة عليكم بتحري رؤية هلال شهر رمضان من الحين !! يا جماعة لا تحرصون التصفيق في المدرجات لانها من صفات النساء !! ومثلكم عارفين اخوتي في الله ان اللعنة تحل على المتشبهين من الرجال بالنساء !!

أخوتي لا أحد يركب في غرفته لمبة حمراء !! وأياكم والابجورات فإنها تجيب (الخقق) وتثير الفتن !! وهيهات هيهات !! يا جماعة اذا ارسل لك نصرواي نكتة .. وأنت في يوم الاثنين فأن كنت صائما الاثنين والخميس فقل اللهم اني امرؤا صائم !! او ( كل تبن ) ولا ترد عليه لأن في ذلك محظور !!

أحبتي في الله لا أحد ينزل تصاميم لأن فيها صور ذوات الارواح !! وفيها فتن !! أخواني المشرفين اتمنى منكم ان تقشعوا ايقونة ( البوسة وقلب الحب ) وايقونة (ذاك اللي يطبل !! وايقونة ذاك اللي يهز خصره ورأصني يا جدع ) !! لأن فيها من المحاظير الشرعية .. ما اتفق عليه الجمهور !!

احبتي !! اياكم والتصفير واذا جاب لاعب هدف .. فكبروا الله !! وقووها بصوت واحد !! ومالمانع ان نقلب استاد الملك فهد او الملز في روايتن اخرى !! بذكر هذه الكلمة المحببة للقلوب !!


اخوتي والله لو اشوف احد ضاحك !! والا منزل موضوع عن النصر !! لا ألعن خير خير ابليسه !!


برايفت لأخواتي الزعيمات :

تعلمين أختي الزعيمة أنك درة مصونة وأن الاختلاط محرم !! فأرجو أن تطالبوا الادارة أن يفتحوا لكم قسم لكن (( لا أبو أبو أبوكنّ )) !! .. سدا للذرائع !! وإيمانا منا أنكن على قدر المسؤولية واياااااكن !! والضحك ليكي لا يعتقد من في قلبه مرض أنكن تتميلحون عليهي !! و أرى أن تتجنبوا اللون الزهري لأن فيه مدعاة ((للخقة )) وهذا ما لا نرضاه نحن (( هواة قتل الفرحة باسم الدين )) !!