لازم يعني نكتب ( نحبك يا ART )علشان تنقلون المباراة بحياد وأمانه ؟( مناقشه جدية ) - نادي الهلال السعودي - شبكة الزعيم

ابو طـــــلال · #1 08/02/2008, 10:46 PM

تحية طيبة وبعد ..

مبروك .. ألف مبروك الفوز ...

هالفوز له طعم غير .. لأنه اولا جاء أمام المنافس التقليدي النصر ... وأمام لجنة الإنظباط .. وأمام قناة الــ art ... وأمام الإجهاد ... والظروف الصعبة اللى حصلت حتى قبل المباراة بدقائق .. واخرها كانت خروج المفرج .. وإصابة الدعيع .. لكن ربك ستر .. وتسمم الحارس الشمري ( المتألق بصراحه )

الظروف كلها كانت ضدنا .. بس الحمد الله تعدينا اصعب من هالظروف واقسى ..

سبب موضوعي هو ملاحظه تقصير قناة الــ art الواضح وتجاهل الجمهور الهلالي .. وتفاعله الدائم مع المباراة .. القطات دائما على الجمهور النصراوي في المدرجات .. واللاعبين .. والأعضاء .. لإبراز انهم الاكثر .. حتى في المباراة وداخل المستطيل .. يكون تسليط الكاميرات على إعادة لقطات النصر اكثر وخصوصا تلك اللقطات اللتي ترضي اهوائهم ... ومنها مايبحثون عنها على اي سبب يعلقون عليه سبب هزيمتهم ...

وإلا لازم يعني قبل ماندخل مباراة للهلال نشق قطعه من كرتون ( بيض ) ونكتب عليه ( نحبك يا art ) علشان الكاميرا ترضى علينا ؟؟ وين العمل الاحترافي والحياد .. يامصورين القناة ؟

مبروك للهلال .. والقادم اجمل إن شاء الله .. يعلم الله هالفوز له طعم ...

وحركة التايب مع الغامدي هذي لحالها ...

بحريني واعتز · #2 08/02/2008, 10:55 PM

والله انك صادق مدققين عالنصراويين
مبروك الفوز

س ا م 6 · #3 08/02/2008, 10:55 PM

التائب و الغـآمدي .. عوضونا عن مراوح ليلو ...

الوا يلي · #4 08/02/2008, 10:59 PM

ابو طـلال:
مـبروك الـفوز اولا للجميع

لكـن الحقيقة الارتي في السنه هذه غير عن العام القادم

هذه السنة بشكل واضح جدا هناك اهمال للهـلال

غريب هذا على مجموعه قنوات تتدعي المثالية والاحتراف

.
.
.
ربما علينا ان
نحمل تلك القطعه
ونكتب به

نحبك ياالارتي

.
.
.
الوايلي

&9&سامي&9& · #5 08/02/2008, 11:00 PM

مبروووووووووووووووووووووووك

ازرق+ابيض=عشق الهلال · #6 08/02/2008, 11:02 PM

انت شف من صاحب القناه شيخهم صالح كامل

شــاهــيــن · #7 08/02/2008, 11:05 PM

أخوي المتسبب المخرج وليس المصورين

والله انه قهرني

والدليل انه المخرج انه بعد المباراة تم عرض مقاطع للجمهور الهلالي بعد المباراة من حركة الزلزال والموج

بصراحه غصب عليه يعرضها لأنها قمه في الروعه

fahadovic · #8 08/02/2008, 11:06 PM

ياخوي في مباراة الهلال والمان ما جابوا الجمهور يوم يزينون الموج
وقبله جمهور الهلال والنصر لا جابوا الموج يعني الـART فاشله إلا اشوي عاد وشلون تبيهم يجبون الجمهور اليوم
وتشكر على الموضوع

hilali-66 · #9 08/02/2008, 11:10 PM

وربي تستاهل هالـart مايقصرون ..!

ss_ss · #10 08/02/2008, 11:18 PM

والله أنك صادق ,,

مشعــل المقاطي · #11 08/02/2008, 11:49 PM

مبروك للهلال ونحمد الله عالفوز

ولازم رجال الزعيم يلتفتون لهالقناه

بصراحه زودتها

الوثلان عيب عليك حركات البزران

ياعالم البلنتي الهلالي عاده اول مره من جميع الجهات الكميرا الخلفيه اللي جابت ظهر ياسر كان واضح الاعاقه مليون بالميه بعدها صار يعرض اللقطه اللي من الامام اللي مو واضحه !!

فاول للنصر عالطرف الايمين ثبتها سعد بيده ماجاب اعاده لها !!

انفراده سعد بعد تمريرة الشهراني اللي استقبل الكره بيده بمنقطه الجزاء وطلعها الدعيع ماجاب الاعاده من بدايتها جابها بعد ما نزلت الكورة للارض بيد اقدام الشهراني !!

انفراده ياسر حسب تسلل مع ان طارق رافع يديه الثنتين للمساعد وهو عارف انه بموقع تسلل وياسر منطلق للكره

يجي الوثلان يعيدها لين توصل الكره للتايب ويقطع الاعاده يعني قرار صح !!

غير الضرب والركل وكأننا في بطولة افريقا !!

غير التمثيل لاكثر من مره بدون كروت !!

بس ربك مايرضى بالظلم وعشان كذا انتصرنا وفزنا

ونحمدالله ويارب يتواصل مسلسل الانتصارات الهلاليه الى نهاية المسابقات

ابو طـــــلال · #12 09/02/2008, 12:01 AM

المشكله مانبي نردد كلمة مؤامره ومحاربة الزعيم ..

لكن ابداء من لجنة الإنظباط .. إلى أوقات المسابقات وتداخلاتها مع بعض .. والضغط على اللاعب .. والتحكيم .. والصحف .. وكلمتها الــ ART بإخراج مباراة اليوم .. يعني الإعاده تجي على بعض الامور اللى تعطي انطباع للناس ان الهلال ظالم والنصر مظلوم !!

بس يعجبك الزعيم .. مع كل هالأمور .. متفوق ولايتلفت لهاإستهداف الواضح

شكرا للردود والتعليق ...

][هلالي..غيور][ · #13 09/02/2008, 12:07 AM

والله العظيم .. كلامك سليم 100 %

تقبّـل تحيآتي ..

سنايدي الهلال · #14 09/02/2008, 12:37 AM

القافله تسير و القلب تنبح

ابو طـــــلال · #15 09/02/2008, 01:21 AM

شكرا للجميع ردودكم وتعليقاتكم ياكباتن