وقررنا نشتري جوالات .. ادخل وشف وش صار ..؟؟ - صفحة رقم 2 - نادي الهلال السعودي - شبكة الزعيم

Glory Madrid · #1 07/02/2008, 11:47 AM

السلام عليكم ..

هلا بكم يالغالين ،، اخباركم ان شاء الله تمام ..

رحت يوم امس الاربعاء 28 / 1 / 1429 هـ الموافق 6 / 2 / 2008 م انا واحد أعضاء الشبكه نبي نشتري جوالات >> {{لاتحسبوننا كاشات ،، كلهن جوالين

}} ..

تحركنا الساعه 15 : 4 عصرا ً من الملز و طلعنا للمرسلات ..

ودخلنا لمحل اتصالات نعرف راعيه >> {{عشان يعطوننا سعر الجمله

}} وسألناهم عن N73 المطور قالوا موجود ، قلنا بكم سعرهـ ؟ قالوا 1145 سعر الجمله لكم ، بصراحه استغربت وشلون السعر نازل كذا

!!

أخذنا منهم جوالين ودفعنا حسابهم ،، وحينما >> {{متعوب عليه الكلمه ذي

}} فتحنا الجوالات نبي نشوفهن كان معنا اخوي الصغير ويوم شافهن قال بسرعه رجعوهن لأننا لقينا ان صناعتهن ألمانيه !!

بعد هالموقف اول مرهـ ادري ان اخوي ذيب

..

كنا بالمحل نفسه يوم نفتحهن ؛؛ ورجعناهن لهم وقالو السوق كله ألماني مافيه فنلندي الا الجوالات الجديدهـ اللي نزلت !! قلنا خلاص مانبيهن وأخذنا فلوسنا

..

رحنا ندور بالمحلات عجزنا نلقى فنلندي

!! قلت للي معي مافيه الا نروح لـ الحداد أكيد نلقى عندهم ؛؛ صح انهم بياكلوننا بالسعر لأنهم وكاله

بس الشكوى لله ، ورحنا لهم ..

دخلنا وسألنا قال بالمحل مافيه الا الماني

لكن أبسأل المستودع ؛؛ ودق عليهم ولقى موجود فنلندي

..

في أثناء ماحنا قاعدين عندهم نحتري الجوالات تجي سألته : ليش السوق كله ألماني ؟؟ قال : ان الـ فنلندي مايجي الا الجوالات الجديدهـ الي آخر شي نزلت

،، وقال لي مافيه فرق الماني فنلندي ؛ كلهن يغيرون الاستكر حقهن بالامارات

!! ويزيدون سعر الفنلندي عن الالماني 50 ريال وهن نفس الشي !!

قلت مايخالف اهم شي اسم فنلندي ؛؛ وبعدين اعرف واحد معه N70 ألماني محسر(ن) به ، كل شوي يطفيه واذا بدا يرسل بلوتوث يعلق وحالته حاله

..

الزبدهـ جن الجوالين واخذنا الواحد بـ 1210 ، وقال لنا فيه عرض جديد من الوكاله - الحداد - انك اذا شريت جهاز يضاف عليه سماعة بلوتوث وشاحن جوال أصلي للسياره وتزيد 100 ريال ؛؛ ويقول انت الكسبان لأن وصلة البلوتوث تباع بلحالها بـ 130 وشاحن الجوال الأصلي للسيارهـ يباع بـ 40

..

اخذنا جهاز بالعرض هذا >> {{اللي هو حقي

}} وجهاز بدون عرض لرفيقي >> {{طفران

}} ..

وانتهت الحكايه ..

أتمنى انكم استمتعوا بها ؛؛ وتراها واقعيه

..

[[ باركوا لنا بالجوالات الجديدهـ

]]