وجت موافقة ابو دحيم على الزواج وانا الي انقز من الفرحه ومبسوط.... وجا الشكش مبروك يامقلع وافقوا عليك يالله شد حيلك<<شكلك بتجحدني.. كله من خيرك الله يسلمك..
اترك عنى هالحسي بس كم عندك في البنك؟
والله اني خابرها خمسين من مبطي ماجيتهم ان كان خصموا منها شي مادري
ايه زين خمسين وانا ابوك اجل العشرة الباقيه علي وش عشرته الله يسلمك اقول خابرن في البنك خمسين ريال..<<< ززززززززطع ابد ابد النعله مسلمة على الدمجه هاه هاه وش فيك الله يغفر لك هالحين نحكي عن العرس ومصاريفه تقول خمسين ريال طيب وش اسوي اسرق ماعندي الا هالخمسين خلاص ابوديك لبو علي يسلفك ونروح لبوعلى الا هو مدد هالكراعين بين اكياس هالرز والهيل الى لها خمسين سنه محد شرها حط يدك وانا ابوك على الاكياس وانا مدربي هالدمجه مدري وحط يدي وبعدها عطانا القروش ورحنا منه لبيت ابو دحيم ويمصع هالقروش منا وقال الخميس الدخله
وراكم مابعد تجهزت<<<< لايكونون يبون الفكه منها وتنشب بحلقى
وش اتجهز انت وجهك حدك ثوب كويتى ولونه بيج بعد ويخب عليك
واتجهز واتقضى لليلة الدخله واتسلف بشت طفرت معاد عندي شي خذها ابودحيم هو وولده ابو نشقه..
واليوم الاربعاء والليله الدخله الا الشباب طالعين للمخيم قلت ياولد رح للبر معهم وسع صدرك لين الليل واخذ عفشي وعلى البر والشكش يحتوس يدورني
وابو الشباب مبسوط مع الربع الين الساعه 9 في الليل يو يو يو نسيت الله يرجكم الليله عرسي ودوني وهم يكعونها ضحك قم انت ودمجتك ماعرس الا انت واخير اقتنعوا ودونى <<<ذيك الايام ماعرف اسوق
وانا الى اوصل للبيت ويستقبلنى بكل حفاوة وتصفيق
وبسرعه سرعه يالله تاخرنا
ونروح للعرس وانا مشخص في موتر يالله وصلنا لا وتعطل في الطريق بعد
ويلطعونا في هالصاله ذبحوني بالشاهى والقهوه <<< وانا الي انغز الشايب
اقول يبه شكلهم مهونين لطعينا الساعه الحين 12 راح الليل
وشوي الا ابونشقه جاي بيمسك يدى وانا الفط به مابقى الا انت تمسكني قدها انت وخشمك الا ابوي يالثور قم بيدخلك على مرتك قم معه وش الله بلانى بها الولد وانا اقوم معه وادخل الا يو يو ياكثر الحريم هالحين وين مرتى منهم
اقول يبه هو اتنقى منهن ولا وش الدبره قرررربع رجفة من وراء في ظهري اقول يالهيس الاربد لا تحكي ولا تقول شي المهم جلسنا على كرسي يازينه يصلح للحوش وتقعد اخت رجه تزعجنا بصوتها العذب
وانا ارجفها ذيك الرجفه
ونظهر من الصاله على موتر ابونشقه توه شارين موتر جديد وحنا في الطريق ايه مهوب منك والله من قريشاتي ولا وجهك وجه موتر حدك دنينه وتخب
وندخل للحوش قصدى البيت وفي الغرفه
وراكم وش جاكم سعبولتك ياهلالي فخور قامت تقطر ياخبلكم
دار بينا الحوار الاتي:
الله يحييس يام العيال وتو مازاد الحوش بعنز ولاده مثلس
الله يبقيك يالتيس الامعط
افاااا انا تيس ياخت ابو نشقه
واجل انا عنز انت ودمجتك
اشوف قمتى تمونين
المهم ترا انا من ذاك اليوم وانا ابي اشوفس لايكونون غشوني افتشي اشوف
ومدت يدها بشويش بتشيل الغطوه الا الباب طق طق طق
وهونت لاحوووول منهو
تبي عشاء قل امين يمال العشة الى تهبد على رويسك لا انقلع قلعك الله
يالله يابنت الحلال دام مابعد توهقنا
وهي الي تفتش
هاه هاه هاه هاه
يالله الخيره بالله هالزين اخت لابو نشقه ياحبنيله
وامضيت ليلتى بسعاده وهناء بس اذنى تعورنى من زعاق اخت رجه