][ إن كنت تملك الموهبة تعال هنا ][ مباراة هامة مع المجلس العام ][ - نادي الهلال السعودي - شبكة الزعيم

أسيــ الزعيم ــر · #1 06/02/2008, 07:22 PM

بسم الله الرحمن الرحيم

السلام عليكم ورحمة الله وبركاته

عمتم مساءا ً وأصبحتم صباحا ً

أولا ً أحييكم إخواني وأبلغكم بالغ حبي وإمتناني

لـ قراءة هذا الموضوع أما اللي ما قراه ربي وربه الله

بعيدا ً عن الرسمية وبعيدا ً عن الأجواء الكروية العالمية ولكننا سنبقى في الأجواء الكروية على مستوى الحواري المتطورة

مالكم في الطويلة .. فيه مباراة ستتم بإذن الله تعالى بين أعضاء منتدى الرياضة العربية والعالمية ومنتدى المجلس العام على أحد ملاعب الرياض المزروعة

ومن خلال هذا الموضوع نبي نكون فريق .. فـ من يرى في نفسه الموهبة في اللعب فـ ليقدم الطلب عبر إرسال رسالة خاصة

واللي بيسحب ترى بنوقفه .. واذا فزنا بإذن الله المكافآت إنذار لكل عضو

بإنتظار الرسائل الخاصة .. قدم إسمك وعمرك ورقم جوالك عبر الرسائل الخاصة

ياخوفي يصير الفريق كله دببة

مع تحية مدرب الفريق : عبدالله
مساعد المدرب : سليمان
مدرب اللياقة : أحمد
مدرب الحراس : ابراهيم
مدرب التوازن الحركي : المكان شاغر

المدلك : يا كثرهم

فيه نقطة نسيت أقولها .. الدعوة للجميع من داخل وخارج الرياض .. بس اياني واياكم القى واحد ساحب علينا

S U L A I M A N · #2 06/02/2008, 07:27 PM

طبعا شيلوا من روسكم عبدالله يلعب .. لا وحاط نفسه من هالحين مدرب يعني مالكم أمل

.. بس أبد مالكم الا الي يخلي يدق سبرنت بالملعب ويراكض ورى الكوره .. وإن غدا لناظره قريب

مع تحيات سليمان كايت

Carrick 16 · #3 06/02/2008, 07:29 PM

والله فكره حلوهـ يابو عابد

.. إذا تبون محوَر علموني بس مالكم إلا اللي
يقطع الماء والكهرب عن فياض واخوياهـ

متى بتكون المباراة ؟؟ كانها بالاجازة ادرجوا اسمي رئيس رابطة مشجعين
الرياضة العالميه

الصدق فكرة حلوهـ .. و إن شاء الله تتطور بالفترة القادمة وتكون بين الروابط

شكراً أبو عابد

أسيــ الزعيم ــر · #4 06/02/2008, 07:31 PM

^
^^
^^^

كنك تقرا اللي براسي يا محمد .. هذي خطتي لكن قلنا نبدا فيها بهالفكرة اللي كانت من سليمان + المجلس العام

النجوم الزرق · #5 06/02/2008, 07:32 PM

متى المبارات

أسيــ الزعيم ــر · #6 06/02/2008, 07:34 PM

^
^^
^^^

ما بعد تحدد الموعد .. خلنا نجمع الفريقين اللحين بعدين نحدد الموعد .. لكن بتكون خلال هالاسبوعين بإذن الله تعالى

15tiger15 · #7 06/02/2008, 07:39 PM

يعطيك العافية اسير على الفكرة الرائعة ولا يهونون باقي الاخوان اللي اقترحوا الفكرة

بالنسبة للمباراة انا ما اقدر العب,,,الاصابات لعبت بي

بالتوفيق ان شاء الله لفريق منتدى الرياضة العربية والعالمية

اذا تبون محترفين اجانب من جزر القمر علموني

ولا من مغسلة السيارات اللي جنب بيتنا

واذا تبون واحد يعض جيبوا لاعب نجران,,,تراه يملك افضل فك بالدوري السعودي

بالتوفيق ان شاء الله لكل اللي بيلعبون,,,وان شاء الله ربي يفككم من الاصابات

R V P · #8 06/02/2008, 07:50 PM

وعليكم السلام اخووي

والله اذا كنتم تبون جناح سريع مهارات

لكن والله صعبه العب ولا كان اول اسم يسجل اناا

لكن ظروف خاصه وماعليكم قلبي معكم

عاشق البلوز 1 · #9 06/02/2008, 07:57 PM

واللهـ فكرهـ حلووهـ

آآآآخ بس

ياليتني كبير

* اقتصر كلامي بـ هالرد

S U L A I M A N · #10 06/02/2008, 08:07 PM

ماقلنالكم الي مصاب يجي يقولنا

الي جاهز ياشباب يعطينا خبر الله لايهينكم

المباراة حتى الآن ماتحدد موعدها بشكل رسمي .. لكن باذن الله في حال اكتمال العدد من الطرفين راح يكون فيه تنسيق بيننا وبينهم وينزل موضوع مشترك هنا وفي المجلس أيضا حول المباراة ..

المباراة راح تكون جديه ياشباب يعني مافيها هزار

.. يعني ملعب مزروع وشغلات حلوهـ .. وممكن فيه تصوير بس لأعضاء منتدى العالميه بما اننا منفتحين

وجه يناظر أعضاء المجلس وحاط ايده على افمه وعيونه مورمه من الضحك

)

عبدالله .. مدرب ومساعد مدرب ومدرب لياقة وحراس وتوازن ومدلك .. والله يادوري الزعيم لاعب بك لعب بعد

S U L A I M A N · #11 06/02/2008, 08:12 PM

إقتباس

الرسالة الأصلية كتبت بواسطة عاشق البلوز 1


	واللهـ فكرهـ حلووهـ آآآآخ بس ياليتني كبير * اقتصر كلامي بـ هالرد

العمر غير مشروط يالغالي .. ممكن ترسل بياناتك لنا وتنتظر النتيجة

..

عندليب الهلاليين · #12 06/02/2008, 08:06 PM

الله

والله فكره حلوه وشي جميل يلوموني بشبكه االزعيم

كان ودي ألعب خصوصاً إني مواهب وجاتني عروض من أحد والأنصار بس أنا رفضت

إلا أسير مافيه رحلات لنقل الجماهير لحضور المباراه

قلوبنا معاكم

Madridi · #13 06/02/2008, 08:19 PM

فكرة حلوه يا عبدالله بس والله الرياض بعيدة والا كان حظرت

على فكرة وش القناه الناقلة

اتمنى لكم التوفيق

Bojan Krkic · #14 06/02/2008, 08:19 PM

والله فكرررره حلووه

اذا تبون حارس ترا انفع لاني طويييييل زي الدعيع

وانفع سنتر بعد

بالتوفيق لكم..

iq1399 · #15 06/02/2008, 08:20 PM

سجلني عندك مانيب لاعب

اذا فريق العالمية فيه لاعبين من رابطتنا ابحضر المباراة بس بالمنصة ولا مانيب جاي :P
ما اوصيكم اهزموا حقين العالمية عشاق يوسف ذاك اليوم صجونا بالاستراحة

~~~

بالتوفيق للجميع وفكرة رهيبة اهنيكم عليها ..