اول شئ مع السلامة وماودي اطول عليكم

بس ابقولكم سالفة صارت لي يوم الخميس احلى ايام الاسبوع على الاطلاق بعد حصوله على المركز الاول بعد ان قام

بتصدر مجموعته والتي تضم السبت والاحد والاثنين >>> والله مافيه امل يأخذ السبت المركز الاول .

على ذكرى السبت والمركز الاول

السبت >> يذكرني بالنصر .

المركز الاول << يذكرني بنادي الهلال .

المهم اني اخذت الجوال وأبحث بالاسماء عن اسم ( الحلاق ) وأدق عليه قلت له صار لي اسبوعين ماحلقت وابجيك , قالي

نا فاضي الحين الحق . وانا أخذ سياره اخوي قلت ابحلق وارتاح وانا رايح بالطريق والاقي الاشاره ماسكة معها على اللون

الاحمر وفيه عسكري ينظم الحركه المروريه >>> جملة متعوب عليها

المهم قالي العسكري وقف يمين قلت قبل ماوقف ابسألك هل الحلب المركز الكامل الدسم هو حليب بقري صافي وطازج

قال ليش الدعوه فوضه تجي متأخر وتبي تدخل ؟ خلاص انتهى التحضير واعتبر نفسك غايب . قلت طيب وش دخل المحو

الأميه بفوز ايطاليا بكأس العالم .

قال اصلا اول مره اشوف ناس طالعين للبر ومسويين راعين بر وماجابوا حكام اجانب ويجيك طالب اخر الترم ماحفظ

ولاقصيده ياخوي لازم تحفظ اول بأول علشان تشيك على السياره وتضمن ان مافيها اي شئ خصوصا انه الحين حتى ضمان

الاتصالات ماينفع يعني تبي تنجح لاتقطع الاشاره الاذا كانت حمراء وتبي تفتك من المخالفات ذاكر دروسك اول

باول . واحلى لحظه يوم تتوقع اني ناسيك وتجيك رساله من الاتصالات ومضمونها ناديك يناديك طبعا انت ماتعرف

تعرب الجمله خصوصا انك ماكنت تحضر دروس الجغرافياا ايام الابتدائي . وعلى ذكر الابتدائي اذكر ايام الاختبارات القدرات

اللي هو اختبار القدرات كنت انا وابوي وقتها بنشتري ضحيه وماندي نشتري سكري او برحي . وبالاخير شرينا كرتون بيبسي

وثلاثه جلكسي . وقال ابوي بيت شعر يهجو فيه الفرزدق بسبب احتسابه ضربه جزاء غير صحيحه للنصر

وهذا جزء من القصيده

شكوت الى حكيم سوء حفظي *** فارشدني الى ترك المعاصي

وقال اعلم بان العلم نور *** ونورالله لايؤتيه عاصي

المهم بعد شهرين من اعتقال المذكور وبعد ان قام بتسديد جميع مخالفات المرور والحلاق والبقاله وام نويره f

<~ تم بعد ذلك الموافقه على انشاء اكاديميه اساطير كره القدم وقام بافتتاحها رئيس الوزراء الروسي روبرت هو الفيصل (

اخو سعود الفيصل ) . واصدر نادي النصر البيان التالي :

اولا : لقد تم ذكر اسم نوروالنور كهرب والكهرب خطر .

ثانيا : الى حرف جر وعلامة رفعه الواو معطوفا على فارشدني واللي رفعه الحكم المساعد الاول

ثالثا: يضل نادينا نادي النصر هو صاحب البيانات الموجوده داخل جهازك المحمول ومن ثم نسخها وحفضها بعد ذلك تقوم

بانشاء حافضه جديده وتحطها جنب الثلاجه وتقوم بتوزيع الجوائز على الفائزين ويؤدي ذلك الى نزع الذاكره وتقوم بازاله

الجذر التربيعي وبعد ذلك تجيك اشاره لف يمين . تلقى ثلاجات ( ماشي حافي ليل نهار) خذ من عندها زيت سوبر

الامارتيه وقم بعد ذلك بنزع بطاقه التامين وتأكد من صحه الاسماء والدوائر الحكوميه .

تبون الصدق السالفه اطول من كيذا ولكن الوقت المحدد للاذاعه قصير جدا ولذلك تم اختصار السالفه . وتم ادراج اسم (

عبودي ) من ضمن الاعضاء الذين يتمنون ان تكون السالفه قد اعجبتكم

ودمتم بخير ومساء الخير ( حلوووه مساء الخير ) قصدي الى اللقاء الذي جمع الهلال بالنصر يوم الجمعه

الماضي . انا لله نسيت اني بانهي الموضوع خلاص يالله بدينا قصدي الى اللقاء . هذي السالفه حقيقيه صارت لي اتمنى

تعجبكم والى اللقاء الذي جمع الهلال بالنصر