يوميات موظف الاستعلامات 905 .. - نادي الهلال السعودي - شبكة الزعيم

ابولمار · #1 06/02/2008, 07:08 AM

يوميات موظف الاستعلامات 905 ..

كان الموظف مرهق ومزاجه سـيء ..

والمايك معلق على رأسه ..

وهو يستقبل مكالمات المشتركين: ..

المكالمه الاولى : شايب كبير السن ..

الموظف : الو ..استعلامات الدليل محمد الــ......, مرحبا ..

المواطن : الو .. ممكن لو سمحت تعطيني رقم عبدالله فهد سعد..؟

الموظف : وين ساكن اخوي لو سمحت ..؟

المواطن : ساكن هنا قريب منا .

الموظف : وين قريب منكم بالظبط .

المواطن : ياخوي هنا جمبنا جارنا ماتعرفون رقمه .

الموظف : يا أخووي انا مادري انت وين بعد .

المواطن : اقول والله ماعندك ماعند جدتي بس ...

طوط طوط انقطع الخط

المكالمه الثانيه : صوت ناعم

الموظف : الو ..استعلامات الدليل محمد الــ......, مرحبا..

الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم
تعطوني اياه ..

الموظف : اي فرع تبغون رقمه .

الصوت الناعم : تدري ايش فيه فرع النسيم بايخ لآن البيتزا حقتهم توصل بارده ..
وبعدين شكلها خبز تميس ...

الموظف : بيموت من الضحك بس ساكت ... طيب خذي فرع العليا اجل ..

الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم
وعلى دمك .

طوط طوط انقطع الخط

المكالمه الثالثه : طفل يرفع الضغط

الموظف : الو ..استعلامات الدليل محمد الــ......, مرحبا ..

الطفل : الووووووو عطني رقم وشسمه ..هذا..وشسمه ي .. ايه ... حمود بادي فرج

الموظف : طيب خذ رقمه ؟؟؟؟؟؟؟؟؟؟

الطفل : لحظه ابي رقم ثاني بعد . ابي رقم هذا وشسمه ... مانع فالح سامي ..

الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه) ..

الطفل : طيب ابي واحد ثاني هذا رقم ابو نادر عمي سعد .

الموظف : اتصل مره ثانيه لانه ممنوع اكثر من رقم في اتصال واحد .

الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك
مجاني اكلم بريالي .

الموظف : يخرج من طوره ( اقول اسمع ............. طوط طوط قفل الخط..

المكالمه الرابعه : كانت صوت ناعم

الموظف : الو ..استعلامات الدليل محمد الــ......, مرحبا ..

الصوت الناعم : عوافي اخوي ...

الموظف : الله يعافيكم ........ ( اول مره احد يعطيه روح معنويه) ..

الصوت الناعم : لا انا قصدي ابغى مطعم عوافي اللي في العليا ...

الموظف : طيب خذي الرقم ؟؟؟؟؟؟؟؟؟؟؟؟؟

المكالمه الخامسه : كانت صوت ناعم اوي<<بآآلمصرري

الموظف : الو ..استعلامات الدليل محمد الــ......, مرحبا ..

الصوت الناعم : مرحبا اخوي ممكن تعطيني مستشفى العيون للولاده ...!<<وشلون ؟؟ههه

الموظف : كيف ..؟؟؟؟؟

الصوت الناعم : مستشفى العيون للولاده .. تسمع يا اصقه ..

الموظف : يبي يصرفها المكالمه مسجله طبعا ( هذا رقمه غير معلن ) .

الصوت الناعم : طيب ظف وجهك .

طوط طوط انقطع الخط .

المكالمه السادسه : كان صوت ناعم.. بنت

الموظف : الو ..استعلامات الدليل محمد الــ......, مرحبا ..

الصوت الناعم : هلا اخوي ممكن تعطيني رقم صيدلية السقاف ..

الموظف : تفضلي الرقم ؟؟؟؟؟؟؟؟؟

الصوت الناعم : لا لا لا هذا رقم صيدلية السقاف اللي في الروضه ..

الموظف : طيب ايش فيها ..

الصوت الناعم : ماهي زينه ... مايبيعون الا فكس ..<<هههه ..

طوط طوط انقطع الخط .

خخخخخخخخخخخخخ مسكين الله يعينه محمـد كسر خآآطري هههه

باسكن روبنز · #2 06/02/2008, 07:23 AM

ههههههههههههههه

حلوووووووووووووووووووووة ..

هلالي وافتخر 20 · #3 06/02/2008, 07:25 AM

هههههههههههههههههههه

حللللللللللللللوة