اسعد الله صباحكم ومساكم اخواني واخواتي اعضاء مجلسنا التحيف..
اولا احب ابارك لاخواننا الاعضاء (المبرزه) على نهاية الاختبارات وان شاءالله نبارك لهم بالنجاح..
يعلم الله انه لم يكن في بالي بطح موضوع لهذا اليوم ...ولكن من سوء حظكم اني شاهدت موقف جبرني ان افكر لاول مره من بعد ما انتهت الاختبارات..
هناك جمله فكرت فيها كثير وهي (انت ترضاها لامك و اخواتك )
اليوم على الصبحيه التحيفه ذهبت الى الكليه بداعي امور ماليه ونفسيه ... والحمدلله انحلت وقالوا بنمشيها لك بس لا تعيدها مره ثانيه ..<<<<< فهمتوا شيء..
المهم بعدها وانا رايح افطر وكان معي خويي الفضيحه (طبعا لا يقان بوهاب) وقفنا عند الاشاره وكان في الاشاره المقابله جمس يعني (لاندكروزر) محمل عن بكرة ابيه سحالي وطبعا السايق من دولة الفلبين الشقيقه وكانت جنبهم سياره وفيها شاب .. وبينما كنا داخلين جو مع عبادي على هالصبحيه نزل التمساح من السياره والسحليه فتحت دريشة السياره وقام الفتى باعطائها الورقه ..وش اللي في الورقه ..الله واعلم طبعا ما كان عند الاشاره سوا الثلاث سيارات ..انا والسحالي والتمساح ومن سوء حظهم ان الفضيحه كان معي نزل خويي من السياره وبكل قوة وجه يقول والله ان ياخذون رقمي مثل ما اخذوا رقمه وش الفرق بيني وبينه ؟؟ يعني لانه لابس جنز وانا لابس ثوب قسم لافسخ ثوبي...<<<<طبعا بو الشباب يستهبل
التمساح لما شاف خويي نزل من السياره فقع وقطع الاشاره
بعدها خضرت الاشاره مشينا <<<<<<<ما بغت تخضر
المهم ناتي الى صلب الموضوع ... الان انا شفت السحليه وهي تفتح طاقة السياره وتاخذ الرقم واكيد كان قبلها اشارات والا ما تجرا الشاب ونزل من السياره واعطاها الرقم.. دايما الناس لما يشوف احد يرقّم قالو له (ترضاها لامك واخواتك) ابي وجه الشبه بين هذي السحليه و ام وا اخت كل واحد منكم !!!!
كم مره نعيدها (البنت المحترمه ما يجيها الا كل الاحترام) والبنت****تستاهل ما يجيها..
شوف حتى لو البنت تكلم واحد تنط له بسؤال ترضى لامك واختك يكلمون بيقول لا والله لاسوي بها واسوي لها يعني الدعوه صارت صريحه كلمني نتونس حبني واحبك قابلني واقابلك كل هذا عادي عندهم اما اختك واخوي وزوجي وزوجتك مالهم دخل بالسالفه ويوووووووه لو جاب\ت طاري الزواج ياتلقى الولد يتهرب يا البنت عالم مادري ليه عايشه اذا كانت الحياه كذا عندهم كل شي عادي وكل شي لعب!
والله وانا اخوك تماسيحك مهيب سوى قصدي اصابعك مهيب سوى فيه تماسيح تسمع بالمغازل والترقيم ومعبي المخباة ارقام وكل من شاف رقمه يا تصيب ياتخيب يعني هو بين قوسين (حمار) انا شايف واحد يطارد بنت بالحارة طالعة من المتوسطة ومتحشمة وناشب لها وهي ما عطته وجه وهو يتلفظ عليها يا حياتي ويا حبيبتي ومن هالكلام السامج وجاني خبر من الاهل بعد سؤالي عنها انها دخلت البيت ترتجف وتصيح وخايفة وتقول لا زم احد يرجعني للبيت بسيارة ماني رايحة للمدرسة وراجعه الا بسيارة اما السحالي الفري اللي يدورون الارقام ويكون فيه تبادل نظرات واتفاق على اخذ الرقم ما ينطبق عليهم المثل اللي انت تقول (ترضاها لاختك او لأمك .... انا خبري قبل 15 سنة تقريبا البنات يستحون شوي حتى اللي تبي رقم او موافقة ما تلاحظ عليها علامات يمكن تلقاها ناظرتك مرة وحدة عاد التمساح الذيب يحرك مخه شوي ويقول بس هذي تبيني معجبه بخشتي ويروح يرقمها عاد البنت اللي ماتبي والمسكينة التفتت صدفة وطاحت عينها بعين التمساح ما تاخذ الرقم ونجي حنا نقول للفهلوي تمساح افندي ترضاها لاختك او بنتك اما اللي تاخذ اللرقم هذي مشكلتها وموضوعها مختلف عن المثل اما وقتنا الحاضر فتعرف البنت اللي تبي الترقيم على بعد كيلو وفيه موضه البنات يرقمون اللحين وش نقولهم ترضينها لأخوك ولأبوك يعني بنهاية الكلام لا احد يرقم واللي يبي يرقم لا يرقم الا وحده تقوله عطني الرقم او موافقه يعني يكون هناك عرض وموافقة اما التماسيح الاغبياء اللي يسمعون بالترقيم ويبون يرقمون اي وحده لابسه بشت بالشارع فهذولا ودك تفقع وجيههم
ابوناصر لماذا أنت كذا ؟!! أخي الكريم يجب عليك أن لاتسيء الظن بالشاب هل تدري مافي الورقة ؟! يمكن يكون اسم شريط يحث على الحجاب ووجوب الستر أو إعلان لمحل أو .. أو .. !! <<< امزح
00000000000000
أخي الكريم فعلاً حينما تنزل الأسواق مع أهلك طبعاً ويقابلك بنت ساترةً نفسها ومحترمة بدون عباية مخصرة وبدون عطر تكبر بعينك وتغض عنها البصر إحتراماً وإجلالاً لها ,, بمعنى أن الغالب تكون البنت السبب ومنها البداية , وأنا لا أنفي المسؤلية عن الشاب أو أجعله براءة لا هو يتحمل الكثير ولكن البنت أتاحت للشيطان المدخل وأعطته الفرصة ,
00
أذكر موقف ليس له دخل بالموضوع ولكن مناسب ورد لمن قال إن دليل البنت التي تريد الرقم تناظر وكذا , صديق عزيز علي ومعه واحد في أحد الأسواق العامة والكبيرة البعيدة عن ديرتهم يقول : أمشي أنا وصديقي ومررنا من عند إستراحة أو كراسي خارج السوق فيها بنتين ينظرن إلي تحديداً أحسست حينها أني أجمل واحد بالعالم وأني رهن إشارتهن , لما تعديت مكانهن التفت إليهن فإذا بهمسات وكلام بينهن ,, قال صديقي : يالله يمديك قرّب الددسن ( أكياس رز !! ) قال الصديق ياأخي هذولي يبنّك شوري عليك لاتعداهن ,, وأنا ماصدقت خبر فتشت وبحثت مابجيبي من كرت أو ماشابهه لكن مالقيت إلا علك نعناع ,, فكيته وكتبت الرقم ,وبإسم فراس , واسمه الحقيقي إبراهيم وما إن رميت به إلا وأيديهن تتلاقفه , فأحسست بالحنان ودخلت أجواء الحب الغرام قبل أن أرى إتصال أو أسمع صوتاً << المشكلة وجهه يالله لك الحمد ماتناظره ولا بالنقتف حق الصور
فلما جن الليل جعلت الجوال بيدي وعيني لاتفارق شاشته بأي رقم ستتصل أم هل ستبدأ برسالة ؟!!! إلى أن جاء الصبح وأشرقت شمسه دون نوم بل دون رمش عن شاشة الجوال , بل إني أجهز رسائلاً مناسبة لبداية علاقتنا , دون أي خبر !! جاء العصر ودق صديقي : هاه يابوالشباب ماتوسطلي تكون لي وحده !!! قلت : وينك وأعطيك الاخبار مررت به عند بيتهم وبدأنا نتمشى في الحارة وأخبرته أنه لم يأتي الاتصال الذي أنتظره ,, وهو بدأ يطمنني ويقول لا محالة سيأتيك الإتصال ولكن هو التغلي أو الظروف يمنعها , وإلا ماأخذت الرقم !!
في هذه الأثناء سيارة ولد جيراننا يؤشر لي بأنوار السيارة من الخلف , فاستغربت ذلك ولا أعلم مالذي يريده خصوصاً أنه رسمي جداً وأكبر منا بكثير ,, وأنا أيضاً مثالي جداً في الحارة ,, فوقف بجانبي وبادرنا بالسلام , ومد يده لي , حسبته للمصافحة ولكن رأيت شيئاً أبيض بها , فما أن أخذت مابيده إلا والمفاجأة بل والصاعقة التي لم أفق منها إلا على صوت سيارته وصريخ كفراته تاركني والعلك بيدي !!! جلست بضع دقائق لم أتحرك ولم أدري أين أنا !!!
000000000000
ابوناصر من طول الغيبات جاب الغنايم وهذا الموضوع من الغنايم يعطيك العافية وماقصرت
ياخي لا تلوم الشباب إذا شافوا بنت لابسه مخصر وطاقه اللثمه وما تترقم
البنات معذبين الشباب يالبى قلوبهم ( الضعوف المساكين )
والله الشباب عندنا يعاني من الحنان ، ولو شاف مثل المناظر هذي بيطير قليبه الشباب عندنا يعاني
يعـــــــــــــــــــــــــــــــــــــــــــاني
لكن اللي أستغربه بعض الأحيان : يكون الأخ يكون جنب أخته بالسوق أو الزوج جنب زوجته بالسوق
وهي لابسه مخصر وطاقه اللثمه ، والرجال وضعه فري
سؤال
وش يحسبه الرجال هذا
من هنا ، ومن منبر شبكه الزعيم أطالب الحكومه بتزويج الشباب بأسرع وقت ، وإعطائهم مبلغ لا يقل عن 100 ألف ريال مساعدة على الزواج قبل أن يقع الفأس بالرأس ويخربونها