الفهاااوهـ وعمايلها ... - نادي الهلال السعودي - شبكة الزعيم

بـنـ**الزعيم**ــت · #1 05/02/2008, 03:23 AM

السلام عليكم
وش اخباركم عساكم بخير
رجعت لكم بكامل قوااي العقليه
ابشركم تأكدت اني بنت اهلي والله الحمد

وهذا انعكس على نفسيتي واختبرت واختباراتي مثل خشتي

بس عاااادي اهم شيئ الاخلاق

كل يوم اطلع من اللجنه والضحكه شاقه الوجه
والعالمين يحسبوني من زين الحل مايدرون اني فرحه اني حاااله السؤال الاول

بس مثل ماقلت اهم شيئ الاخلاق

والله اليوم بعد ماخلصت حاااله الاسئله قعدت افكر وراه ماانزل موضوع وافلللللللها
الصراحه ماادري عن ايش اتكلم
بس منزله موضوع منزله الله لايعوق بشر

بتكلم عن الفهاااااوهـ

بما ان الفهاوة تستقطب اعداد كبيرة من الجماهير .. ويشكل اعداد معتنقي مذهب الفهاوة ثلثي الكرة الارضية من العالم العربي
بما يشكل نسبته تقريبا 340% و 260 كيلومتر مربع و12 جزء من الثانية من سكان العالم على مستوى الصعيد الانساني..< < تأثير الاختبارات

وان لهذه الفئة المضطهدة مالها من الحقوق المغتصبة والشسمه المهضومة الشي الكثير ..

لذلك قررت هنا ان اسلط الضوء على هذه الفئة البطلة .. ونشيد بها وبانجازاتها التي كويسة .. ونعرض للعديد من اعمالها المونتازة ..
تحت ظل المنظمة العالمية لرعاية الفاهين والتي تحمل شعار :

من يقول ان الفهاوة عيب ..

فهيا بنا نهتف :

تعيييييش الفهاااااوة تعييييييييييش تعيييييييييييش تعيييييييييييش ..

عزيزي/تي الفاهي/ـة :

كم مرة طلبت منك امك تجيبين شي من غرفتها ويوم رقيتي ووصلتي غرفتها نسيتي وش كنتي جاية تاخذين .. ثم عدتي ادراجك وبكل فهاوة قلتي لها : وش قلتي لي اجيب ..؟؟ <<اوووف والله ياهو قهر دايم تصير لي

وكم مرة كان عليك اختبار وقاعدة تذاكرين وتخططين ثم فجأة اختفى قلمك وقعدتي نص ساعة تدورينه وبالاخير اكتشفتي انك حاطته باذنك تحتكين بالمهندسين.. << يامااا صارت لي

وكم مرة قالت لك جدتك روحي جيبي فنجال لخالك .. ورحتي بتجيبينه ولقيتي بنات خالتك بالصالة يسولفون وخطمتي عليهم وقعدتي تسولفين وسحبتي على جدتك وخالك والعالم تحتري ذالفنجال يوصل.. << خخخخـ فضايح خلوني ساكته

وغيرها من المواقف

من علامات الشخص الفاهي ..

يحك راسه كثيرا ..
كل النهار يفكر على غير سنع ..
دايم فاق كشرته ..
يسوي نفسه ابو العريف وهو من جنبها..
يكثر من قول ( شسمه , ذاك , شيسمونه , الهذا , شي(ن) مدري وشو , ما انتبهت )ونحوها..

عزيزي/تي ...

اذا وجدت/ي في نفسك شي من هالامثلة سابقة الذكر او ماشابهها .. فيسعدني ان اقول لك :

مبرووووووووووووووك انت/ي فاهي/ة ..

الغرض من هالموضوع اخواني اخواتي .. هو عرض مواقفك الفاهية في الحياة او حتى مواقف غيرك .. فمثل هالمواقف تتكرر بكثرة في الحياة العامة..
ولكم خاالص الشكر والتقدير