#1  
قديم 09/03/2002, 08:35 AM
زعيــم مميــز
تاريخ التسجيل: 06/02/2002
مشاركات: 1,742
لا ارثور ولا ماتورانا 30 في المئة السبب

خرج الهلال وقبله الشباب والاتحاد والسبب 30 في المئة المسموح به من لعيبت المنتخب للأندية . قرار غير مدروس بالبتة باقي على كاس العالم عند اتخاذ هذا القرار اكثر من( 6 ) شهور كثير من البطولات ذهبت مع الريح كانت في متناول اليد من الذي خسر ؟ الكرة السعودية مع الأسف و الوطن بكل تأكيد . أصبحت الأندية السعودية مثل الحمل الوديع أمام أنديه اقل منها مستوى . بسبب المنظرين الذين أتو بما لا تنهج البرازيل بطلت العالم ( 4 ) مرات . هل سنحصُل على كاس العالم ؟ هل وهل ..........؟ المعسكرات الطويلة مملة على اللعيبة وبالذات الذي متزوج . هل نحن في التخطيط افضل من أوربا ؟ ربما يكون ذلك . نُضحي بكذا بطوله مقدور عليها في سبيل بطوله تكاد تكون صعبة المنال بل صعبة المنال في الوقت الحاضر. أنا لا أقول لا نستعد لكاس العالم بل العكس ولكن الشي إذا زاد عن حده انقلب ضده ألم نأخذ من رحلة فنغادا في البرتغال درس ألم نأخذ من فرنسا( 98 ) عبره.
  #2  
قديم 09/03/2002, 10:28 AM
زعيــم جديــد
تاريخ التسجيل: 06/03/2002
المكان: الرياض
مشاركات: 1
تعددت الاسباب والنتيجه واااحده

اول الله يا زمان فااات يا اخواني بصراحه ما ماكلها الا حنا ولا الشباب(اللاعبين واللي معهم)واقسم بالله مايتأثرون لو ربع ماتتأثر الجماهير وهذا كلام لاعب سابق تنتهي المباراة وماكأن صار شي وطق من هالعصير والماء البارد ودش داافي وينزلون يدقون الوجبه اللي لو يتقاط كل شباب المنتدى يالله نحصل صحن واحد منها المهم ياشباب الامير هذلول صار هاليومين حش وسب وتشكيك وهواااش علاني رغم انه اعقل وارزن واحد بالهلال قاطبه لكن سموه اختار الوقت الغير مناسب لانه يفش خلقه وكان يفترض منه وهو ابو الهلالين الصبر بس حتى ينتهي هالموسم الاغبر للهلال وهذا عندكم اول سبب!!!!!....السبب الثاني الاداره الهلاليه بصراحه الامير سعود بن تركي مايقدر يقود نادي مثل الهلال ولاعيبته اللي يبي لهم قائد كتيبه بريه لايرحم ولايهمه شي لكن مع احترامي للامير سعود لايملك هالشخصيه القوية مثل الامير بندر بن محمد خصوصا بعد ان مر بتجربه عصيبه كان نتجها ان يخرج الخلال خالي الوفاض ولي اول مره في تاريخه المهم وبدون زعل ماقصرت يارئيس النادي لكن اعط سداح فرصه ولازم تترك الفرصه لغيرك واعتقد ان الامير بندر بن محمد لازم يرجع اذا كان لازال في قلبه حب لي الهلال لن مايحدث الان يعصر القلب كبس وخلاط؟؟؟؟؟
بعدين بالله هذا توقيت لتغيير المدرب اقول قم بس قم المدرب جالس يجرب اللاعبين في بطوله والله حاله لكن سؤ اداره وااضح بس وش نقول طارت البطوله بعدين السبب مو بأرثر والله العظيم؟؟؟؟
الحين راح نجي للاعبي الهلال ياحليلهم بس القهر انهم مايتعظون من اللي صار لهم قبل خصوصا تصفيات العين وفي ايران وغيرها غطرسه وشوفت نفس بالله لو كانت الاداره صح كان كيف تسمح لسامي انه يسافر ويوم اصر انه يسوي اللي براسه كان استبدل بلاعب ثاني يخلص للفنيله مو للدعايات لكن وش نقول او اذا مافيه امكانيه انه يجي لاعب مكانه كان احرى بالاداره انه ترفض جيته لكن شفتوا ان المصيبيح دايم على حق لو ان ادارة النادي سمعة كلامه وماخلت سامي يلحقهم للدورة كان والله كنا في وضع افضل لكن وجود سامي بعد فعلته كان من المؤثرات على نفسية اللاعبين لان السبحة بدت تنفرط وماعاد يمدي!!!!!!!!!! وياليته عاد سوى شي الا غرور وغطرسه خصوصا مباراة دور الاربعه يذكرني بايام الحاره قبل اللي له الكوره هو اللي يشوت كل الفاولات والبلنتيات والركنيات وكل ماهو ات المهم انه هو الكل بي الكل لو كان اسوؤهم (كورته وهو حر)وهذا سامي صار كذا وياليت عاد صار شي الا ماهناش ياسامي وليتك بصراحه ما جيت ولا نواف ...الله واكبر هذا نواف افضل لاعب عربي واسيوي والله ولا شي والظاهر ان عقد بايطاليا او كان همه الاكبر ان يلعب كاس العالم والهلال فليذهب الى الجحيم والا بالذمه عاد والله لو كان في بس 30 بالميه اخلاص ولعب الهلال بالصف الثاني والله يفوز بالبطوله ولا بالريوووس بعد ياناس والله كل الفرق اللي شاركت مهناش وماعندك احد لكن وش اقول الله يلعن الغرور.
وعلى فكره المسعري هذا الفلته متى يروح متى اشوف منسقين الهلال والاخ من ضمنهم ياناس تروها مو سالفة خطاء امس لكن الرجال مهناش بالعربي ماعندك احد ليش الهلال متمسك فيه مادري لكن مشكلة الهلال وفي الى حد الغباء...الله يفكنا منه ومن امثاله لا ومن زين الطبايع يحطونه كابتن للفريق اقول مالت على الكبتنيه!!!!
بصراحه اللاعبين هم السبب ادري ان الهلال ظلم من ناحية عدم اخذه لكل لاعبيه لكن الوضع ماكان يحتاج وكان بس ينقصنا شوية روح وشوية اخلاص على كم كيلو جهد والله مايرفعها غير الازرق لكن وش نقول اااااااااااااااااااااه يا ايام ابو اشواق بس والله ماترجع حنا الحين بجيل الدعايات وجيل الدوري الايطالي وفهمكم كفايه وما ذبحنا غير المجاملات والله ادري اني كنت قاسي بكل كلامي لكن كنت عارف وش اقول وهذي الحقيقه اعطوني 11 لاعب هم فقط الفنيله اعطيكم 90% من البطولات اللي نشارك بها...لازم تعرفون ان اللي رايح فيها ومنطحن انا واشكالي ولاسامي الله لايهينه ونواف (نافض الحكام)خوش حركه..راحوايتسدحون في روما وحنا جالسين نطحن غبن وقهر وهذا فعل وهذا سوى لكن يااااااااارب ارزقني كره الكوره وساعدني على كره الهلال ابي راتاح وانسى كل شي يتعلق بالكوره لين الله يعدلها ...طولت عليكم لكن ابيكم تسمحوني وشكرا لكم
ابوخالد15
  #3  
قديم 09/03/2002, 01:30 PM
زعيــم مميــز
تاريخ التسجيل: 06/02/2002
مشاركات: 1,742
أخوي ابو خالد15



شكراً لك على تحليلك الواقعي واللي رجعني إلى لحظات المآساه بتفاصيلها.

لابد من حلول عاجلة وسريعة للمشاكل الكبيرة وعودة الاعضاء الاوفياء المخلصين.وزبده لأدارة فاشلة وسامي مغرور
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube