الشي اللي ملاحظينه كلنا كمشجعين للهلال أن الهلال بدت نخبّط مكينته يعني كنّه بيوك قديمه ما غيرولها زيت من مبطي
<== الله يمصلك على التنكيت اللي ماهوب في وقته

وبعدين الهلال و تخبيطاته ماهيب بس في البطوله العربيه ، يعني رغم ان الهلال متصدر الدوري لكن مااااااش ماهوب الهلال اللي حنا خابرينه....

يعني بالعربي لازم تكون فيه خطوات تصحيحيّه للنادي بشرط ما تكون وليدة لحظة غضب من خسارتنا في البطوله العربيّه..
نبي الخطوات اللي فعلا المفروض انها تصير و الملحوظه منذ مبطي....

يعني المفروض من وجهة نظري المتواضعه :

1- اعادة الكابتن صالح النعيمه ليعمل في ادارة الكرة
2-وضع طبيب نفسي أو أخصائي لبعض اللاعبين اللي بدأو يحسون بالضغوط و التشبع و الملل الكروي مثل سامي و المسعري((هذا يبي له عياده كامله ))و غيرهم من اللاعبين..
3-تغيير طريقة ثلاثه للدوري المحلي وواحد للمشاركات الخارجيه ، مدري على أي أساس مسوين هالطريقه ههههههههههههههه والله مضحكه على بالهم منظمين الدعوه
4- أقوى الحلول وأكثرها فعاليه لكنه أبعدها عن الواقع هو لملمة و تجميع أعضاء الشرف اللي مزلبين النادي و السبب سعود بن تركي الله يخليه ذخر لنادي النصر ، عاد يشوفون لهم حل يا يعتذر لهم ولاّ تتم قرشعته و يجاب واحد يحبونه الربع;)

5- يصرفون للمصيبيح كرتون فشق و فروه يتوقى بها عن البرد و خيشة فصفص و يقولون له هذا تكريم لك بمناسبة انتهاء عهدك الميمون، ولا ينسون يشكرونه على مجهوداته اللي ميب يم قبم

عاد هذي بعض الاقتراحات و الخطط
اللي عنده اقتراحات أو نقد على هالدندره يقولها بس يرفق علي لأني حساس شوي
تشاااااااااااااااو