#1  
قديم 01/02/2008, 11:23 AM
زعيــم مميــز
تاريخ التسجيل: 22/08/2005
المكان: الخرج_الرياض
مشاركات: 2,398
يابوش خذ بندقك..وافزع لغزة**مافيه بعد الله غير أنت يابوش!!!


قصيدة..كتبتها..للتو..ومازلت..أنزفها..

إليكم القصيدة....ضعوا أنمتم عنوانها..


(...................)




يابـوش خـذ بندقك..وافـزع لغـزة
بالثـوب والبسـام لاتحـط طربـوش
اركب علـى جمـسٍ يهيـض مفـزة
لاحاشته صدمـه ولاهـو بمغشـوش
في (تل أبيب)الجمـس يابـوش لـزه
مافيه بعـد الله غيـر أنـت يابـوش
أولمـرت تلـه فـي جبينـه وحِـزه
يالدفـش لاتاخـذْك رحمـة بدفّّـوش
حنا معك..يابـوش فـي كـل حَـزه!!
وإن جيتنا في دربك الـورد مفـروش!
فعلك..تبيـن فـي العروبـه مـحـزه
أكبر رئيس بمنصبـه منـك مخـروش
أطلـق شنـب فينـا بعينك..تـخـزه
ماكنـه الا فـرد وعيونـك جـيـوش
يحـق لـك تفعـل وكـفـك تـهـزه
وتلمنا مثـل الغنـم داخـل الحـوش!
وقـتٍ يعـدوا بـه رجـال المـعـزه
وأكثـر سلاطينـه هراميـل وختـوش
السيـف شلتـه فـي يمينك..بـعـزه
تذبح وتسلخ سلخ..والعرض مخـدوش
مايمنـا يـابـوش نـخـوة وعــزه
حنا(دعاة السلم)!!مانعـرف الهـوش!
خذ ماتبـي يابـوش شخصـك نعـزه
يامذبح الخرفان..ياراعـي الغـوش!!
برميـل نفـط يقابلـه ..كيـس مـزه
..والا بلاااااش...الرز يظهر لنا كروش!
المالبـور الأصلـي الـلـي تـمـزه
خفف شوي آخاف يذبحـك يالبـوش.
ماهـو بحـبٍ فيـك حــبٍ بـغـزه
خايف تروح وتصبح بيوتها نعوش!!!!
يابـوش خـذ علمـي لربـعـك ودزه
إن العروبـه عندنـا قبـر منـبـوش
والله مافـي القبـر فزعـه وفــزه
ألا...على انفسنـا صناديد،،ونهـوش
فينـا الشجـاع الفـذ رمحـه يكـزه
في ظهر ابن عمه...ولاينوشكم نـوش
عنـدي طلـب واحـد بحكـم المعـزه
مادام صرت أمـون وتمون..يابـوش
لبنـان فـي حاجـة رئيـسٍ تــرزه
عجل ترى وضعه كما العهن منفـوش
يـااااااااذل مـن يابـوش تبغـا تعـزه
أقولها..والدم في جسمـي يغـووش!
خـذ راحتك..يابـوش واقتـل بـغـزه
والله ماعندك..عرب كلنـا طـروش!!

____________________


أسأل الله جل..وعلا ..أن ينصرنا على من عادانا..
ويرحم شهداءنا ويجعل..لنا فرجا عاجلا ليس آجلا..

وأن يحيي..قلوبنا الميته..ويبعث فينا روح التوحد..والجهاد.
هو ولي ذلك..والقادر عليه..

محبتي..وتقديري...
أعجبتني ونقلتها

وهي للشاعر بندر الرشيدي
اضافة رد مع اقتباس
  #2  
قديم 01/02/2008, 11:37 AM
زعيــم متواصــل
تاريخ التسجيل: 01/01/2007
مشاركات: 154
صح لسانه

وتسلم ع النقل واقتنائك للمواضيع اللي لها باع طويل

إقتباس
أسأل الله جل..وعلا ..أن ينصرنا على من عادانا..
ويرحم شهداءنا ويجعل..لنا فرجا عاجلا ليس آجلا..

وأن يحيي..قلوبنا الميته..ويبعث فينا روح التوحد..والجهاد.
هو ولي ذلك..والقادر عليه..

اللهم آمين

*
*
*

تبقى وجهة نظر
لا تقدم ولا تأخر
اضافة رد مع اقتباس
  #3  
قديم 01/02/2008, 12:53 PM
الصورة الرمزية الخاصة بـ سنآيدي
زعيــم مميــز
تاريخ التسجيل: 28/02/2007
المكان: الرٍيآض _ السـوٍيدي
مشاركات: 2,821
صــح لسآن قآيلها وتسلم على النقل

قصيدة روعـة بصراحـة ومآثرهـ

قريتها مرتين ولا شبعت منها

أسأل الله جل..وعلا ..أن ينصرنا على من عادانا..
ويرحم شهداءنا ويجعل..لنا فرجا عاجلا ليس آجلا..

وأن يحيي..قلوبنا الميته..ويبعث فينا روح التوحد..والجهاد.
هو ولي ذلك..والقادر عليه..
اضافة رد مع اقتباس
  #4  
قديم 11/09/2008, 12:12 PM
زعيــم متواصــل
تاريخ التسجيل: 09/06/2008
مشاركات: 107
مشكوور قصيده اكثر من رائعه

نسال الله العزيز القدير ان يعز الاسلام والمسلمين
اضافة رد مع اقتباس
  #5  
قديم 11/09/2008, 05:35 PM
موقوف
تاريخ التسجيل: 06/06/2008
المكان: الـشـرقـيه
مشاركات: 7,142
صح لــســانك ولسان قائلها,,

وفي انتظار القادم,,

اضافة رد مع اقتباس
  #6  
قديم 01/10/2008, 01:58 AM
زعيــم فعــال
تاريخ التسجيل: 25/04/2006
مشاركات: 340
مشكووووور اخوي على القصيدة الرائعه
اضافة رد مع اقتباس
  #7  
قديم 01/10/2008, 02:54 AM
زعيــم متألــق
تاريخ التسجيل: 02/05/2006
المكان: MANCHESTER,UK
مشاركات: 1,244
ايييييييييييييييييييه الله يعين بس ..............!

الله يرحم حالنا والله اننا ضايعين...!

مشكور اخوي
اضافة رد مع اقتباس
  #8  
قديم 01/10/2008, 04:20 PM
زعيــم نشيــط
تاريخ التسجيل: 05/10/2006
المكان: في السنتياقو
مشاركات: 746
صح لسانك أخوي ويسلم لسان من قايلها

ومشكور أخوي ع النقل الرائع


السفير

اضافة رد مع اقتباس
  #9  
قديم 01/10/2008, 08:40 PM
الصورة الرمزية الخاصة بـ мя.ħάίţħάм
زعيــم مميــز
تاريخ التسجيل: 31/07/2007
المكان: يآربٌ .. منْ لي غيركٌ
مشاركات: 8,721
أهنيك ع الموضوع الرائع !!

...................................


تقبل مروري والف شكر !!

تحياتي !!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube