يابوش خذ بندقك..وافزع لغزة**مافيه بعد الله غير أنت يابوش!!! قصيدة..كتبتها..للتو..ومازلت..أنزفها.. إليكم القصيدة....ضعوا أنمتم عنوانها.. (...................) يابـوش خـذ بندقك..وافـزع لغـزة بالثـوب والبسـام لاتحـط طربـوش اركب علـى جمـسٍ يهيـض مفـزة لاحاشته صدمـه ولاهـو بمغشـوش في (تل أبيب)الجمـس يابـوش لـزه مافيه بعـد الله غيـر أنـت يابـوش أولمـرت تلـه فـي جبينـه وحِـزه يالدفـش لاتاخـذْك رحمـة بدفّّـوش حنا معك..يابـوش فـي كـل حَـزه!! وإن جيتنا في دربك الـورد مفـروش! فعلك..تبيـن فـي العروبـه مـحـزه أكبر رئيس بمنصبـه منـك مخـروش أطلـق شنـب فينـا بعينك..تـخـزه ماكنـه الا فـرد وعيونـك جـيـوش يحـق لـك تفعـل وكـفـك تـهـزه وتلمنا مثـل الغنـم داخـل الحـوش! وقـتٍ يعـدوا بـه رجـال المـعـزه وأكثـر سلاطينـه هراميـل وختـوش السيـف شلتـه فـي يمينك..بـعـزه تذبح وتسلخ سلخ..والعرض مخـدوش مايمنـا يـابـوش نـخـوة وعــزه حنا(دعاة السلم)!!مانعـرف الهـوش! خذ ماتبـي يابـوش شخصـك نعـزه يامذبح الخرفان..ياراعـي الغـوش!! برميـل نفـط يقابلـه ..كيـس مـزه ..والا بلاااااش...الرز يظهر لنا كروش! المالبـور الأصلـي الـلـي تـمـزه خفف شوي آخاف يذبحـك يالبـوش. ماهـو بحـبٍ فيـك حــبٍ بـغـزه خايف تروح وتصبح بيوتها نعوش!!!! يابـوش خـذ علمـي لربـعـك ودزه إن العروبـه عندنـا قبـر منـبـوش والله مافـي القبـر فزعـه وفــزه ألا...على انفسنـا صناديد،،ونهـوش فينـا الشجـاع الفـذ رمحـه يكـزه في ظهر ابن عمه...ولاينوشكم نـوش عنـدي طلـب واحـد بحكـم المعـزه مادام صرت أمـون وتمون..يابـوش لبنـان فـي حاجـة رئيـسٍ تــرزه عجل ترى وضعه كما العهن منفـوش يـااااااااذل مـن يابـوش تبغـا تعـزه أقولها..والدم في جسمـي يغـووش! خـذ راحتك..يابـوش واقتـل بـغـزه والله ماعندك..عرب كلنـا طـروش!! ____________________ أسأل الله جل..وعلا ..أن ينصرنا على من عادانا.. ويرحم شهداءنا ويجعل..لنا فرجا عاجلا ليس آجلا.. وأن يحيي..قلوبنا الميته..ويبعث فينا روح التوحد..والجهاد. هو ولي ذلك..والقادر عليه.. محبتي..وتقديري... أعجبتني ونقلتها وهي للشاعر بندر الرشيدي |
صح لسانه وتسلم ع النقل واقتنائك للمواضيع اللي لها باع طويل إقتباس:
* * * تبقى وجهة نظر لا تقدم ولا تأخر |
صــح لسآن قآيلها وتسلم على النقل قصيدة روعـة بصراحـة ومآثرهـ قريتها مرتين ولا شبعت منها أسأل الله جل..وعلا ..أن ينصرنا على من عادانا.. ويرحم شهداءنا ويجعل..لنا فرجا عاجلا ليس آجلا.. وأن يحيي..قلوبنا الميته..ويبعث فينا روح التوحد..والجهاد. هو ولي ذلك..والقادر عليه.. |
مشكوور قصيده اكثر من رائعه نسال الله العزيز القدير ان يعز الاسلام والمسلمين |
صح لــســانك ولسان قائلها,, وفي انتظار القادم,, :) |
مشكووووور اخوي على القصيدة الرائعه |
ايييييييييييييييييييه الله يعين بس ..............! الله يرحم حالنا والله اننا ضايعين...! مشكور اخوي |
صح لسانك أخوي ويسلم لسان من قايلها ومشكور أخوي ع النقل الرائع السفير |
أهنيك ع الموضوع الرائع !! ................................... تقبل مروري والف شكر !! تحياتي !! |
الوقت المعتمد في المنتدى بتوقيت جرينتش +3.
الوقت الان » 11:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd