#1  
قديم 31/01/2008, 12:54 PM
زعيــم فعــال
تاريخ التسجيل: 04/08/2007
مشاركات: 470
يوميــــــــــــــــات موظف 905

كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:

========================

المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالضبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط


المكالمه الثانيه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم
تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده ..
وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم
وعلى دمك .
طوط طوط انقطع الخط


المكالمه الثالثه : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك
مجاني اكلم بريالي .
الموظف : يخرج من طوره ( اقول اسمع ............. طوط طوط قفل الخط


المكالمه الرابعه : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خوذي الرقم ؟؟؟؟؟؟؟؟؟؟؟؟؟


المكالمه الخامسه : كانت صوت ناعم اوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصقه .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .


المكالمه السادسه : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فكس ..
طوط طوط انقطع الخط .


المكالمه السابعه : كانت فتاه ايضا
الموظف : الو ..استعلامات الدليل محمد الــ......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمه مراقبه).
الفتاه : لا انا ابي محل عيوني للعدسات والنظارات اللي في التحليه .
الموظف : ايش اسمه عيوني.
الفتاه : لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات
يضحكون .
الموظف طلع وترك الدوام .ولعن اليوم اللي توظف فيه



م ن ق و ل


اضافة رد مع اقتباس
  #2  
قديم 31/01/2008, 06:38 PM
الصورة الرمزية الخاصة بـ الكوماندو
زعيــم متألــق
تاريخ التسجيل: 31/08/2006
المكان: ارض الله الواسعه
مشاركات: 1,104
ههههههههههههههههههههه
الله يعينه عليهم
وبس حلوه بيتزا بخبز تميس
اضافة رد مع اقتباس
  #3  
قديم 31/01/2008, 08:08 PM
زعيــم نشيــط
تاريخ التسجيل: 06/06/2003
المكان: المملكه العربيه السعوديه
مشاركات: 546
ههههههههههههههههههههههههههههههههههههههههههههههههههههه

اجل مو صاحيات البنات يستهبلون في المسكين
اضافة رد مع اقتباس
  #4  
قديم 01/02/2008, 12:23 AM
زعيــم فعــال
تاريخ التسجيل: 04/08/2007
مشاركات: 470
يعطيك العافيه على المرور
اضافة رد مع اقتباس
  #5  
قديم 02/02/2008, 05:39 AM
زعيــم مميــز
تاريخ التسجيل: 08/09/2006
المكان: في قلب الهلال
مشاركات: 6,022
خخخخخخخخخخخ

بآلعكس آحس وظيفتهمـ توسع آلصدر يجيهمـ آنوآع وآشكآل

آلف شكر على آلموضوع
اضافة رد مع اقتباس
  #6  
قديم 02/02/2008, 05:47 AM
موقوف
تاريخ التسجيل: 16/02/2006
المكان: اٌلـٍريـُاٍضُ
مشاركات: 2,353
ههههههههههههههههههههههههههههههههههههههههههه
اضافة رد مع اقتباس
  #7  
قديم 03/02/2008, 12:44 AM
زعيــم نشيــط
تاريخ التسجيل: 18/02/2007
المكان: في زمن مؤلم .!
مشاركات: 609
ههههههههههههههههههههههههههههههههههههههههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:36 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube