#1  
قديم 22/01/2008, 01:55 AM
زعيــم فعــال
تاريخ التسجيل: 02/02/2005
مشاركات: 214
بخصوص موبايلي سوال لكل مشترك طلبتكم تكفون

السلام عليكم

شباب انا مشترك بالجوال

وحاب اغير لموبايلي علشان خاطر الزعيم بس ابغى نفس رقمي

2- الباقات مني فاهم فيها شي
دحين لو اخذت فاتورة ماتجيني فاتورة على البيت كل شهرين وانا اكون محدد الحد الإتماني زي الجوال لما تتعدا ينفصل


او الباقة مثلا ابو 250 اكلم ب 250 وتنفصل ولازم استنى شهرين


لاني ناوي اشترك بباقة الموج الأزرق
اضافة رد مع اقتباس
  #2  
قديم 22/01/2008, 02:21 AM
زعيــم فعــال
تاريخ التسجيل: 02/02/2005
مشاركات: 214
بليييييييز ابغى رد
اضافة رد مع اقتباس
  #3  
قديم 22/01/2008, 02:25 AM
الصورة الرمزية الخاصة بـ س ا م 6
زعيــم مميــز
تاريخ التسجيل: 16/02/2005
المكان: USA , Ohio‏
مشاركات: 2,373
فيه قسم مخصص اسمه


منتدى الإستفسارات


رح حط موضوع و الشباب ما يقصرون معك
اضافة رد مع اقتباس
  #4  
قديم 23/01/2008, 04:25 AM
زعيــم متواصــل
تاريخ التسجيل: 01/04/2007
مشاركات: 149
الرقم يتحول زي ماهو ... وافضل باقتين هما : 1- خطي بلس ... 2- مدى ( انصحك فيها بقوه)
عند موبايلي عرض يعفونك من الرسوم اذا حولت عليهم قبل يوم 31/1/2008 ..
1- باقة مدى ... طريقتها :

تحدد نقطه معينه وترسل منها رساله ل 1100 وبعدها يعطونك 500 متر عن يمينك و500 متر عن يسارك و500 متر امامك و500 متر خلفك ( يعني دائره قطرها 1000 متر تحيط بالنقطه اللي انت اخترتها ) وتكون مكالماتك الصادره من داخل هذي الدائره لاي رقم موبايلي او اي هاتف ثابت في اي مكان في المملكه بسعر 20 هلله بس وللجوال الدقيقه تكون ب 30 هلله سواء كنت داخل او خارج المدى... اهم شيء انه انت ( المتصل ) تكون داخل المدى ... بينما المستقبل يكون في اي مكان داخل المملكه... واذا طلعت برا المدى تصير كل مكالماتك ب 30 هلله.

2- باقة خطي بلس:
سعر المكالمه 30 هلله لجميع الشبكات ( موبايلي والجوال والهاتف الثابت) وتقدر تختار خمس ارقام مفضله ( لازم تكون موبايلي ) بسعر 20 هلله.

وكل الباقتين فوق فيهم رقم دولي مفضل

في موضوع سابق لي ذكرت تجربتي مع موبايلي بعد ماكنت عميل تميز لدى الجوال .. وهذا هو:

[quote]
1- اعفاء من الرسوم مدة سنه = توفير 540 ريال .
2- خدمة موجود اكسترا مجانا لدى موبايلي = توفير 96 ريال سنويا حيث انها ب 8 ريال شهريا لدى الجوال.
3- تقارير التسليم مجانا لدى موبايلي = توفير 10 ريال شهريا ( على افتراض ارسال 100 رساله شهريا.. وسعر التقرير عند الجوال 10 هللات ) اي 120 ريال سنويا.
4_سعر الدقيقه في باقة مدى 20 هلله لموبايلي و الهاتف الثابت = اترك لكم تقدير التوفير:love:.
5-في موبايلي لايوجد لديك رقم حساب مثل الجوال حيث ان رقم حسابك هو نفسه رقم جوالك ( تروح الصراف وتكتب رقم جوالك وتسدد اللي تبي).
6_ لدى موبايلي جهاز موزع في 500 فرع في جميع انحاء المملكه تقوم بادخال المبالغ نقدا وتسدد جوالك مباشره.
7- في حال صدور الفاتوره فانت غير مجبر على تسديد الفاتوره بالكامل كما لدى الجوال .. حيث تستطيع تسديد اي مبلغ في مده اقصاها 25 يوم من صدور الفاتوره.
8-عند وصولك للحد الائتماني اثناء المكالمه تسمع نغمة تنبيه وبعدها بدقيقه تقطع المكالمه ... وتستطيع بعدها الحصول على مهله من خلال 1100 ( في نظري هذا افضل من الجوال بكثير حيث انك في الجوال قد تتفاجأ بتجاوزك للحد بمبلغ كبير)
9-اذا كان الجوال باسم مراءة فان خدمة العملاء اللي يردون عليك يكونوا نساء ( هذي في نظري احترام للعميل ).:201: جوالي باسم الوالده عشان كذا عرفت هذي النقطه... ودايم اطلب تحويلي لخدمة عملاء الرجال.
10-في حالة تحويل جوالك لجوال اخر فان التكلفه تحسب على المتصل فقط ...بعكس الجوال اللي يحسب عليك وعلى المتصل التكلفه.

في ALJAWAL :

اذا حولت جوالك على جوال ثاني وجتك مكالمه وتحولت .... ورديت من الجوال الثاني عليها .... راح تحسب عليك الاتصالات قيمة المكالمه وايضا سوف تحسب على المتصل .

في MOBILY :

اذا حولت جوالك على جوال ثاني وجتك مكالمه وتحولت .... ورديت من الجوال الثاني عليها ... راح تحسب موبايلي قيمة المكالمه على المتصل فقط .

من هذه المقارنه يتضح لنا مدى الاستغلال لدى شركة الاتصالات.... لكن في موبايلي تقدر تقفل احد جوالاتك وتتركه في البيت وتاخذ الجوال الثاني معك واي مكالمه واردة للجوال اللي في البيت تقدر ترد عليها بدون الخوف من دفع اي رسوم


11- تغطية الجيل الثالث في مدينة الرياض لموبايلي اكبر من الجوال وحتى الان لم اجد حي في الرياض غير مغطى بالجيل الثالث من موبايلي .. على عكس الجوال ( على سبيل المثال حي المربع غير مغطى من الجوال بالجيل الثالث وكذلك مقهى المسافر على طريق القصيم وكذلك كلية اليمامه).
12- تستطيع مشاهدة القنوات التلفزونيه ب 50 ريال شهريا بشكل غير محدود على عكس الجوال حيث يحسب عليك بالدقيقه.
13-في برنامج نقاطي يحسب لك كل ريال بنقطه.
14-الاعتراض على الفواتير مجانا ... وفي الجوال ب 10 ريال.
15 _ خدمة كلمني وخدمة مفقود يظهر لديك الاسم مثل ماهو مخزن بجهازك بعكس الجوال.
16- المكالمه المرئيه قليلة التعليق بعكس المكالمه المرئيه من الجوال( الى الحين تحديت 4 من الشباب معهم الجوال وعلق معهم المكالمات المرئيه ... وسوف يحاسبني الله ان كنت اكذب في هذي النقطه).

اتمنى اكون افدتك.
اضافة رد مع اقتباس
  #5  
قديم 23/01/2008, 04:30 AM
زعيــم مميــز
تاريخ التسجيل: 03/05/2007
المكان: الــرياض
مشاركات: 4,965
الظاهر ان الاخ عبدالله ماقصر لكن لو كاتب ياأخ عبدالله اسم العضو الي أنت أخذت موضوعه وهل استئذنت منه
اضافة رد مع اقتباس
  #6  
قديم 23/01/2008, 04:35 AM
زعيــم متواصــل
تاريخ التسجيل: 01/04/2007
مشاركات: 149
استفسارك الثاني :
الفواتير لدى موبايلي شهريه ( تقدر تستلمها على صندوق بريدك او حتى البريد الالكتروني, وتقدر تتصفحها كامله على موقع موبايلي على النت )... وايضا يوجد حد ائتماني.
اضافة رد مع اقتباس
  #7  
قديم 23/01/2008, 04:41 AM
زعيــم متواصــل
تاريخ التسجيل: 01/04/2007
مشاركات: 149
إقتباس
الرسالة الأصلية كتبت بواسطة الحبيب3
الظاهر ان الاخ عبدالله ماقصر لكن لو كاتب ياأخ عبدالله اسم العضو الي أنت أخذت موضوعه وهل استئذنت منه

اخي الكريم هذا الموضوع انا اللي كتبته هنا :
تجربتي مع موبايلي بعد ان كنت عميل تميز مع الجوال

وايضا كتبته في منتدى البوابة الرقميه( اذا تبي الرابط مستعد اجيبه لك وتشوف التاريخ هناك لانه اذا احد نقله بدون الاشارة للمصدر تقدر تشوف انه موضوعي في البوابة الرقميه بيكون بتاريخ سابق لتاريخ الموضوع المنقول) وانا هناك اكتب بنفس اسمي هنا بالضبط ( ماتوقعت يجي يوم وينزرف مني موضوع لكن وش نسوي ضريبة الشهره)
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube