السلام عليكم ورحمة الله وبركاته



كيفكم وكيف الحر معكم

ابشركم خلصت تذاكر الاعتزال لليوم الثاني على التوالي

وما بقى الا المقاعد الي خلف الباب الي بـ 30 ريال

طلعت من البيت الساعه 10 لاني كنت احسب التذاكر مو مخلصه
بس يوم وصلت استاذ الملك فهد وصفيت مع الطابور شوي
ولما جت الساعه 10 ونص قالو التذاكر خلصت بالمره

وقالو روحو لـ استاذ الملز يمكن تحصلون وما صدقت خبر

وعلى طول للملز وحمدلله ما شافتني اي دوريه قطع اشارات وسرعه بعد

ويوم جيت للملز وسالت الكاونتر عن التذاكر وتجيني صدمه عاطفيه

وجاني الخبر مثل السم يوم قالي خلصت ..!

وما باقي الا الي ورى الباب

ويوم مشيت كنت ناوي ارجع للبيت الا واشوف فيه زحمه في المواقف قلت خلني اشوف وش السالفه

وتفاجات يوم شفت واحد معه مجموعة تذاكر ويبيع

واساله عن التذاكر قالي كلها الدرجه الاولى الي مواجهه للمنصه

تتوقعون بكم قال سعرها ..؟









100 ريال


قلت مالي الا الله ثم هو وخاصه ان ما بقى معه الا 3 تذاكر بس

بس يستاهل سامي الـ 100 ريال واكثر بعد


يالله من يشتري التذكره مني

يالله نبدا المزاد هههههههههه


لحد يصدق








تحياتي

هههههههههههه

اتمنى انها تخلص مانبي اماكن فاضيه ياشباب
انا مااتوقع انها خلصت تونا ماامدى دورها في اماكن ثانيه وتلقاها
اللي يدور بيلقى على العموم انا شاريها امس من نادي الهلال بس كان باقي كثيييييييير مرة وشريتها ب60 انا وواحد من اخوياي
بس انا شاريها من الساعة 11 ونص عاد مدري قضت ولالا يعني شاريها اول ماجابو التذاكر تقريبا
ياليت تتاكدون انها خلصت ولالا مو بعض الجماهير بتعتمد على كلامك انها خلصت ولاتروح تشتري بتقول خلصت ويكون فيه اماكن فاضيه
على العموم موب خساره في سااااااااامي يستاهل 100 وان شاء الله تستمتع ونستمتع بهالمباراة
بس لحظة الوداااااع ااااه يالحظة الوداع الله يصبرنااا .............................

إقتباس الرسالة الأصلية كتبت بواسطة هلااالي ومحبوب اتمنى انها تخلص مانبي اماكن فاضيه ياشباب انا مااتوقع انها خلصت تونا ماامدى دورها في اماكن ثانيه وتلقاها اللي يدور بيلقى على العموم انا شاريها امس من نادي الهلال بس كان باقي كثيييييييير مرة وشريتها ب60 انا وواحد من اخوياي بس انا شاريها من الساعة 11 ونص عاد مدري قضت ولالا يعني شاريها اول ماجابو التذاكر تقريبا ياليت تتاكدون انها خلصت ولالا مو بعض الجماهير بتعتمد على كلامك انها خلصت ولاتروح تشتري بتقول خلصت ويكون فيه اماكن فاضيه على العموم موب خساره في سااااااااامي يستاهل 100 وان شاء الله تستمتع ونستمتع بهالمباراة بس لحظة الوداااااع ااااه يالحظة الوداع الله يصبرنااا .............................

هلا اخوي

انا اقول الي خلصت الدرجه الولى بس الي قيمتها 60 ريال

والي ورى الباب للحين موجوده وبكثره بعد

انا جيت استاذ الملك فهد واستاذ الملز بس
مدري عن نادي الهلال موجوده فيه ولا لا

إقتباس الرسالة الأصلية كتبت بواسطة الامير القادم هههههههههههه

ليش تضحك

شكلك ما قريت الموضوع او انك شاري التذاكر ومرتاح من بدري

انا شريت ام 45 ريال من الاستاد الملك فهد الساعة 10:30 اليوم

ههههه

يستاهل سامي يالغـلآ


واذا خلصـت التذاكر لاترجع للبيت خايب

اشتري اللي ورى الباب مافي مشكلـة

إقتباس الرسالة الأصلية كتبت بواسطة ثدقاوي انا شريت ام 45 ريال من الاستاد الملك فهد الساعة 10:30 اليوم

مدري عن ام 45 ما سالت عنها

انا اقصد ام 60 الدرجه الاولى

إقتباس الرسالة الأصلية كتبت بواسطة غامد والقلب جامد ههههه يستاهل سامي يالغـلآ واذا خلصـت التذاكر لاترجع للبيت خايب اشتري اللي ورى الباب مافي مشكلـة

اي والله يستاهل يكفي انه قال :

قبل 10 سنوات بكيت بحرقة بسبب هدف


وكلنا نذكر هالهدف الخيالي

والله يستاهل سامي الجابر ..!!

إقتباس الرسالة الأصلية كتبت بواسطة غامد والقلب جامد ههههه يستاهل سامي يالغـلآ واذا خلصـت التذاكر لاترجع للبيت خايب اشتري اللي ورى الباب مافي مشكلـة

الله يوفق الجميع والوعد الاثنين ان شاء الله

لا تترددون اشترو كل التذاكر حتى الي ورى الابواب

امس في نادي الهلال
بعد صلاة العشاء خلصت التذاكر وشريت من واحد
التذكرة بـ120 (مدبول سعرها) لكن كل شي يهون
لــ ـــــســــــــــــ ـــا مـــــــــــ ــــــــــــي