ورحل الأسطورة
يوم الاثنين الوداع وقلت ثاير
سامي الجابر رحل ياويل عيني
ما أبي طاري شهر واحد يناير
واحد وعشرين طعنه تحتويني
من وداعه هلت دْموعي عباير
ونذبل خدي وغاب النور فيني
خاطري مكسور بس وين الجباير
جابر العثرات عيا لايجيني
سامي اسمك أنكتب وسط الضماير
وشاع نورك في الملاعب ولجبيني
والله إنك من رحلت الدم فاير
ونار شوقي موقده تشعل حنيني
كيف أنا بقوى وداعك ونت ساير
لي تلوّح ابيدينك باليميني
لحظة(ن) ياهي بتسقيني مراير
بالغصب قلبي يوادع مع يديني
العمر لوينعطالك مو خساير
ما أقول إلا تفضل ذي سنيني
آه ياجور الزمن بالحيل جاير
لايبي رحمه ولايبغى يليني
في أمان الله روح الدرب ناير
بس وصاتي للملا لين ادفيني
ما أبي طاري شهر واحد يناير
واحد وعشرين طعنه تحتويني
أسيرالآآآه