#1  
قديم 19/01/2008, 03:40 PM
زعيــم متواصــل
تاريخ التسجيل: 07/02/2007
مشاركات: 64
Angry إذا ما حطينا اللوم على الإدارة أجل نحط اللوم على حراس الأمن في النادي والله عجبي!!!

سلااااامات لكل الزعمااء الغااااليين اللي يقولون أهم شئ النقاط الثلاث وأهم من المستوى وشكل البرررد مأثر عليهم كثيير ، وبعضهم حاط كل اللوم عاللاعبين مساكين وناسين إن الإدارة هي الكل في الكل وتقول نحط اللوم على محمد بن فيصل إحنا نقول إدارة محمد بن فيصل هي المسئوله المسئولية الكاملة عن ما حدث وكل ما يحدث من تخبطات في إدارة الزعيم ، ولأن المدير في أي منظمة في العالم بالتأكيد هو المسئول عن من هم تحته من طاقم إداري متكامل يديرهم بمعرفته ويتابع كل صغيره وكبيره ونجاح أي عمل أو فشله ينسب له مباشرةً ثم لمن هو معه وعدم مقدرة الإدارة الحالية في نظري ونظر الكثير من الجماهير الهلالية الواعية على الإبداع والتطوير ورسم طريق النجاح للفريق والرقي بمستوى اللاعبين والحرص على حل مشاكلهم وإحتوائهم وإبعادهم عن الضغوط والمؤثرات الخارجية والتجديد معهم قبل إنتهاء عقودهم بأشهر كافية وتهيـئتهم نفسياً وفكرياً ولياقياً على أعلى المستويات أسـوةً باللاعبين المحترفين في دول أوروبا وأمريكا الجنوبية والحرص على عدم إشغالهم أثناء الدوري المحلي بأمور أخرى كالعروض الوهمية المقدمة لهم من بعض الأندية محلية أو خارجية أو تعرضهم لعروض إحترافية غير صحيحة للتأثير على أداءهم مع فريقهم الحالي وبالتالي تأثرهم معنوياً ونفسياً وإنخفاض مستوياتهم داخل المستطيل الأخضر وإختيار المدربين الأكفاء لتدريبهم وليس إختيار عشوائي دون تخطيط علمي مدروس أو خبرة وكل اللي أتمناه كما يتمنى كثير من الجماهير الهلاليـة رحيل جماعي للإدارة كاملة فوراً وإتاحة الفرصه لمن هو أجدر بقيادة الزعيم بكل حنكة وخبرة وحماس وبعد عن المجاملات والإستعراض أمام الفلاشات الإعلامية فقط ، وأتمنى الرحيل للإدارة الحالية قبل حدوث مالا يحمد عقباه لا ونبي دوري بمستوى مره متهالك حتى اللحين وربي إني خايف نجران يسويها فينا للمره الثانية ويصير الفريق الوحيد بالدوري اللي هزمنا مرتين وربنا يستر منهم ومن الحسن اليامي بالتحديد ... والإدارة الحالية ما تبي أحد يحاسبها في حالة الفوز اللي يجي بالعافية أحياناً ليه أنا أسأل وين البديل الجاهز وين بعض لاعبي الحسم مثل الجمعان والعنبر وفين الحارس البديل للدعيع اللي ما قصر وطلع كل اللي عنده وزود وليه نفسيات اللاعبين متدهوره وبالتالي أدت لتدهور المستوى في أغلب المباريات وياخوفي نطلع من المولد بلاحمص ولا بليلة مثل العام الماضي ، وبعدين ليه نـحمل دائماً اللاعبين فوق طاقتهم أجل تبيهم يفوزون عشرة صفر ولا 7 صفر بدون مستوى ولا لعب جماعي منظم بسبب هالمدرب ( الخردة ) اللي كل همه يحوش له كم قرشين وهو ما حلل ربع رابته للحين ، والله ماني داري وش كان يشتغل بالضبط قبل ما يجي للزعيم وشكله ماله أي دخل في التدريب ولا بالتكتيك وتحس ان خطوط الفريق كلها متبعثرة ولا هو عارف ينظم الفريق من قبل ما يبدأ الدوري ولا له أي بصمة على الفريق ولا لعب منظم ولا تشكيله ثابته واللعيبة ما كأنهم يعرفون بعض ولا هم متفاهمين مع بعض ولا مراقبة للخصم ولا مان تو مان ولا حصار على الكرة ولا لعب جماعي ولا دفاع متماسك مثل الإتحاد حالياً اللي لغى كل مهاجمي الأهلي شوطين كاملين والكل شاف اليوم مستوانا المتواضع مع الطائي اللي يالله فزنا عليه وعلى ملعبنا وعلى قولتهم بعقر دارنا بهدف أنا أعتبره عربون مصالحة الكاسر ياسر مع جماهير الزعيم ولا متى جا القول بعد طرد أحد لاعبي الطائي وبنهاية الشوط الثاني يعني كانت المبارة شبه ضايعه!!؟ بس ربك ستر بس كله من التهيئة النفسية السيئة للاعبين أنا مادري ليه ما يجيبون لهم أخصائي نفسي ويريحونهم ويريحون أعصابنا المحترقه على المستوى الطايح والمتردي .. أجل النقاط الثلاث أهم من المستوى بكثير والمباريات الي بعد مباراتنا مع نجران وش بنسوي فيها بنفوز بدون مستوى ولا يطلعون لنا لعيبة هدافين فمرمانا لا سمح الله زي ما سوا مالك معاذ واليوم شفناه ( طاس ) بين دفاعات الإتحاد اللي كمشوه مع رقم فنيلته وما خلوه يفر يمين ولا شمال ( هذا الدفاع ) لا قالوا لك دفاع واليوم دفاعنا متحسن شوي بعد ما ريحونا شوي من الكابتن المدافع الصلب فهد المفرج وخلوه يجرب الدكة شوي والمرشدي أثبت إنه قلب دفاع من طراز نادر بس المجاملات ما خلت له فرصه والشرهه في الأول والأخير على منو يالطيب ممكن تقولي؟؟ أكييد على الإدارة لأنها المسئول الأول عن كل ما يدور أجل نحط اللوم على حراس الأمن في النادي والله عجبي!!!


تحيااااتي لكل الزعمااااء في جميع أنحااااء العاااالم وعقبال الفوز في المباريات القادمة وتحقيق الدوري بإذن الله تعاااالى والرجوووع بقوة إلى منصات التتويج وحصد الذهب وإسعاد الجماهير الهلالية الوفيه في كل مكان ،،،
اضافة رد مع اقتباس
  #2  
قديم 19/01/2008, 03:44 PM
موقوف
تاريخ التسجيل: 12/04/2007
المكان: المجلس العام
مشاركات: 11,440
ما فهمت و لا شي يا الغالي
اضافة رد مع اقتباس
  #3  
قديم 19/01/2008, 03:46 PM
زعيــم متألــق
تاريخ التسجيل: 02/10/2005
المكان: السعوديه - الخبر
مشاركات: 1,079
كبير يا ( هلالي طموحه عالي )

وكلام جداً منطقي . . . أهنيك على هالموضوع الأكثر من رائع بصراحه

تقبل مروري
اضافة رد مع اقتباس
  #4  
قديم 19/01/2008, 03:52 PM
زعيــم نشيــط
تاريخ التسجيل: 20/08/2004
المكان: في الصنـدقه
مشاركات: 591
إقتباس
الرسالة الأصلية كتبت بواسطة راكان _20_
ما فهمت و لا شي يا الغالي




لانه يتكلم اوردو كيف مافهمت ياعمي يقولك الاداراه سبب كل شي وانا اقوله 100% كلامك ياحبيبي
اضافة رد مع اقتباس
  #5  
قديم 19/01/2008, 04:15 PM
زعيــم متواصــل
تاريخ التسجيل: 07/02/2007
مشاركات: 64
Icon20

إقتباس
الرسالة الأصلية كتبت بواسطة راكان _20_
ما فهمت و لا شي يا الغالي



أخوي راكان ترانا اللحين في موسم برررد وأمطار وشكله مأثر عليك حيل الله يكون بعونك ... وترى العتب على الذاكره وعليك بالعسل والسمن البري وانا أخوك هههههههه والظاهر يبي لك مترجم من اللاتينية للعربية الفصحى إذا ما فهمت شئ من كلامي ؟!!

وعلى العموم ترانا في نهاية الدوري والموسم وقرب كل شئ يعزل كلها شهر ولا اثنين وبعض الناس ماهي فاهمه ولا شئ لا ويطبلون للإدارة ومبسوووطين آآخر إنبساااط الله لا يبلانا بس وربي يثبتنا في حب الزعييم تحت أي ظرف كان وترى راحت إدارات ما قصرت كفت ووفت وجت بعدها إدارات كملت المسيرة وساهمت في صنع الإنجازات ورحلت ، وكذلك جاء نجوم وأساطير وأبدعو وجددوا العهد والوفاء وساهموا في تحقيق الإنتصارات والبطولات ورحلوا وأتت بعدهم نجوم ليكملوا ما بدأه النجوم السابقون والله يوفق الزعيم بكل رجالاته ويثبتهم ويجعلهم يقدمون لنا كل بطولات هالسنة عشان نعوض اللي فاتنا فالسنتين الأخيرتين وترانا جماهير طماعه نبي كل شئ....
وأنـا هلالي أنا هــلالي ... وغير الأول ما يحلالي ....

والله يوفق الجمييع وأشكر جميع من رد على موضوعي وهدفنا النقد البناء مو التجريح وغيرتنا على نادينا وعشقنا الأزرق هو اللي يخلينا نعصب شوي وسامحونا على كل حال وربي معاك يالزعيم والله يرزقنا بالبطولات الجايه كلها إن شاء الله أدعو والله بيحقق لكم اللي تبون يا زعمااااء .... تحيااااتي ،،،
اضافة رد مع اقتباس
  #6  
قديم 19/01/2008, 04:29 PM
زعيــم مميــز
تاريخ التسجيل: 13/06/2007
المكان: الريـ بريده ـاض
مشاركات: 3,867
كلامك صحيح100%
اضافة رد مع اقتباس
  #7  
قديم 19/01/2008, 04:32 PM
زعيــم مميــز
تاريخ التسجيل: 28/09/2004
المكان: الرياض
مشاركات: 5,620
أيها أهم ... المستوى ولا النتيجه ...؟؟؟؟

و بعدين .. ليش تلوم الإداره على مستوى اللاعبين ضد الطائي ...
تبغى الإدارة تلحق اللاعبين بالملعب بعصي علشان يتحركون ...!!!!


والله غريب أمركم ...!!!

.
.
.
.
اضافة رد مع اقتباس
  #8  
قديم 19/01/2008, 04:43 PM
الصورة الرمزية الخاصة بـ الفارس العنيد
زعيــم مميــز
تاريخ التسجيل: 17/01/2007
المكان: الرياض
مشاركات: 3,727
المشكله من الجميع من الإداره لاعبين وأيضا نحن الجمهور حضور الجمهور في مباراة الأمس جدا ضعيف ويفشل بحجم نادي عريق كالهلال المباراة مهمه جدا وهي ثلاث نقاط مثلها مثل مباراة الإتحاد ثلاث نقاط يجب الحضور الجماهير للملعب ودعم الاعبين إذا تبغون الدوري الحضور ما في كلام.
اضافة رد مع اقتباس
  #9  
قديم 19/01/2008, 06:54 PM
زعيــم متواصــل
تاريخ التسجيل: 07/02/2007
مشاركات: 64
Icon15

إقتباس
الرسالة الأصلية كتبت بواسطة مشجع الميلان
أيها أهم ... المستوى ولا النتيجه ...؟؟؟؟

و بعدين .. ليش تلوم الإداره على مستوى اللاعبين ضد الطائي ...
تبغى الإدارة تلحق اللاعبين بالملعب بعصي علشان يتحركون ...!!!!


والله غريب أمركم ...!!!

.
.
.
.

لا وش رأيك نقترح على الإدارة إنها تجيب مكبرات صوت عالية المدى للجماهير عشان تحفز اللاعبين وتحمسهم ويصيرون مثل الحراثات وتخليهم يناقزون يمين ويسار بدون كورة والإدارة تتفرج عليهم ويا تصيب يا تخيب ونلعب مثل حقين طقها والحقها ........... الإدارة ثم الإدارة ثم الإدارة رضيت ولا انرضيت هي السبب الأول والأخير !!!
اضافة رد مع اقتباس
  #10  
قديم 19/01/2008, 07:01 PM
زعيــم متواصــل
تاريخ التسجيل: 07/02/2007
مشاركات: 64
Icon17

إقتباس
الرسالة الأصلية كتبت بواسطة مشجع الميلان
أيها أهم ... المستوى ولا النتيجه ...؟؟؟؟

إقتباس
الرسالة الأصلية كتبت بواسطة مشجع الميلان

و بعدين .. ليش تلوم الإداره على مستوى اللاعبين ضد الطائي ...
تبغى الإدارة تلحق اللاعبين بالملعب بعصي علشان يتحركون ...!!!!


والله غريب أمركم ...!!!

.
.
.
.

اقول وش رأيك إن نقترح على الإدارة إنها تجيب مكبرات صوت عالية المدى للجماهير في المدرجات عشان يحفزون اللاعبين ويحمسونهم ويصيرون يناقزون يمين وشمال ويدجون ويحرثون الملعب طول وعرض من دون كورة عشان تنبسط حضرتك وما تلوم الإدارة ونصير مثل ربع طقها والحقها وسلملي على إلتون والمقابل فالهيلتون !!!
أقول لا يكثر الإدارة ثم الإدارة ثم الإدارة هي السبب الأول والأخير لكل ما يحصل من تخبطات ومن مستويات متدنية لا ترضي عشاق الزعيم كبيرهم وصغيرهم ولا تصير مثل ربعنا اللي معهم معهم وعليهم عليهم ويطيرون بالعجة !!!
ياناس أبي أعرف وش معجبكم بالإدارة الحالية غير صف الأعذار والأعذار المغلفة الجاهزة للرد في حالة أي إخفاق لا قدر الله والبطولات الخارجية اللي ضاعت قريب هي أقرب مثال مالقينا سبب واحد مقنع من الإدارة يبرر فشلها في تجهيز الفريق ولا استفادت للحين من أخطاءها والمدرب فوادي والتدريب فوادي ويا شيين المدربين الرومانيين ترى المصارعة الرومانية أصرف لهم ومالهم ومال التخطيط الكروي والتكتيكات الفنية الإحترافية ... وماقول إلا الله يرجع لنا الكرة البرازيلية والله يرحمنا من الإدارة الحالية اللي بتجيب الضغط والسكر وباقي الأمراض لجماهير الزعييم ...
وياااااااااااساتر وبالتوفيق للزعيييييييم في كل الأحواااال ....... وتقبلوا تحياتي جميعاً ،،،
اضافة رد مع اقتباس
  #11  
قديم 19/01/2008, 07:06 PM
الصورة الرمزية الخاصة بـ هلالي في مانع
زعيــم مميــز
تاريخ التسجيل: 13/11/2006
المكان: الشرقية ..
مشاركات: 6,566
الادارة ماله دخل تبيهاا تحركـ الاعبين داخل الملعـب.!!
اضافة رد مع اقتباس
  #12  
قديم 19/01/2008, 07:07 PM
الصورة الرمزية الخاصة بـ الهلالي (305)
زعيــم فعــال
تاريخ التسجيل: 28/09/2007
المكان: حفر الباطن
مشاركات: 450
اخوي هد اعصابك وانتم كل شي يصير تحطونه براس الاداره


والله انا ما قريت الموضوع لأانه مقلوب فوق بعض ما ينقرأوالله


بس من الردود عرفت ان الكلام عــن الاداره


بس وش ذنب الاداره اذا الاعبين ما يسوون الي عليهم
اضافة رد مع اقتباس
  #13  
قديم 19/01/2008, 07:12 PM
زعيــم متألــق
تاريخ التسجيل: 06/02/2007
مشاركات: 1,492
موضوع خالي من الفائده .. وليس وقته .. نتمنى اغلاقه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:23 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube