جمجوم على خطى زكيا زكريا - نادي الهلال السعودي - شبكة الزعيم

الثلاثاء الأسود · #1 04/03/2002, 11:01 PM

مساكم الله بالخير جميعا ,,,

اليوم قمت من النوم واخذت كاس كبتشينو :p المهم الزبده اني لقيت قدامي جريدة الوطن قلت لنفسي خل اناظر وش فيه من تخلف تدرون وش لقيت

لقيت تصريح للجمجوم يوم قريته امطحت بالصاله وجلست اضحك ضحك مهب صاحي تدرون وش يقول انا اقولكم وش مكتوب بالجريده :-

رئيس الاتحاد يتهم الهلال بأنه حاول ابعاد الفريق عن العربيه
(هذا لعنوان الرئيسي)

((( وجه الجمجوم شكوكه الصريحه تجاه الهلال محاولا ابعاد الاتحاد عن البطوله العربيه كرد على صفقة خميس العويران )))

بالله وش رايكم شكلكم انبطحتوا من الضحك مثلي

تصدقون بعد ان الهلال هو السبب بعدم تأهل هولندا لكأس العالم

لكم تحياتي ,,,

(بس لا تضحكون واجد);)

الروح الزرقاء · #2 04/03/2002, 11:15 PM

(( يتهموننا بما في قلوبهم ))

دعهم يتكلمون ويقولون فا لحقيقه واضحه

ان الهلال بعيد عن هذه الاستخفافات

اقهرهم ياثنيان · #3 04/03/2002, 11:37 PM

THIS IS FUNNY
I CAN NOT BELIVE

d7003 · #4 05/03/2002, 01:06 AM

لاكن انا قريت اليوم بجربدة الرياض انه ينفي هذا الشىء.

الثلاثاء الأسود · #5 05/03/2002, 01:05 PM

اخوي d7003 كيف حالك

ينفي والا ماينفي ماعلينا منه المهم انه قالها في المؤتمر الصحفي اللي سواه قبل امس ....

لا وازيدك من الشعر بيت جريدة عكاظ حقت امس كتبت نفس الشي بس اسلوب شوي مختلف عن الوطن : ((( رئيس الاتحاد يتهم رجال الهلال بمحاولة ابعاد الاتحاد عن البطوله العربيه كرد على صفقة خميس العويران )))

بالله وش رايك ما اتوقع ان كل الجريدتين تكذب ...

صح انهم كلهم يكذبون دايم بس ماتطلع نفس الكذبه ...

تحياتي ,,,

أبوحمـــ15ـــــــــــد · #6 05/03/2002, 01:51 PM

ومازلت اقول...

the god يخلف!!!!

THE FUGITIVE · #7 05/03/2002, 02:05 PM

.
.
.
.
.
انتم مستغربين

الأمر بغاية البساطه

هذا صار له زمان ماكتبت الصحافه عنه شيء ومنسي وحب يرتز بالجريده .

المنسي · #8 05/03/2002, 02:30 PM

لاتلومهم وانا اخوك الهلال مسبب لهم حالة قلق دائمه

النجم الهلالي · #9 05/03/2002, 03:07 PM

سب في الهلال تجد الشهره

الثلاثاء الأسود · #10 05/03/2002, 07:24 PM

يا شباب الدعوه مهي سب الهلال او لا .....

المدعو هذا سب رجال الهلال الأشرف منه والسؤال اللي يطرح نفسه ؟!...

اين هم من هذه الاساءات ايعقل ان يأتي شخص مثل هذا الأحمق ويصرح بمثل هذا الكلام .....

لماذا لا يتم الدفاع عن الهلال ورجاله ....

لماذا يتم السكوت عن هذه الاساءات ....

ام مسألة الدفاع عن الهلال ورجاله مقتصره بشبكة الزعيم (والله انها ماتقصر) .....

على العموم نأمل ان يدافع رجالنا عن نادينا ويخرسون ذلك الأحمق ويردونه الى رشده ....

تحياتي ,,,

مفرح · #11 05/03/2002, 10:12 PM

آخر الإنتقادات ياشباب لاتفوتكم

الهلال سبب في البلنتي حق الأهلي اليوم

لا تستبعدون بكرة تطلع في جريدة الوطـــــــن وعكـــــــاظ

وجريدة الخزامــــى

الروح الزرقاء · #12 05/03/2002, 10:30 PM

اعزائي المشاهدين :
اتهم الرئيس جورج دبليو بوش نادي الهلال السعودي انه المتهم الرئيسي في احداث 11 سبتمبر وفي النزاعات الحاصله بين الهند وباكستان .....

لاتسبعدونها ؟؟؟؟؟؟؟؟؟؟؟؟