يامــــــــــــــــــا فى الســـــــــــــــــجن مظـــــــــاليم - نادي الهلال السعودي - شبكة الزعيم

ابو الذهب · #1 16/01/2008, 04:57 PM

حياكم الله فى هالبرد

وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال

فالف سلامه لك والله يستر عليك من انفلونز الطيور

الموضوع............

فى برد شديد البروده الى درجه انك تقول ناقتى ياناقتى <<< وش دخلها بالبرد

صحيت من النوم انتفض لا ارتجف لالا اتنافض قلت خلنى اصحى هالمقروده تصلح لى شاهى لانى اذا ماشربت شاهى احس الدنيا تعترف لى وتقول طلقنى ...

سئيده قومى قامت عصبك وانا اشيل البطانيه الا نايمه ولابسه تكميله سئيده قومى يامال الصمخ ردت على بكل استحي اصبر مبعد صفر الحكم ... وانا اسفها

وانزل اصلح شاهى وراسى كله نوم وبدل مااحط نعناع حطيت ملوخيه وطلع الشاهى مزبوووووووط .. وبعد ماصمخت لى زقيره طنت براسى فكره ليش مااسافر

وش زود بعض الناس عنى <<< مايقصد قرقاص

طيب وين اروح اروح النمسا؟ بس غاليه وقرقاص الين الحين بسجن الملز يدور احد يسدد عنه .. اروح لامريكا اخف بوش يمزح معى ويذبنى بجونتنامو.. اروح

لمصر بابلش بخوال جاج وهم قوم نشبه ... تدرى شد ارضك وخلنى اتصل على خالى واشوف اذا بيسافر معى واتصل على الخال الا ويرد على مسج ((

عزيزى المتصل ان الفنان رامى عياش مشغول الان فضلن اتصل فى وقت لاحق )) اخس يالخال .. وانااطمر له فى بيته وادق الجرس الا واسمع (( حبك نار ))

مهوب صاحى حاط هالاغنيه بجرس الباب شوى الا ويرد على واحد.. شو مين ههههههه؟ حلوه ياخال لبنانى محترق.. فتح الباب الا الخال فارد شعره واول مره

بحياتى اشوف شعر بعد ماتفرده يوقف ماتفرق بينه وبين التمساح اذا وقف على رجوله <<<< امحق تشبيه لا والمصيبه ان الخال لابس عدسات خضر

قلت اسف الظاهر انى غلطان انا ابى خالى واللى قدامى رامى عياش <<< استانس الخال قال ابوالذهب ماعرفتنى هههههههههههه تفضل وانا ادخل عنده قلت مالك

حق ياخال لعبت على.. قال صدقت انى رامى عياش هههههههه حت انت يابوالذهب طالع اطخم يوم فتحت الباب

احسبك صفوق التمياط <<<<< عادى خوال يحلمون

قلت فى نفس لو ماشفت خشمك هاللى من طوله ماناقصه الا حبل ويصير منجنيق كان ماعرفتك

وش عندك ابو الذهب؟ قلت ابد سلامتك ودى اسافر تخاوينى؟ قال ليش بتسافر؟؟ ياخى زهقان طفشان

قال الخال تبى توسع صدرك .. قلت ايه.. قال دقايق وبيجى ضيف عزيز على قلبى وبناخذه معنى .. وبعد طول انتظر دخل هالضيف ...

يؤ شيخى الجليل لالالالالالالالا والله المصيبه خالى والشيخ الجليل ياناس طريق شهار من وين ؟؟

دخل هالشيخ الجليل متلحف بكنبل ويناظرنى بنظره كلها حقد .. قال الخال هاه وش رايك بهالضيف .. وش بأقول اكيد ونعم بس بدون نفس.. قال الشيخ الا تعلم

ياابو الذهب اننى ذهبت للبديعه حين قلت لى بأنهم يضعون سحور وانتظرت عند باب المسجد ولم يفتح لى احد <<< طيب وش دخلنى اذا هم يسون ترميم فى

المسجد .. فقال ولقد نسيت بأنك كامخ ولا عليك شرهه .. فهمس فى اذنى الخال وقال اذا بتصرفه ثانى مره حط بمخباته كيس هروين وارسله للبقاله وبلغ عليه ..

هههههه بافتك من وجه للابد قلت لا ياخال حرام يضيع مستقبله <<<< مدرى وش هالمستقبل اللى يحتريه شوى الا قال الشيخ اليس عندكم دش <<< وش ناوى

؟؟؟ قال اريد ان ارى قناه فوكس فهى تعرض فلم عن القرود <<< هههههههه مايقصد الخال .. وفى عز اندماجه مع القرود وينط الشيخ الجليل بطلعه غريبه

ابوالذهب هل تقمز الى سيارتى وتجيب المعسل.. قلت ابشر ابى افتك من لسانه .. وانااطمرلسيارته وافتح شنطه السياره وش القى

معسل .. كيرم .. فرن .. تلفزيون .. رسيفر .. دوشق .. عطرحبشوش << حشى عفش مطلقه

.. اخذت المعسل وانا راجع الا الدوريه طاااااط خير ان شاء الله.. قال لو سمحت اثباتك .. وانا اعطيه الاثبات قام يقلب

بهالاثبات قال وش اسمك ؟ قلت عندك مكتوب .. قال دارى << ايه هين دارى .. قال هذى سيارتك ..قلت لا.. قال سياره خويك؟ قلت لا <<< خلنى اجحده

اخاف مبلغ عليه شوى الا وطلع الخال ومعه هالمنتهى قال الخال وش فيكم عليه.. قال ابد ماسكينه يسرق السياره قال الخال حيلكم فيه <<< ياعمرى يالخال ..

قال الشيخ انتظر قبل ان تذهب به فلدى مااقوله << قلت الحمد لله بيقول لهم هذى سيارته وانه يعرفنى.. قال العسكرى وش عندك؟ قال لقد كان فى شنطه السياره

مبلغ خمسون الف ريال <<<<<<<< والله النكبه لو ابيعك انت وسيارتك ماجبت 50 ريال.. رحت للقسم وانا ملعون خامسى والقى قدامى ضابط من كبر يديه لو

صمخنى كف طلعت سيخ كباب.. قال اسمك؟؟ قلت ابو الذهب شوى الا وتغير وجه وتبسم قال انت ابو الذهب اللى بشبكه الزعيم <<< يامنت كريم يارب ان شاء

الله يطلع من اعضاء الشبكه ويفكنى من هالمصيبه .. قلت ايه قال اجل تعرف سهل؟ قلت اكيد اعرفه.. قال وانت من اى شله؟ قلت ابد من شله حشش بالصغر

تنهبل بالكبر ... قال ايه بس احب اقول لك انه حذف لى كم موضوع ووقفنى كم مره وهالايام ناوي يشطب اسمى <<< هههههههه تحياتى ابوالذهب اخذت

مؤبد ... ويصرخ ذيك الصرخه ياعسكرى كم قضيه عندنا مالقينى لها احد؟ قال واجد طب واختر.. قال هات قضيه البنت المنحاشه .. وقضيه المهرب .. وقضيه

التزوير و.. و.. و.. الخ ... قلت انا ماراح اتكلم الا بوجود محامى << هذا اللى استفدنا من الافلام شوى الا نط الخال قال اعرفك على نفسى انا المحامى

كروش حاضر مع المجرم اللى ان شاء الله بيأخذ عقابه الرادع <<<< امحق محامى ..

وبعد ماتبهذلت اسبوع كامل مابين القسم والمحكمه لدرجه ان القاضى.. قال نعنبو بليسك كل هالقضايا مسويها هو مافيه مجرم بالرياض الا انت؟ قلت كله من سهل

.. قال القاضى لايكون تقصد سهل اللى بشبكه الزعيم .. قلت لالالالالالا مهوب هو.. انا اقول الله يسهل على مصيبتى.. قال ايه احسبك تعرفه لانه شخص عزيز

على قلبى ...... قسم بالله قهر اصيح والا انتحرطلع صديقه

ذهبيات

1 لازال الى الان يوجد قضايا فى اقسام الشرطه تحت مسمى قضيه ضد مجهول ؟ ومجرم هارب؟ ولا نعلم من المقصر ؟

2 للاسف البعض وانا قلت البعض من رجال الدوريات والمرور لايعرف القراة والكتابه؟

شطحه
فى القريب العاجل بمغط ركيباتى فى جزر الواق واق فاللى يبى تمر ... فقع . اى شى لايرده الا مخباته وابشرو من عيونى الثنتين

امي ولدتني هلالي · #2 16/01/2008, 06:45 PM

طيب وش صار عليك بالاخير ؟؟؟؟
طلعت والا انسجنت
واذا تبي خوي لجزر الواق واق
ابشر بالاخويا بس جب معك خالك وهالشيخ
والمعسل لا تنساه
واذا كنت جاي بالمره
جب معاك لبن
وخل الي ناوي يقاطعونه يموتون قهر
وتقبل مروري

أبوشلاخ الهلالي · #3 16/01/2008, 07:12 PM

أبا النحاس .. أهلاومرحباً بكـ عزيزي

إقتباس


	وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال فالف سلامه لك والله يستر عليك من انفلونز الطيور

الله يقومه بالسلامة أنا نصحته من أول كمل التطعيمات
وهو عيى ..

الى أقول يابو النحاس أنا أحس أن كل اللي يصير لكـ من ورى سئيدهـ
ورى ماتطلقها وتفتح
وخالك ذا الأهبل دورهـ صرفه ياتحرقه ياندخله مستشفى ولا أقول أنا بتبرع
وأسوسله ألبوم على حسابي وراح يكون التصوير
في موزمبيق يوم الأحد الجاي والرحله ذهاب بدون عودة

أما شيخكـ الجليل فيمدحون قسم النسيم ذبه هناكـ وخل الباقي علي
التهمة جاهزهـ وهي حرامي حديد ومعدات بناء

والقيادهـ تحت تأثير
المخدر << هذيأضمن لكـ يسحبون منه الرخصه وتأبيده هذا اذكمل شهر
وما مات .. وقابلني اذا مركم مره ثانية
الله يعينكـ عليهم
أبو النحاس

J.A.J · #4 16/01/2008, 09:45 PM

إقتباس

الرسالة الأصلية كتبت بواسطة ابو الذهب


	فى برد شديد البروده الى درجه انك تقول ناقتى ياناقتى <<< وش دخلها بالبرد

حسبي الله عليك قمت أهيجن ... وأرقص

إقتباس

الرسالة الأصلية كتبت بواسطة ابو الذهب


	صحيت من النوم انتفض لا ارتجف لالا اتنافض قلت خلنى اصحى هالمقروده تصلح لى شاهى لانى اذا ماشربت شاهى احس الدنيا تعترف لى وتقول طلقنى ...

ذبحتنا

انت تنتفض ...كن فيك سكني
ولا ... ترتجف ... مروعتك سئيدة برجل فـــيـــــــــــــــل

إقتباس

الرسالة الأصلية كتبت بواسطة ابو الذهب


	سئيده قومى قامت عصبك وانا اشيل البطانيه الا نايمه ولابسه تكميله سئيده قومى يامال الصمخ ردت على بكل استحي اصبر مبعد صفر الحكم ... وانا اسفها

صفقني ان قامت ... الا اذا ... رجفتها ... بين البراتـــم

إقتباس

الرسالة الأصلية كتبت بواسطة ابو الذهب


	وانزل اصلح شاهى وراسى كله نوم وبدل مااحط نعناع حطيت ملوخيه وطلع الشاهى مزبوووووووط .. وبعد ماصمخت لى زقيره طنت براسى فكره ليش مااسافر

يــــــــــــــاســـــــــــــــــــــلام
ملوخية بالشــــــــــــــــــاي ... يقنن ياقدع

إقتباس

الرسالة الأصلية كتبت بواسطة ابو الذهب


	لمصر بابلش بخوال جاج وهم قوم نشبه

على الأقل خوالي ... احلى من خالك ... ها الزاحــــــــــــــــــــف

إقتباس

الرسالة الأصلية كتبت بواسطة ابو الذهب


	فى القريب العاجل بمغط ركيباتى فى جزر الواق واق فاللى يبى تمر ... فقع . اى شى لايرده الا مخباته وابشرو من عيونى الثنتين

لو سمحت أثنين طــــن تـــمـــــــــــر
وما نبيها من عيونك

مــن جـــيـــــبـــــــــك يالحبيب

ابو الذهب · #5 17/01/2008, 02:01 AM

امي ولدتني هلالي
ياهلا ومرحبا

إقتباس


	طيب وش صار عليك بالاخير ؟؟؟؟ طلعت والا انسجنت

لا مسنتر بسيب سته

واذا بتزورنى جب معك تميس وتونه

إقتباس


	واذا تبي خوي لجزر الواق واق ابشر بالاخويا بس جب معك خالك وهالشيخ والمعسل لا تنساه واذا كنت جاي بالمره جب معاك لبن وخل الي ناوي يقاطعونه يموتون قهر وتقبل مروري

شف لبن ماهقيت انى بجيب انا مقاطع البضائع الامريكيه <<< اقرب عذر علشان مااجيب

تحياتى اخوى

أبوشلاخ الهلالي
ياهلا ومرحبا

إقتباس


	أبا النحاس .. أهلاومرحباً بكـ عزيزي

اهلا بك انت

إقتباس


	لله يقومه بالسلامة أنا نصحته من أول كمل التطعيمات وهو عيى ..

هههههههههه خله احسن

إقتباس


	الى أقول يابو النحاس أنا أحس أن كل اللي يصير لكـ من ورى سئيدهـ ورى ماتطلقها

ماعندى مانع بس بشرط تلعب معى صكت بلوت واذا فزت على تأخذها

إقتباس


	وخالك ذا الأهبل دورهـ صرفه ياتحرقه ياندخله مستشفى ولا أقول أنا بتبرع وأسوسله ألبوم على حسابي وراح يكون التصوير في موزمبيق يوم الأحد الجاي والرحله ذهاب بدون عودة

والله ان يرجع سباحه

إقتباس


	أما شيخكـ الجليل فيمدحون قسم النسيم ذبه هناكـ وخل الباقي علي التهمة جاهزهـ وهي حرامي حديد ومعدات بناء والقيادهـ تحت تأثير المخدر << هذيأضمن لكـ يسحبون منه الرخصه وتأبيده هذا اذكمل شهر وما مات .. وقابلني اذا مركم مره ثانية الله يعينكـ عليهم

مهيب مشكله تعال وخذه انت

معصى اجيبه معى

بس ياخوفى يلبسك التهمه

إقتباس


	أبو النحاس

ابو شلاخ

هههههههه شكلنا بنعرس على بعض طلعنا حبيبه

جاج
مرحب وميت اهلين وسهلين

إقتباس


	حسبي الله عليك قمت أهيجن ... وأرقص

هههههههههههه على وحده ونص

إقتباس


	ذبحتنا انت تنتفض ...كن فيك سكني ولا ... ترتجف ... مروعتك سئيدة برجل فـــيـــــــــــــــل

من قال لك ان رجلها رجل فيل

ترا مجرد تشابه اسماء

إقتباس


	صفقني ان قامت ... الا اذا ... رجفتها ... بين البراتـــم

ياحبك للخساير وان رجفتها وانكسر طقم السنون

إقتباس


	يــــــــــــــاســـــــــــــــــــــلام ملوخية بالشــــــــــــــــــاي ... يقنن ياقدع

اصب لك شوى

كانك ماشفطه

إقتباس


	على الأقل خوالي ... احلى من خالك ... ها الزاحــــــــــــــــــــف

ههههههههه خصوصا خالك حسن ابوذراع

إقتباس


	لو سمحت أثنين طــــن تـــمـــــــــــر وما نبيها من عيونك مــن جـــيـــــبـــــــــك يالحبيب

مفيش مانع من جيبى بس ادفعو

ازرق+ابيض=عشق الهلال · #6 17/01/2008, 02:10 AM

هع هع موضوع فله ازين مابالقصه النذل الشيخ الجليل عجبني

حتى ظلالي هلالي · #7 17/01/2008, 04:15 AM

إقتباس

الرسالة الأصلية كتبت بواسطة ابو الذهب


	حياكم الله فى هالبرد

برد

شويهـ كلمة برد

قل صقيع

قل ثلج

ايهـ

إقتباس

الرسالة الأصلية كتبت بواسطة ابو الذهب


	وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال

لا يكون الكرسي تفجر من الثلج مثل مواصير حائل

الحمدلله على السلامه حاتمي

إقتباس

الرسالة الأصلية كتبت بواسطة ابو الذهب


	فى برد شديد البروده الى درجه انك تقول ناقتى ياناقتى <<< وش دخلها بالبرد

يالبى قلبها ناقتي

هذي في كل زمان ومكان

إقتباس

الرسالة الأصلية كتبت بواسطة ابو الذهب


	صحيت من النوم انتفض لا ارتجف لالا اتنافض

لا ترتجف ولا تنتفض

قل تنقز وتاصل السقف وترجع من البرد

إقتباس

الرسالة الأصلية كتبت بواسطة ابو الذهب


	وانزل اصلح شاهى وراسى كله نوم وبدل مااحط نعناع حطيت ملوخيه وطلع الشاهى مزبوووووووط ..

ملوخيهـ

عيونكـ نقدر نقول من النوم ماتشوف

بس خشمكـ وين راح

ماتشم الريحهـ

إقتباس

الرسالة الأصلية كتبت بواسطة ابو الذهب


	لمصر بابلش بخوال جاج وهم قوم نشبه ...

وش تبلش ماتبلش

مصر أم الدنيا

أنا انصحكـ تروح لمها احسن لكـ ترى

<< اللي يشوفكـ يا وجهـ العنز يقول طابتها

إقتباس

الرسالة الأصلية كتبت بواسطة ابو الذهب


	واتصل على الخال الا ويرد على مسج (( عزيزى المتصل ان الفنان رامى عياش مشغول الان فضلن اتصل فى وقت لاحق ))

رامي عياش مرهـ وحدهـ

لو إنهـ قايل عبدالرب ادريس قلنا ميخالف

إقتباس

الرسالة الأصلية كتبت بواسطة ابو الذهب


	وانااطمر له فى بيته وادق الجرس الا واسمع (( حبك نار ))

صدق مب صاحي خالكـ

أخذ مقلب بروحهـ

يكذب الكذبهـ ويصدقهـ

إقتباس

الرسالة الأصلية كتبت بواسطة ابو الذهب


	قلت اسف الظاهر انى غلطان انا ابى خالى واللى قدامى رامى عياش <<< استانس الخال قال ابوالذهب ماعرفتنى هههههههههههه تفضل وانا ادخل عنده قلت مالك حق ياخال لعبت على.. قال صدقت انى رامى عياش هههههههه حت انت يابوالذهب طالع اطخم يوم فتحت الباب احسبك صفوق التمياط <<<<< عادى خوال يحلمون

من اللي ناصب عليكـ أنت وخالكـ وقايل لكم إنكم طخمان << أعرف أجمع

كل واحد بدأ يفقش على الثاني .. ويعطيهـ من هالرخيص

إقتباس

الرسالة الأصلية كتبت بواسطة ابو الذهب


	ياناس طريق شهار من وين ؟؟

ثاني لفهـ بعد الإشارهـ

إقتباس

الرسالة الأصلية كتبت بواسطة ابو الذهب


	بهالاثبات قال وش اسمك ؟ قلت عندك مكتوب .. قال دارى << ايه هين دارى ..

اذا يدري ليهـ يسأل

شكلهـ بيتأكد أنت بوعيكـ وإلا لا .. يمكن تقول اسم ثاني

إقتباس

الرسالة الأصلية كتبت بواسطة ابو الذهب


	قلت كله من سهل .. قال القاضى لايكون تقصد سهل اللى بشبكه الزعيم .. قلت لالالالالالا مهوب هو.. انا اقول الله يسهل على مصيبتى.. قال ايه احسبك تعرفه لانه شخص عزيز على قلبى ...... قسم بالله قهر اصيح والا انتحرطلع صديقه

والله ياحظكـ نحس من جد ..
اذا قلت تعرفهـ .. طلعت عليكـ ..
واذا قلت ماتعرفهـ طلعت عليكـ بعد ..

كان قلت اعرف الكلاسيكي يمكن يطلعون كلهم أخوياهـ

إقتباس

الرسالة الأصلية كتبت بواسطة ابو الذهب


	1 لازال الى الان يوجد قضايا فى اقسام الشرطه تحت مسمى قضيه ضد مجهول ؟ ومجرم هارب؟ ولا نعلم من المقصر ؟

والله أنا ما أرعف إلا (قضيهـ مبنيهـ ضد مجهول) << حافظتهـ من المسلسلات

إقتباس

الرسالة الأصلية كتبت بواسطة ابو الذهب


	2 للاسف البعض وانا قلت البعض من رجال الدوريات والمرور لايعرف القراة والكتابه؟

هي وقفت على مايعرف يقرأ ..
هذي ممكن نمشيها ..
لكن اذا جاكـ قالب الرخصهـ وإلا الاستمارهـ

.. هنا المصيبهـ

إقتباس

الرسالة الأصلية كتبت بواسطة ابو الذهب


	فى القريب العاجل بمغط ركيباتى فى جزر الواق واق فاللى يبى تمر ... فقع . اى شى لايرده الا مخباته وابشرو من عيونى الثنتين

أنا ابي أخاويكـ

وميخالف أنا أمسكـ المطبخ .. وأطبخ لكـ

بس أهم شيء أسافر

والله مليت من هالبرد

يمكن الواق واق عندهم صيف

هالحين

تقبل مروري الطويل اللي أحس مال أبو جدهـ من داعي

اختكـ ورده

الفيروسه الزرقاء · #8 17/01/2008, 06:58 AM

هلا بـ ابو الذهب .

إقتباس


	وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال

لوووووووووو

وووووووووول حمدلله ع سلامته

إقتباس


	والله يستر عليك من انفلونز الطيور

يـ الله ع انفلونزا الطيور

جد جد الناس موسوسين ومكبرين الموضوع

، اجل مره كان عندي تاخيري " ياكثر التأخيري هـ السميستر

" المهم متأخره فـ الجامعه وطبعاً الطيور تتمشى فـ الجامعه اقصد فـ الحديقه ، واحنا مارين صرخت زميلتي قالت وخري عنها ! قلت ليه قالت بيجيك انفلونزا الطيور هذي طيور مهاجره !
الله اكبر بينتقل لي عن طريق الهواء !! يعني لو اني بلمسها يمكن اما علشان كم متر بيني وبينها بينتقل !!
اووووه سوري طولت فـ هـ البارت

.

إقتباس


	سئيده قومى قامت عصبك وانا اشيل البطانيه الا نايمه ولابسه تكميله سئيده قومى يامال الصمخ ردت على بكل استحي اصبر مبعد صفر الحكم ... وانا اسفها

لووووووووووو

ووووووووووووول يـ الله للحين تقولها

.

إقتباس


	عزيزى المتصل ان الفنان رامى عياش مشغول الان فضلن اتصل فى وقت لاحق )) اخس يالخال .. وانااطمر له فى بيته وادق الجرس الا واسمع (( حبك نار ))

رامي عياش

! بو نحاس انت ليش مغبر ليه ماتواكب الحاضر

، طلعوا ناس اطخم من رامي عياش

تبيني اعرفك عليهم

.

إقتباس


	ادخل عنده قلت مالك حق ياخال لعبت على..

مخفه

----> العصا جتها

إقتباس


	قال صدقت انى رامى عياش هههههههه حت انت يابوالذهب طالع اطخم يوم فتحت الباب

خخخخخخخخخخخخخخخخخخ يرفع من معنوياتك مايبيك تحسده

.

إقتباس


	يؤ شيخى الجليل لالالالالالالالا والله المصيبه خالى والشيخ الجليل ياناس طريق شهار من وين ؟؟

لوووووووووووووووووووووووووووو

وووووووووو
وووووووووووووووووول

فـ هذي صدقت

ههههههههههههههههههه
ههههه

ههههههههههههههههههههه

إقتباس


	قال اريد ان ارى قناه فوكس فهى تعرض فلم عن القرود <<<

وااااو شيخكم متطور

اساله بس يعرف قناة تي في طوكيو

، بكرا عازمته ان شاء الله ع تي في طوكيو بوريه مسلسل وااااااااو توب

عز الله بخربه

عادي شيخكم يسهر ! ايه صح وش فيها خلوه يسهر حتى يتهجد

قله فيّو تسلم عليك وعازمتك الساعه 1 بـ توريك مسلسل كل العالم بـ تتكلم عنه عاد للاسف

بشوفها اون لاين من دون ترجمه

يعني مـ احب احد يعلق والا يقول آه

، ويوم الجمعه اشوفه مترجم مرتين A/E

جد مـ امل منه لاهو ولا خويه اللي بينزل اليوم

يـ لبي قلبه ايتشقو

"بليتش" تدري وشو المسلسل غمض عينك

ناروتو شيبودن

انميشن يهبببل طيحت كل اهلي فيه

.

إقتباس


	يسرق السياره قال الخال حيلكم فيه <<< ياعمرى يالخال ..

مالت عليه من خال

! هذا بدل مايفزع ويقول لأ ذا ولد الغاليه ، امها ماتقدر ع فراقه

يقوم يستغني عنك ولا كانه يعرفك

ورا المشهورين كذا

اقصد ورا رامي عياش الاسمر سوى فيك كذا

.

إقتباس


	الله يطلع من اعضاء الشبكه ويفكنى من هالمصيبه .. قلت ايه قال اجل تعرف سهل؟ قلت اكيد اعرفه.. قال وانت من اى شله؟ قلت ابد من شله حشش بالصغر تنهبل بالكبر ... قال ايه بس احب اقول لك انه حذف لى كم موضوع ووقفنى كم مره وهالايام ناوي يشطب اسمى <<< هههههههه تحياتى ابوالذهب اخذت

لووووووووووووووووووووووووووو

وووووووووووو
وووووووووووووووووول

هههههههههههههههههههههههههههه

هههههههههه
هههههههههههههههههه

كان قلت له ايه اعرفه ، بتوسط لك عنده

بس فك ازمتي ، واكيد بـ تمشي معاملتك معه

ولا طلعك من ازمتك اسحب عليه

وورطه مع سهل

.

إقتباس


	مؤبد ... ويصرخ ذيك الصرخه ياعسكرى كم قضيه عندنا مالقينى لها احد؟ قال واجد طب واختر.. قال هات قضيه البنت المنحاشه .. وقضيه المهرب .. وقضيه

بيلبسونك تهمه أنت مـ سويتها

إقتباس


	التزوير و.. و.. و.. الخ ... قلت انا ماراح اتكلم الا بوجود محامى << هذا اللى استفدنا من الافلام شوى الا نط الخال قال اعرفك على نفسى انا المحامى

بــ قوووووووووووووووه متأثر بـ الافلام

ههههههههههههههههههههه

وربي خطير

.

إقتباس


	قال القاضى لايكون تقصد سهل اللى بشبكه الزعيم .. قلت لالالالالالا مهوب هو.. انا اقول الله يسهل على مصيبتى.. قال ايه احسبك تعرفه لانه شخص عزيز على قلبى ...... قسم بالله قهر اصيح والا انتحرطلع صديقه

دامه شخص عزيز ع قلب قاضينا

، ورأ مـ استغليته

ترى سهل طيب

اتصل عليه وعشه فـ احد المطاعم وهو يأكل عطه اوراقك يخلصها لك وبـ تمشي معاملتك زي السلام عليكم

ومجرد مـ يخلص اشغالك ،
حط رجولك وخل حساب العشا عليه لووووووووووووو

ووووووووووول ------> بـ تنجلد الليله !

إقتباس


	1 لازال الى الان يوجد قضايا فى اقسام الشرطه تحت مسمى قضيه ضد مجهول ؟ ومجرم هارب؟ ولا نعلم من المقصر ؟ 2 للاسف البعض وانا قلت البعض من رجال الدوريات والمرور لايعرف القراة والكتابه؟

لوووووووووووووووو

وووووووووووووووووول
وربي فـ الصميم

... تتوقع خيو ذهبياتك هذي بيفهمها

..!
مـ ظنيت

إقتباس


	شطحه فى القريب العاجل بمغط ركيباتى فى جزر الواق واق فاللى يبى تمر ... فقع . اى شى لايرده الا مخباته وابشرو من عيونى الثنتين

الله الواق واق

.. مـ ابي تمر ولا فقع

! ابيك تاخذني بكبري

معكم خل اغير جو بدلاً من الكآبه

.

ثانكس بو الذهب ع هـ الموضوع

، واللبيب بـ الاشارة يفهم

.

سي يا

الفيروسه الزرقاء

هلالي من ارض اليمن · #9 17/01/2008, 10:46 AM

الله يفرج كربتك يا ابو الذهب ويفك سجنك --- واحد مصدق القصة

والله أسف يا ابو الذهب يوم ما تشرفنا بالتعرف على قلمك المبدع وجدناك خلف القضبان --- يا خسارة

ما عليك يا ابو الذهب السجن للرجال !!!

ومن لم يدخل السجن دخل سجن غيره ... تعددت الاسباب والسجن واحد --- > ابن نباته على غفله !!!

يعطيك الف عافيه يا ابو الذهب

ولقد استمتعنا بقصتك المبدعه والساخرة والافكار المتوجه في ذهبيات ،،،

قرقاص · #10 17/01/2008, 12:05 PM

هلا ابو الذهب وصباح الخير والدفى

إقتباس


	وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال

هذي مشكلة الي ماتعود على الكرسي الدوار مايشوف شر ان شاء الله ورأي تاخذه لشيخك الجليل يقرى عليه لايكون طايح على راس واحد من اياهم

إقتباس


	طيب وين اروح اروح النمسا؟ بس غاليه وقرقاص الين الحين بسجن الملز يدور احد يسدد عنه

عادي رح للنمسا واذا رجعت خل الليموزين ولا خط البلدة يجيبك على الملز على طول وبعدين الحين انت صاير خريج حبوس بعد اسبوع النقاهه اللي قضيته هناك فما راح يضرك زيارة ثانية وعلى قولة المثل السجن للرجال وطوال الشوارب

اسمعني شيخك الجليل هذا اذا ودك تتخلص منه وده جده وقل بنحضر مباراة الأتحاد واتركه في الملعب مع الرابطه وبلغ عنه الجوزات وان شاء الله هم بيسفرونه على اقرب سفينة للصومال

!!هلالي الرس!! · #11 17/01/2008, 12:19 PM

أبي فقع وأنا أخوك

abu_riman · #12 17/01/2008, 04:00 PM

شكراً لك على الأسلوب الممتع و الفكرة ( السامية ) .

نعم السجن مليء ( بمظاليم ) مكانهم خارج السجن ، في المقابل خارج السجن مليء ( بظالمين ) مكانهم داخل السجن .

ابو طـــــلال · #13 17/01/2008, 05:21 PM

هذه القصه من اجمل ماقراءة يداي >>>> تش مير

لي عوده بعد المخمخه ( والتفنيط ) واسبلهااا

بارك الله فيكما وعليكما وجمع بينكما بخير .. موضوع رائع

تقبل مروري .. المؤقت

ابو الذهب · #14 17/01/2008, 07:40 PM

ازرق+ابيض=عشق
هلا و مرحبا

إقتباس


	الهلال هع هع موضوع فله ازين مابالقصه النذل الشيخ الجليل عجبني

اعجبك الشيخ

اذا تبيه خذه

حتى ظلالي هلالي
هلا ومرحبا

إقتباس


	برد شويهـ كلمة برد قل صقيع قل ثلج ايهـ

قل قسم

إقتباس


	لا يكون الكرسي تفجر من الثلج مثل مواصير حائل الحمدلله على السلامه حاتمي

هههههههههههه الكرسى تفجر من الثلج قووووويه

إقتباس


	يالبى قلبها ناقتي هذي في كل زمان ومكان

فى كل زمان ومكان وعبر المحيطات والوديان

بنحضر سكنى

إقتباس


	لا ترتجف ولا تنتفض قل تنقز وتاصل السقف وترجع من البرد

من جد اول مره اشوف برد تقول له وخر يقول انقلع

إقتباس


	ملوخيهـ عيونكـ نقدر نقول من النوم ماتشوف بس خشمكـ وين راح ماتشم الريحهـ

وش لون اشم الريحه ؟ الواحد يشرب شاهى بثمه ولا بخشمه

إقتباس


	وش تبلش ماتبلش مصر أم الدنيا أنا انصحكـ تروح لمها احسن لكـ ترى << اللي يشوفكـ يا وجهـ العنز يقول طابتها

وان رحت لامها وحجرنى زوجها اروح غلطه

إقتباس


	رامي عياش مرهـ وحدهـ لو إنهـ قايل عبدالرب ادريس قلنا ميخالف

ليش تظلمون عبدالرب ادريس قول خالد مسعد يمكن

إقتباس


	صدق مب صاحي خالكـ أخذ مقلب بروحهـ يكذب الكذبهـ ويصدقهـ

وهالايام يقول صوته زين يمكن يغنى

تبى شريطه الجديد

إقتباس


	من اللي ناصب عليكـ أنت وخالكـ وقايل لكم إنكم طخمان << أعرف أجمع كل واحد بدأ يفقش على الثاني .. ويعطيهـ من هالرخيص

ليش لا وبعدين الحلم ببلاش

عادى الواحد يحلم شوى ان قذلته تنزل على عيونه

إقتباس


	ثاني لفهـ بعد الإشارهـ

وصف زين

قدامى جدار

إقتباس


	اذا يدري ليهـ يسأل شكلهـ بيتأكد أنت بوعيكـ وإلا لا .. يمكن تقول اسم ثاني

لا هو بيتأكد لانه ناسى نظارته <<< عاش مصرف

إقتباس


	والله ياحظكـ نحس من جد .. اذا قلت تعرفهـ .. طلعت عليكـ .. واذا قلت ماتعرفهـ طلعت عليكـ بعد .. كان قلت اعرف الكلاسيكي يمكن يطلعون كلهم أخوياهـ

وان طلع الكلاسيكى نكبه مثل خويه اروح بالرجلين

إقتباس


	والله أنا ما أرعف إلا (قضيهـ مبنيهـ ضد مجهول) << حافظتهـ من المسلسلات

اقدع ناس قضيه مبنيه ضد مجهول يعنى جهز القضيه ودور اللى بتصكه بظهره

إقتباس


	هي وقفت على مايعرف يقرأ .. هذي ممكن نمشيها .. لكن اذا جاكـ قالب الرخصهـ وإلا الاستمارهـ .. هنا المصيبهـ

طيب اذا مايعرف يقرا ليش رامينه بالشارع يبلش خلق الله يحطونه بمكتب ابرك

إقتباس


	أنا ابي أخاويكـ وميخالف أنا أمسكـ المطبخ .. وأطبخ لكـ بس أهم شيء أسافر والله مليت من هالبرد يمكن الواق واق عندهم صيف هالحين تقبل مروري الطويل اللي أحس مال أبو جدهـ من داعي

اف فيه طبخ

اوكى تذكرتك وسكنك عليك

مايبى يدفع شى

الفيروسه الزرقاء
هلا ومرحبا ومسهلا

إقتباس


	لوووووووووووووووووووول حمدلله ع سلامته

شكلى بروح ازوره بس اخاف مايفتح الباب

إقتباس


	يـ الله ع انفلونزا الطيور جد جد الناس موسوسين ومكبرين الموضوع ، اجل مره كان عندي تاخيري " ياكثر التأخيري هـ السميستر " المهم متأخره فـ الجامعه وطبعاً الطيور تتمشى فـ الجامعه اقصد فـ الحديقه ، واحنا مارين صرخت زميلتي قالت وخري عنها ! قلت ليه قالت بيجيك انفلونزا الطيور هذي طيور مهاجره ! الله اكبر بينتقل لي عن طريق الهواء !! يعني لو اني بلمسها يمكن اما علشان كم متر بيني وبينها بينتقل !! اووووه سوري طولت فـ هـ البارت .

لا زين انك وضحتى انه ماينتقل لان فيه ناس فاهمه غلط

بس لا عاد تتعودينها لايجيك شى

ماامداك غيرت رايك :d

إقتباس


	لوووووووووووووووووووووووول يـ الله للحين تقولها .

والى ان تقوم الساعه

إقتباس


	رامي عياش ! بو نحاس انت ليش مغبر ليه ماتواكب الحاضر ، طلعوا ناس اطخم من رامي عياش تبيني اعرفك عليهم .

اطخم من رامى عايش

مافيه الا يامزعل فرحان ولا بشير

إقتباس


	مخفه ----> العصا جتها

ماعاد فيه عصى فيه عجرا

إقتباس


	خخخخخخخخخخخخخخخخخخ يرفع من معنوياتك مايبيك تحسده .

هههههههههههههه وش احسده عليه على الدفاع المدنى اذا استأجروه عشان خشمه <<< طبع يشغلون خشمه سلم من طوله

إقتباس


	وااااو شيخكم متطور اساله بس يعرف قناة تي في طوكيو ، بكرا عازمته ان شاء الله ع تي في طوكيو بوريه مسلسل وااااااااو توب عز الله بخربه عادي شيخكم يسهر ! ايه صح وش فيها خلوه يسهر حتى يتهجد قله فيّو تسلم عليك وعازمتك الساعه 1 بـ توريك مسلسل كل العالم بـ تتكلم عنه عاد للاسف بشوفها اون لاين من دون ترجمه يعني مـ احب احد يعلق والا يقول آه ، ويوم الجمعه اشوفه مترجم مرتين A/E جد مـ امل منه لاهو ولا خويه اللي بينزل اليوم يـ لبي قلبه ايتشقو "بليتش" تدري وشو المسلسل غمض عينك ناروتو شيبودن انميشن يهبببل طيحت كل اهلي فيه .

خذيه وسهريه ماعندك مشكله ولاتخافين هو بيترجم لنفسه بس حطى له كيس قريض وسيسبان مملح

إقتباس


	مالت عليه من خال ! هذا بدل مايفزع ويقول لأ ذا ولد الغاليه ، امها ماتقدر ع فراقه يقوم يستغني عنك ولا كانه يعرفك ورا المشهورين كذا اقصد ورا رامي عياش الاسمر سوى فيك كذا

ترا هذا مشكله اللى اطخم مثلى

مصدق عمره

إقتباس


	لووووووووووووووووووووووووووووووووووووووو وووووووووووووووووول هههههههههههههههههههههههههههههههههههههه هههههههههههههههههه كان قلت له ايه اعرفه ، بتوسط لك عنده بس فك ازمتي ، واكيد بـ تمشي معاملتك معه ولا طلعك من ازمتك اسحب عليه وورطه مع سهل .

هههههههههههههههههههههه حلوه

بس انا وش يفكنى بعدين من سهل

إقتباس


	بيلبسونك تهمه أنت مـ سويتها

كله من سهل

ههههههه بنروح غلطه يالفيروسه

إقتباس


	دامه شخص عزيز ع قلب قاضينا ، ورأ مـ استغليته ترى سهل طيب اتصل عليه وعشه فـ احد المطاعم وهو يأكل عطه اوراقك يخلصها لك وبـ تمشي معاملتك زي السلام عليكم ومجرد مـ يخلص اشغالك ، حط رجولك وخل حساب العشا عليه لوووووووووووووووووووووووول ------> بـ تنجلد الليله !

ههههههههههههه سهل قلبه حى ماتمشى عليه اذا واحد عزمه تلقى سهل يجيب سلسله معه ويربط ساقه بساق اللى عازمه

إقتباس


	لوووووووووووووووووووووووووووووووووول وربي فـ الصميم ... تتوقع خيو ذهبياتك هذي بيفهمها ..! مـ ظنيت

وانا معك ماظنيت

إقتباس


	الله الواق واق .. مـ ابي تمر ولا فقع ! ابيك تاخذني بكبري معكم خل اغير جو بدلاً من الكآبه .

هههههههههههه الله يرجك هذا الاختبارات وماتسوى كأبه

إقتباس


	ثانكس بو الذهب ع هـ الموضوع ، واللبيب بـ الاشارة يفهم

ههههههههههه مهبوله ومنسمه

هلالي من ارض اليمن
هلا ومرحبا

إقتباس


	الله يفرج كربتك يا ابو الذهب ويفك سجنك --- واحد مصدق القصة

امين <<<<< حت انا مصدق انى مسجون

إقتباس


	والله أسف يا ابو الذهب يوم ما تشرفنا بالتعرف على قلمك المبدع وجدناك خلف القضبان --- يا خسارة ما عليك يا ابو الذهب السجن للرجال !!!

احنى اللى لنا الشرف

اما السجن اى رجال ياخى يازين الحريه

الا بأسلك الحين فى كره القدم اللاعب اذا تعب يطلب تبديل وينزل لاعب ثانى طيب السجن ورا مايحطون نفس القانون

إقتباس


	ومن لم يدخل السجن دخل سجن غيره ... تعددت الاسباب والسجن واحد --- > ابن نباته على غفله !!!

البيت غير موزون والسبب ان المقاول صب العمدان قبل وضع الميده

إقتباس


	يعطيك الف عافيه يا ابو الذهب ولقد استمتعنا بقصتك المبدعه والساخرة والافكار المتوجه في ذهبيات ،،،

يعافيك وشكر لمرروك ودورياتك وامن الطرق بعد

قرقاص
هلا ومرحبا ومسهلا

إقتباس


	هلا ابو الذهب وصباح الخير والدفى

اى دفى الا برد ومن قوى البرد فطست الناس وانا خفت لاافطس بلعت جمر

إقتباس


	هذي مشكلة الي ماتعود على الكرسي الدوار مايشوف شر ان شاء الله ورأي تاخذه لشيخك الجليل يقرى عليه لايكون طايح على راس واحد من اياهم

هههههههههههههه ان قرا عليه طلع الحاتمى من عنده فاقد الذاكره

إقتباس


	عادي رح للنمسا واذا رجعت خل الليموزين ولا خط البلدة يجيبك على الملز على طول وبعدين الحين انت صاير خريج حبوس بعد اسبوع النقاهه اللي قضيته هناك فما راح يضرك زيارة ثانية وعلى قولة المثل السجن للرجال وطوال الشوارب

هههههههههههه واللى ماله شارب

إقتباس


	اسمعني شيخك الجليل هذا اذا ودك تتخلص منه وده جده وقل بنحضر مباراة الأتحاد واتركه في الملعب مع الرابطه وبلغ عنه الجوزات وان شاء الله هم بيسفرونه على اقرب سفينة للصومال

واذا رجع بفيزه راعى اجيبه لك

!!هلالي الرس!!
هلا ومرحبا

إقتباس


	أبي فقع وأنا أخوك

كثر دراهمك

abu_riman
هلا ومرحبا ومسهلا

إقتباس


	شكراً لك على الأسلوب الممتع و الفكرة ( السامية ) .

الشكر لله وان شاء الله تكون الفكره وصلت

إقتباس


	نعم السجن مليء ( بمظاليم ) مكانهم خارج السجن ، في المقابل خارج السجن مليء ( بظالمين ) مكانهم داخل السجن .

ابو ريمان لله درك

هذا هو زبده الحكى

ابو طـــــلال
هلا ومرحبا

إقتباس


	هذه القصه من اجمل ماقراءة يداي >>>> تش مير

هههههههههه تقرا بيدك

إقتباس


	لي عوده بعد المخمخه ( والتفنيط ) واسبلهااا

مخمخه

يعنى عندك صحن يدور

وين ساكن فيه

إقتباس


	بارك الله فيكما وعليكما وجمع بينكما بخير .. موضوع رائع تقبل مروري .. المؤقت

والعرس يوم الخميس الجاى وممنوع اصطحاب المغاتير

جمــ ناطل باللفه ــس · #15 19/01/2008, 12:58 AM

إقتباس


	وبمناسبه البرد احب اتحمد بالسلامه لاخى وحبيبى الحاتمى بعد ماطاح من الكرسى طالع كأنه ببغاء جايه شلل اطفال فالف سلامه لك والله يستر عليك من انفلونز الطيور

حللللللللللوه ببغاء جايه شلل

... بس أخاف الببغاء يقول بسم الله علي

إقتباس


	صحيت من النوم انتفض لا ارتجف لالا اتنافض

أبي أعرف وش الفرق بين انتفض واتنافض

إقتباس


	(( عزيزى المتصل ان الفنان رامى عياش مشغول الان فضلن اتصل فى وقت لاحق ))

لا لا لا .... خالك ماهو صاحي ... رامي عياش مرتن وحده ؟

زين ما قال فان دام

إقتباس


	حت انت يابوالذهب طالع اطخم يوم فتحت الباب احسبك صفوق التمياط

انصحك انك تردد (( ياااليييييييييل ماااا طوااالك )) سبع مرات باليوم

إقتباس


	قال الخال تبى توسع صدرك .. قلت ايه.. قال دقايق وبيجى ضيف عزيز على قلبى وبناخذه معنى .. وبعد طول انتظر دخل هالضيف ... يؤ شيخى الجليل لالالالالالالالا والله المصيبه خالى والشيخ الجليل ياناس طريق شهار من وين ؟؟

وراه ناااااشبن لك هالشيخ الجليل ؟؟

لايكون موكله كبسة رز بالفيري

إقتباس


	معسل .. كيرم .. فرن .. تلفزيون .. رسيفر .. دوشق .. عطرحبشوش << حشى عفش مطلقه

ذكرتني بـ (( شلة خوال )) ناقلين عفش بيتهم ومسكووهم الدوريه بتهمة السرقه

إقتباس


	هذا اللى استفدنا من الافلام شوى الا نط الخال قال اعرفك على نفسى انا المحامى كروش حاضر مع المجرم اللى ان شاء الله بيأخذ عقابه الرادع <<<< امحق محامى

لا يكون كروش اللي مزعجنا بعياله بقناة السودان كل صبحيه

إقتباس


	شطحه فى القريب العاجل بمغط ركيباتى فى جزر الواق واق فاللى يبى تمر ... فقع . اى شى لايرده الا مخباته وابشرو من عيونى الثنتين

أقووول يا بالنحاااس

ما قد شالوووك بسطحه يا ابو الشطحه