 | إقتباس |  | | |  |
الرسالة الأصلية كتبت بواسطة ابو طـــــلال |  | | | | | | | | | بسم الله الرحمن الرحيم
مستر قول (Mr.GoaL) ارسلي مره رساله يقول : عزيزي ابو طلال .. لقد تلقيت انذاراً؟؟!!
صاكني باانذار ويقول عزيزي !!
ومره ارسلي يقول : لاتتعودلها  !!! قلت له : سم سم سم ... سم سم سم .. سم  
شكرا لكم واعتذر عن الإطاله .....
اخوكم الصغير ابو طلال | |  | |  | |
اهلين ابوطلال افندي
المره الاول ماني متذكر الانذار اللي ارسلته لك بس اكيد انك تستاهل , واحقاقا للحق انا ماعطي احد انذار الا بعد ماشوفه يستحقه بشكل نهائي ومهما كانت معرفتي فيه وعلاقتي مايمنعني اني اعطيه انذار طالما انه خالف فاكيد يستحق العقوبه
اما المره الثانيه كمل للاعضاء ليش ارسلت لك
وعلى طارئ الرسائل الخاصه فيه رساله وصلتن من احد الاعضاء كلما تذكرتها اضحك بشكل غير طبيعي
هذا عضو جديد ماعنده ولامشاركه ارسل لي رساله يبي يغير اسمه انا مابغيت ارده واقوله انت ماعندك مشاركات وماتستحق التغيير خفت اني احطمه فقلت له الاسم موجود طبعا كان يبي اسم هلالي ثرمداء
الرجال شافني اعتذرت منه باسلوب حلو فصار مثل اللي صاحبه عسل ولحسه كله
رد علي وقال ابي هلالي ثرمداوي وقلت خلني اعتذر منه مرة ثانيه بعد خصوصا اني اعرف ان هالعضو مميز وكان ودي يشاركنا لاني شفت له مشاركات بموقع ثاني فقلت له الاسم موجود مسبقا يالغالي
رد علي وقال ابي هلالي من ثرمداء ورديت عليه وقلت الاسم موجود ايضا وهو فعلا ماهو موجود بس الادارة موقفه التغيير بشكل نهائي
عاد شكله زهق مني ورد علي وقال غير لي الاسم الى ( هلالي ماهوب من ثرمداء ابدا )
غيرت له الاسم وضحكت معه شوي وبعدين رجعنا اسمه للاسم اللي يبيه
وهالعضو كل ماتذكرت وش رسالته اضحك ضحك
عموما الرسائل اللي تجي للمشرف احيانا تضحك واحيانا يقول المشرف يامن شراله من حلاله عله
فمان الله ابوطلال وشكرا لك ادري اني شطحت بالموضوع بس غصب عنك تقبلها والا ترى بتجيك الرساله الثالثه
جولة في صندوقي الخاص للرسائل الواردة ( اللى ودة يشوف اسراري يدخل )<< مخربها 
<< بطل والله هالولد بطل واحييه 
ابو صقر على راسي انت ورسايلك وردك .. وحضورك .. وكلك على بعضك .. كذا تربينا .. ونبي نربي عيالنا على الفرق بين الكبير والصغير ... مو الواحد ندفدفه علشان يعرف 
> امزح 
.
الوضع العادي
