[ طريقه دمج الترجمه مع الفلم بكل سهوله وبساطه + افضل موقع لتوفير الترجمه للفلم بعده لغات ] - صفحة رقم 2 - نادي الهلال السعودي - شبكة الزعيم

فزاع الاجيال · #1 16/01/2008, 02:52 AM

بسم الله الرحمن الرحيم ..

السلام عليكم ورحمه الله وبركاته ..

في الحقيقه انا اعتذر لاني ما ادري وين اكتب هذا الموضوع ..

في منتدى البرامج ولا في صيد الانترنت ..!

لان اشوف صيد الانترنت صاير قسم مسلسلات اجنبيه وافلام

!

وقررت وبكل قوه اني احطه بالمجلس العام مره وحده واهم يتصرفون .. لاني ما ادري وش اسوي

!

وبعد عشان يقرونه الاعضاء الي بيمرون على برزن بريك ويحترون تنزل الحلقه مدمجه مع الترجمه !

عشان يحملونها .. ولا يعرفون يشوفون الحلقه ويرركبون عليها الترجمه بكل بساطه وسهوله ..

وانا ما كتبت هالموضوع الا يوم شفت رد [ وليد القحطاني

] الي مسوي زحمه برزن بريك برزن بريك وبالاخير ما يعرف يركب الترجمه وهي ابسط شي .. وجالس يحتري تنزل الحلقه مدموجه مع الترجمه ما يدري ان الناس شافت الحلقه وتحتري الحلقه العاشره

!

تراي حاط القلب عشان ما يزعل علي بس

..

وهذا هو رد وليد

..

إقتباس

الرسالة الأصلية كتبت بواسطة وليد القحطاني


	^ يالغالي لو اعرف اركب الترجمة بحملها بس ما اعرف ياليت تساعدني

اعتذر عن المقدمه الطويله ..

وابداء في شرح البرنامج البسيط جدا والذي لا يحتاج الى اي شرح !

برنامجنا اليوم هو البرنامج الشهير والبسيط ..

هو VobSub ..

وهو برنامج يقوم بوضع الترجمه على الحلقه بكل يسر وسهوله والحلقه لا يجود فيها اي ترجمه مدمجه معها ..

[ لتحميل البرنامج اضغط هنا ]

قم بتحميل البرنامج البسيط وتثبيته بدون اي عناء وصعوبه وهذي مايحتاج لها اي شرح طبعا .. لاني مشوار صراحه اشرح لكم وشلون تثبتون البرنامج

!

===> متعيجز يحذفه ويرجع يثبته وينسخ خطوه خطوه وهي سهله اصلا ولا تحتاج شرح

!

معلومه مهمه وبسيطه .. واهي كل القصه وكل الشرح

..

قم باحضار ملف الترجمه وهو ملف مفكره .. وفي الاسفل باخر الموضوع .. موجود موقع يوفر لك الترجمات بعده لغات حتى بالاردو من القهر

!

وقم بوضع الترجمه بنفس الملف الذي توجد به الحلقه او الفلم .. يعني لاز يكونون في ملف واحد .. مو الفلم بالمستندات وتحط ملف الترجمه بسطح المكتب !

قم بتسميه اسم الترجمه بنفس اسم الفلم ..

كما في الصوره التاليه ..

عند تسميه الترجمه بنفس اسم الفلم ..

ذي الخطوه للذكي مره ولا يدري وشلون يسمي الترجمه بنفس اسم الفلم ..

* يقوم بتحرير اسم الفلم عن طريق الزر الايمن ثم تعديل التسميه .. او عن طريق F2 .. ثم ينسخه و يروح يحرر اسم الترجمه ويلصق الاسم .. وينتبه لا يتعدل صيغه ملف الترجمه .. يعني صيغه الفلم avi لا ينسخها مع الاسم ولصقها بالترجمه ويحذف srt .. واذا كانت مو موجوده صيغه الفلم احسن عشان ما تحوسنا

..

بعد نسخ الاسم بكل سهوله وبساطه .. و تخلي اسم الفلم والترجمه نفس الشي .. مثل الي بالصوره ..

شغل الفلم وتطلع لك الترجمه ولا احلى منها ..

وشي اكيد .. عشان تطلع الترجمه .. لازم تكون في شريط القوائم الي تحت .. هذه العلامه ..

وذي لازم تطلع ان شاء الله اذا انت ثبت البرنامج صح و سميت الترجمه بنفس اسم الفلم ..

بجانب الساعه والماسنجر ..

والترجمه طالعه ولا احلى كما في هذه الصوره ..

واتمنى ان الشرح كافي .. ويكونون كل الناس فهمت ..

مع اني ادري انكم بتوهقون بسالفه تحرير اسم الترجمه وتسميتها بنفس اسم الفلم

.. وتحسون فيها حوس .. بس الله يعيننا وياكم

!

وان توهقتوا مره مره ..

سمو الفلم برقم 2 .. والترجمه باسم 2 كما في الصوره التاليه

!

وريجونا وريحوا انفسكم

..

وهذا موقع في جميع ترجمات الافلام متوفره وبكل سهوله وبساطه .. فقط ضع اسم الفلم او المسلسل .. وراح يطلع لك الترجمات بعده لغات ..

[ انقر هنا للدخول الى الموقع ]

وآسف على الشرح الطويل والموضوع ما يستاهل ..

والسلام عليكم ورحمه الله وبركاته ..