[ طريقه دمج الترجمه مع الفلم بكل سهوله وبساطه + افضل موقع لتوفير الترجمه للفلم بعده لغات ] - نادي الهلال السعودي - شبكة الزعيم

فزاع الاجيال · #1 16/01/2008, 02:52 AM

بسم الله الرحمن الرحيم ..

السلام عليكم ورحمه الله وبركاته ..

في الحقيقه انا اعتذر لاني ما ادري وين اكتب هذا الموضوع ..

في منتدى البرامج ولا في صيد الانترنت ..!

لان اشوف صيد الانترنت صاير قسم مسلسلات اجنبيه وافلام

!

وقررت وبكل قوه اني احطه بالمجلس العام مره وحده واهم يتصرفون .. لاني ما ادري وش اسوي

!

وبعد عشان يقرونه الاعضاء الي بيمرون على برزن بريك ويحترون تنزل الحلقه مدمجه مع الترجمه !

عشان يحملونها .. ولا يعرفون يشوفون الحلقه ويرركبون عليها الترجمه بكل بساطه وسهوله ..

وانا ما كتبت هالموضوع الا يوم شفت رد [ وليد القحطاني

] الي مسوي زحمه برزن بريك برزن بريك وبالاخير ما يعرف يركب الترجمه وهي ابسط شي .. وجالس يحتري تنزل الحلقه مدموجه مع الترجمه ما يدري ان الناس شافت الحلقه وتحتري الحلقه العاشره

!

تراي حاط القلب عشان ما يزعل علي بس

..

وهذا هو رد وليد

..

إقتباس

الرسالة الأصلية كتبت بواسطة وليد القحطاني


	^ يالغالي لو اعرف اركب الترجمة بحملها بس ما اعرف ياليت تساعدني

اعتذر عن المقدمه الطويله ..

وابداء في شرح البرنامج البسيط جدا والذي لا يحتاج الى اي شرح !

برنامجنا اليوم هو البرنامج الشهير والبسيط ..

هو VobSub ..

وهو برنامج يقوم بوضع الترجمه على الحلقه بكل يسر وسهوله والحلقه لا يجود فيها اي ترجمه مدمجه معها ..

[ لتحميل البرنامج اضغط هنا ]

قم بتحميل البرنامج البسيط وتثبيته بدون اي عناء وصعوبه وهذي مايحتاج لها اي شرح طبعا .. لاني مشوار صراحه اشرح لكم وشلون تثبتون البرنامج

!

===> متعيجز يحذفه ويرجع يثبته وينسخ خطوه خطوه وهي سهله اصلا ولا تحتاج شرح

!

معلومه مهمه وبسيطه .. واهي كل القصه وكل الشرح

..

قم باحضار ملف الترجمه وهو ملف مفكره .. وفي الاسفل باخر الموضوع .. موجود موقع يوفر لك الترجمات بعده لغات حتى بالاردو من القهر

!

وقم بوضع الترجمه بنفس الملف الذي توجد به الحلقه او الفلم .. يعني لاز يكونون في ملف واحد .. مو الفلم بالمستندات وتحط ملف الترجمه بسطح المكتب !

قم بتسميه اسم الترجمه بنفس اسم الفلم ..

كما في الصوره التاليه ..

عند تسميه الترجمه بنفس اسم الفلم ..

ذي الخطوه للذكي مره ولا يدري وشلون يسمي الترجمه بنفس اسم الفلم ..

* يقوم بتحرير اسم الفلم عن طريق الزر الايمن ثم تعديل التسميه .. او عن طريق F2 .. ثم ينسخه و يروح يحرر اسم الترجمه ويلصق الاسم .. وينتبه لا يتعدل صيغه ملف الترجمه .. يعني صيغه الفلم avi لا ينسخها مع الاسم ولصقها بالترجمه ويحذف srt .. واذا كانت مو موجوده صيغه الفلم احسن عشان ما تحوسنا

..

بعد نسخ الاسم بكل سهوله وبساطه .. و تخلي اسم الفلم والترجمه نفس الشي .. مثل الي بالصوره ..

شغل الفلم وتطلع لك الترجمه ولا احلى منها ..

وشي اكيد .. عشان تطلع الترجمه .. لازم تكون في شريط القوائم الي تحت .. هذه العلامه ..

وذي لازم تطلع ان شاء الله اذا انت ثبت البرنامج صح و سميت الترجمه بنفس اسم الفلم ..

بجانب الساعه والماسنجر ..

والترجمه طالعه ولا احلى كما في هذه الصوره ..

واتمنى ان الشرح كافي .. ويكونون كل الناس فهمت ..

مع اني ادري انكم بتوهقون بسالفه تحرير اسم الترجمه وتسميتها بنفس اسم الفلم

.. وتحسون فيها حوس .. بس الله يعيننا وياكم

!

وان توهقتوا مره مره ..

سمو الفلم برقم 2 .. والترجمه باسم 2 كما في الصوره التاليه

!

وريجونا وريحوا انفسكم

..

وهذا موقع في جميع ترجمات الافلام متوفره وبكل سهوله وبساطه .. فقط ضع اسم الفلم او المسلسل .. وراح يطلع لك الترجمات بعده لغات ..

[ انقر هنا للدخول الى الموقع ]

وآسف على الشرح الطويل والموضوع ما يستاهل ..

والسلام عليكم ورحمه الله وبركاته ..

وليد القحطاني · #2 16/01/2008, 05:24 AM

احم احم

لاهنت يالغالي وماقصرت

شرح وافي ماشاء الله عليك

وابشرك ترى حملت الحلقة التاسعة مترجمة

تصدق الترجمة احسبها صعبة شوي

لكن الله يعطيك العافية وماقصرت

تحياتي لك

ورده

فزاع الاجيال · #3 16/01/2008, 05:53 AM

حياك وليد ..

وان شاء الله الحلقه الجايه تحملها تورنت عادي .. وتدمج انت الترجمه بنفسك ..

بس شكلك على طريقك ذي انك منتب راعي افلام .. قبل ما تعرف تترجم .. وصعبه انك تلقى فلم برابط مباشر ومترجم ..

شكلك برزن بريك وبس

!

ولا تحتري يوم كامل عشان تشوف الحلقه مدموجه مع الترجمه ..

..

حياك وليد وان شاء الله انك استفدت من الموضوع والبرنامج ..

وليد القحطاني · #4 16/01/2008, 06:00 AM

^

من ناحية استفدت انا استفدت

بس انت غلطت علي وتقول اني مو راعي افلام

ترى فيه فرق بين افلام ,, وفرق بين حلقات مسلسلات

الأفلام كله فلم واحد ويجيك مترجم وتحمله

عاد انا عندي موقع كله افلام رابط مباشر ومترجم وجودة عالية

لكن حلقات المسلسل تجيك في اليوم نفسه وماحد يقدر يترجمها بسرعة ويشوفها

ولاهنت مرة ثانية يالغالي ورده

تحياتي

ابو طـــــلال · #5 16/01/2008, 06:13 AM

يعطيك العافيه

S K Y · #6 16/01/2008, 07:56 AM

يعطيك العافيه فزاع شرح وافي وكامل تستحق عليه كل الشكر والتقدير

موقع الترجمه هذا عندي من قبل ودايم استخدمه
لأني ما احب اشوف افلام مدموجه الترجمه لأن دقتها تصير تعبانه شوي

عوافي وتقبل مروري ،،

فزاع الاجيال · #7 16/01/2008, 08:00 AM

اخوي سكاي ..

الموضوع ليس عن الفلم المدموج مع الترجمه ..

هو فلم عادي .. ان شاء الله DVD .. و عشان تظهر التجمه مع الفلم تركب البرنامج هذا .. ولو حذفت الترجمه ما راح تلطه والترجمه مالها اي تاثير بالفلم الا اذا صارت موجوده بالاساس معه ..

واتمنى انك فهت ما اقصد يا غالي ..

S K Y · #8 16/01/2008, 08:22 AM

إقتباس

الرسالة الأصلية كتبت بواسطة فزاع الاجيال


	اخوي سكاي .. الموضوع ليس عن الفلم المدموج مع الترجمه .. هو فلم عادي .. ان شاء الله DVD .. و عشان تظهر التجمه مع الفلم تركب البرنامج هذا .. ولو حذفت الترجمه ما راح تلطه والترجمه مالها اي تاثير بالفلم الا اذا صارت موجوده بالاساس معه .. واتمنى انك فهت ما اقصد يا غالي ..

انا قصدي ان طريقه الدمج افضل من الترجمه المدموجه وخالصه
انا عارف انك تشرح شلون طريقه الدمج

انا شغال في هالمجال من زمان وافلامي كلها تورنت بدون ترجمه
والترجمه اجيبها من الموقع اللي طرحته

فيه بعض الترجمات تجي بملف مفكره والترجمه مكتوبه داخل المفكره تقدر تقراها
وفيه بعض الترجمات تجي على صيغه srt ماتقدر تفتحها وتقراها

الترجمه اللي تقدر تقراها في ملف مفكره لازم يكون لها برنامج يشغلها
وهذا برنامجي اللي استخدمه AVI DVD Burner

والترجمه اللي تجي على صيغه srt ماتقدر تفتحها ماتحتاج برنامج يدمجها
مجرد انك تحط الترجمه مع الفلم في ملف واحد وتوحد الاسم تشتغل معك دايركت

بريماكس · #9 16/01/2008, 10:25 AM

فزاع .. يامال العافيه والله .

يكفي من موضوعك انه يستفيد منه اخو وعزيز وغالي علينا .. اللي هو وليد

والجميع يستفيدوا منه ان شاء الله . بس هو اللي متابع كثير للافلام ماشاء الله عليه

.

لاهنت اخوي فزاع وتسلم يمينك .

الرحـــــــال · #10 16/01/2008, 03:13 PM

إقتباس

الرسالة الأصلية كتبت بواسطة وليد القحطاني


	^ من ناحية استفدت انا استفدت بس انت غلطت علي وتقول اني مو راعي افلام ترى فيه فرق بين افلام ,, وفرق بين حلقات مسلسلات الأفلام كله فلم واحد ويجيك مترجم وتحمله عاد انا عندي موقع كله افلام رابط مباشر ومترجم وجودة عالية لكن حلقات المسلسل تجيك في اليوم نفسه وماحد يقدر يترجمها بسرعة ويشوفها ولاهنت مرة ثانية يالغالي ورده تحياتي

ياااليت تعطينا رااابط

الموقع أو أرسله برساله شخصية

فزاع الاجيال · #11 16/01/2008, 04:53 PM

يعطيكم العافيه على المرور ..

وحياك اخوي سكاي .. انا فهمتك غلط .. وحياك ثاني مره ..

أسطـــ سامي ــــورة · #12 18/01/2008, 03:13 AM

مشكور اخوووووووووووووووووي

" MOHAMMED " · #13 28/01/2008, 02:00 PM

إقتباس


	وذي لازم تطلع ان شاء الله اذا انت ثبت البرنامج صح و سميت الترجمه بنفس اسم الفلم ..

.
.
مسـاء الخير ..
.
يعطيك العافيه ..،
بس ماطلعت لي الاشاره عند الساعه
مع العلم أني ثبتت البرنامج صح .
.

فزاع الاجيال · #14 28/01/2008, 10:58 PM

^

اخوي آسف على التاخير ..

لكن ما هو البرنامج الذي تستخدمه .. لان بعض البرامج .. لا تتعامل مع الترجمه ولا تتفاعل معها ..

لكن اخوي .. هذا البرنامج عباره عن كوديك .. من افضل البرامج .. ويشغل كل شي تقريبا ..

ويشغل لك الفلم اذا كانت اعداداك صحيحه من حيث اسم الفلم مطابق للترجمه ويمكن هذه فاتتك او ما طبقتها صح ..

حمل هذا هو الكوديك اللي عندي نازل بليلة راس السنة

http://ftp.freenet.de/pub/filepilot/...lmcodec365.exe

فهم من افضل البرامج للتشغيل ..

" MOHAMMED " · #15 29/01/2008, 12:22 PM

إقتباس

الرسالة الأصلية كتبت بواسطة فزاع الاجيال


	^ اخوي آسف على التاخير .. لكن ما هو البرنامج الذي تستخدمه .. لان بعض البرامج .. لا تتعامل مع الترجمه ولا تتفاعل معها .. لكن اخوي .. هذا البرنامج عباره عن كوديك .. من افضل البرامج .. ويشغل كل شي تقريبا .. ويشغل لك الفلم اذا كانت اعداداك صحيحه من حيث اسم الفلم مطابق للترجمه ويمكن هذه فاتتك او ما طبقتها صح .. حمل هذا هو الكوديك اللي عندي نازل بليلة راس السنة http://ftp.freenet.de/pub/filepilot/...lmcodec365.exe فهم من افضل البرامج للتشغيل ..

.
.

مساء الخير أخوي فزاع ..
.

يعطيك الـ ع ـافيه .. والبرنامج اشتغل مع الترجمه ..
.
.
لكن .. أثناء التثبيت حذف برنامج ريل بلير ..
.
سؤالي .. هل هو البديل المناسب لبرنامج الريل بلير ..!!؟
.
،
مشكور والله يعطيك العافيه .. ومشكور على تجاوبك .
.