تغيير موعد المباراة.. و المدرب هو آخر من يعلم! - نادي الهلال السعودي - شبكة الزعيم

الملك راؤول · #1 13/01/2008, 01:02 PM

* يقول الخبر إن مدرب الهلال رفض تقديم مباراة فريقه مع الوحدة لتقام عصراً بدلاً من المساء بعد أن رفعت الإدارة خطاباً لإدارة الوحدة بخصوص تغيير الموعد وتلقت الموافقة.. يعني المدرب في الهلال هو آخر من يعلم!

^^^^^^^^^^^^

هذا الكلام في الأعلى من جريدة الجزيرة في زاوية (( وسع صدرك )) !!

يا اخوان شوفولي بالله السطر الأخير من هالكلام !!

و الله يوم شفته انسدت نفسي عالآخر ...

يعني والله ماقد شفت عشوائية ولا تخبط زي كذا !!!

الحين فكرة تقديم المباراة كفكرة حلوة ...

و بالعكس يعتبر إجتهاد يشكر عليه الجهاز الإداري

لكن مسألة ان كل شي يصير والمدرب آخر من يعلم !!!!

أقسم بالله انها فضييييييييييييحه بكل ما تعنيه هذي الكلمة من معنى ...

يعني بالله مين يعلم . . .

يقولون المدرب مادرى الا بالصدفه من واحد من أعضاء الجهاز الإداري ...

يعني بالله مدرب شطوله وعرضه ، وجايبينه من آخر الدنيا و اخرتها كل واحد يعطي من راسه !!

بصراحه هالحادثة على كبرها طلعت على السطح !!

تخلينا نتسائل عن مدى احترافية التعامل في إدارة نادي الهلال ...

لأنه الظاهر إن ماخفي كان أعظم !!

على العموم اللي صار بالفعل يحتاج إلى وقفة جادة من الأشخاص الذين تهمهم مصلحة الهلال وأن

يسير في الطريق الصحيح ،،، تقبلوا تحياتي . . .

الســـ الهلالي ـــهم · #2 13/01/2008, 01:06 PM

انا اتوقع بداية لتطفيش كوزمين مثل ماحدث لبيسيرو

والله يستر

الملك راؤول · #3 13/01/2008, 01:37 PM

شاكر لكل الشباب اللي ردوا . . .

ولا زلت أطمح للأكثر . . .

في انتظاركم أيها الزعماء . . .

الزعيـم الهلالـي · #4 13/01/2008, 01:47 PM

أنت متأكد أن خبر الجزيرة صحيح ؟

اللي أعرفه أن الجزيرة بينها وبين رئيس الهلال تنافر.

شــاهــيــن · #5 13/01/2008, 02:05 PM

إقتباس

الرسالة الأصلية كتبت بواسطة asim 9


	تدري حتى المفرج يدخل في التشكيلة والمدرب اخر من يعلم كلــــــــــــ شي بالنادي صار ياواسطة يا انفراد بالقرار تخبط في تخبط

^ ^ ^ ^
ههههههههه كل مواضيعه عن المفرج
أما ان الجزيرة تطلع عقب المباراة بيوم وكأنها جايبة خبر حصري يكثرون لي منها

ليه وين حنا فيه

مشجع الميلان · #6 13/01/2008, 02:09 PM

الجزيره من مده وهي تحارب الهلال ...

فمصداقية الجزيره معدومه الآن ...

.
.
.
.

مالكي هلالي · #7 13/01/2008, 02:15 PM

عزيزي .. وهل انت متأكد من هذا الخبر ..؟؟

الجزيره اصبحت ضد الاداره الهلاليه لان منصور الأحمد موجود .. الي ابغى اعرفه وش سوى لهم منصور الاحمد

الملك راؤول · #8 13/01/2008, 06:37 PM

اللي شاك في الخبر ... اقولكم الخبر موجود في الرياضية وبعدين الشغلة ما تحتاج استنتاج ...

طلبوا تقديم الموعد... وافق الوحده.... رجعوا والغوا الفكره على اساس ان المدرب رفض ....

يعني فضحوا نفسهم بنفسهم !!

RAUL 4 EVER · #9 13/01/2008, 07:51 PM

ههههههههههههههه ..

المدرب يحسب نفسه بأوربا ..

ما يدري ان عندنا الفوضى كله ..

الملك راؤول · #10 13/01/2008, 08:17 PM

صدقت يا سميي . . .

على فكره في مشرف جاي متفلسف ومغير عنوان الموضوع من راسه ...

مدري بس بديت احس ان الشغله عناد بس !!

لا ارسلوا رسالة ولا شي

و لا عقبوا حتى ...

و المنتدى مليان بمئات المواضيع المكررة اللي تحتاج واحد يضفها ولا شفنا شي ...

غرييييييييييب !!!

@الالماسه الهلاليه@ · #11 13/01/2008, 08:24 PM

مشكله اذاا كان الكلااام صحيح .!.!.!.!.!!!!!

feroo · #12 13/01/2008, 08:45 PM

الله يستر بس