تحليلي لجول الوحده وارجو الرد بعقلانيه - نادي الهلال السعودي - شبكة الزعيم

ازرق+ابيض=عشق الهلال · #1 13/01/2008, 02:21 AM

السلام عليكم يازعماء

ابدا بالموضوع الهدف الي دخل بمرمانا بوجهه نظري الغلط على تفاريس المفرج
ظن تفاريس ياخذها وابيك تركز بالجول الكره باغتت المفرج وماتوقع تفاريس يجليها
تقبلو وجهه نظري

ابومشاري الهلالي · #2 13/01/2008, 02:38 AM

اسمح لي
كأنك محلل مصري ويبرر

ازرق+ابيض=عشق الهلال · #3 13/01/2008, 02:41 AM

هههههههههه اجل مصري يعطيك العافيه وشاكرلك مرورك وهذي وجهه نظر

أبوعبـ الله ـــد · #4 13/01/2008, 02:42 AM

لابد من الاعتراف أن الخطأ كان من المفرج وهو من يتحمل الهدف .. لكن الهدف لم يكن مبرر لهجوم وتجريح بعض الجماهير في فهد المفرج .. كل انسان يخطئ .. ومشكلتنا ننظر للجانب السئ دون الجيد للاعبين ..

أرجو ألا أكون أزعجتك بردي .. وجهة نظر لك كامل الحرية في ردها أو قبولها ..

أخوك / أبوعبدالله

ازرق+ابيض=عشق الهلال · #5 13/01/2008, 02:44 AM

ولو ياابو عبدالله شاكرلك مرورك وانت عالعين والراس واكبر فخر للموضوع مرورك

زعيم شمالي · #6 13/01/2008, 02:48 AM

هلا وغلا
عشق الهلال
الخطأ واضح من المفرج
لكن الكل يخطئ
ولا يلام المرء بعد اجتهاده
والمفرج عوض الخطأ
وصلح الهدف الثالث بطريقة جميلة

تسلم أيديك

ازرق+ابيض=عشق الهلال · #7 13/01/2008, 02:51 AM

يابعد حيي ياشمالي الله يسلمك واشكرك عالمرور

منن ولارا والزعيم · #8 13/01/2008, 03:04 AM

مثل ماحنا ودنا نفوز هم ودهم بعد وهجومهم قوي غلطه وحده جابوا هدف
اي من كان هو الغلطان لودفاعنا سواليف ماكان الهلال اقل اهداف دخلت مرماه
بعدين المحياني هداف خطير وجيبوا اي دفاع بالعالم مايخطي بس المفرج صاير شماعه لكل شي

ازرق+ابيض=عشق الهلال · #9 13/01/2008, 03:10 AM

يعطيك العافيه اخوي عالمرووووووووووووووووووووووووور

AH ALHILAL · #10 13/01/2008, 03:11 AM

أنا معك أخي الكريم في وجهة نظرك
والجميع يغلط
( سيبقى فهد المفرج نجم الدفاع الهلالي)

ازرق+ابيض=عشق الهلال · #11 13/01/2008, 03:14 AM

AH ALHILAL يعطيك العافيه على المرووووووووووووووووور

زعيم آسيا الأول · #12 13/01/2008, 03:19 AM

اولا انا ماني مغصوب عليه عشان اقول معليش ماهو معصوم من الخطأ هذي كورة قدم الخانه للأفضل
ماهي وظيفه تجلس فيها الى التقاعد بصراحه نقطه تحسب على نادي الهلال نادي زعيم ونادي بطولات عنده لاعب زي المفرج يخطيء خطا فادح نقول معليش وين حنا عايشين اذا استمر المفرج اقسم بالله كارثة في كورة القدم السعوديه وش يقولون العالم عن الهلال فريق عادي بكره قدام الاتحاد يجيب العيد ونصير مسخره

يادارة الهلال وين الاحترافيه اللي تتكلمون عنها لاعب ماعنده امكانيات ويقدم مستويات مهزله تسيء لسمعة الهلال
والمشكله النادي فيه لاعيبه كفو يسدون الخانه ماهو مشكله يخطيء لاعب شباب نلتمس له العذر لكن المصيبه لاعب
يقولون خبره صحيح لاعب مجتهد لكن مايفيد الاجتهاد لو على الاجتهاد اقدر اجيب بدال الواحد مليون من جمهور اقسم بالله يحرث الملعب بس الدعوة امكانيات هي اللي تؤهل اي لاعب انه يملا الخانه والله انا اكتب من القهر
انا اشجع الهلال من عام 1412هـ لاعب مثل المفرج ماشفت اي لاعب سيء يغادر النادي وفيه اللي افضل منه !!!!
اذا استمر المفرج تتحمل المسؤؤلية الادارة والمدرب انه بصراحه بتضيع الهلال ... وشكرا

ازرق+ابيض=عشق الهلال · #13 13/01/2008, 03:36 AM

زعيم اسيا الاول اولا اشكرك عالمرور وثانيا الموضوع واضح قدامك انت داخل بشي ثاني الله يهديك

algohmani · #14 13/01/2008, 03:37 AM

وجهة نظر أحترمها ومقتنع فيها تماما

ازرق+ابيض=عشق الهلال · #15 13/01/2008, 03:39 AM

algohmani اشكرك يالغالي عالمروووووور