بسم الله الرحمن الرحيم



لفت انتباهي هذا الشعار الذي رفعه احد المشجعين النصراويين في مباراتهم مع الطائي

((برد والا حر صيف والا شتاء
حاضــــــرين حاضـــرين ..
لاننا جماهير الوفاء..))



هذا وحال النصر كذا ...

هذا والمشاكل تحيط بالنادي من كل صوب ..

لاكن مافيه شي منع الجمهور من الحظور ...وبينت النتايج ))



انا ما ادري جمهورنا وش يبي عشان يحضر ؟؟!!!...


لازم نلعب قدام الاتحاد او النصر عشان نملا المدرجات...!!

الدوري تغير يااااااااااااناس كل المباريات مهمه الحين ...


والي يقول الهلال ماينهزم الا اذا حظر الجمهور فهذا شي طبيعي فاغلب اللعيبه شباب وجمهور الزعيم يلخم الي ما يلخم فمافيه مانع نحصنهم ونحضر لحد ما يرجع الزعيم مايلعب الا بمدرجات ملياااانه ...



الي مسوي انه كافشني ويسئل ليه ما حضرت انت <<--- الي هو انا!





اقوله ياليت بس انا برا الرياض....!!

يارجال والله برددد

لو يسمحون نشب ضوو

للاسف جمهور الرياض لاتنتظرهم الا في النهائي او قبله بصراحة...
وان كان عذرهم برد ليش النصراويين يحضروا كل مباريات فريقهم كأنها نهائي (احسدهم بصراحة)
سلام الله على جمهور الشرقية المثاليين وحائل وجدة ايضا...

سلام......

من دون مجامله جمهور النصر احسن من جمهور الهلال في حضور المباريات النصر هذا الواقع

اه اه اه من جمهور الهلال

يابوي ترا المبارة بحايل وجمهور حايل مايشوف النصر الا مره باسنة علشان كذا حضرو وفوق هذا كله الملعب مو مليان ,,!!

الهلال لعب مع حايل بالبرد وتعبى الملعب ,,

والمشكلة بالرياض الجوو برد شديد ومطر ونشوف الهلال مليون مره بالسنة يا ناس شلون تبونا نحضر الواحد ببيته ومشغل الدفاية ويالله يشوف المبارة تبونه يروح الملعب ؟!!

بعدين ترا المبارة مع الوحدة يعني لاتفلونها واجد صدقوني لو النصر لعب بالرياض مايحضرون على هالجو الجمدة والمطر ..

اقوول الله يستر ما يصير مباراة اعتزال سامي كذا هههه

والله الضحك...

يبن الحلال ملين ملعب الطائي كله في اشد البروده والا ماتشوف انت الى بعين وحده


وبعدين مباره اليوم صحيح نعاتب جمهور الازرق بس كثر الله خيرهم والجايات اكثر قال ايش قال جمهور الوفاء ريح بس

إقتباس الرسالة الأصلية كتبت بواسطة ن ا ر ...009 يارجال والله برددد لو يسمحون نشب ضوو

خخخخخخخخخخخخخخخخخخخخ

صدقت خلهم يسمحووون وابشر هههههههههههههههههههههه

اذا حضر 50 الف في كل مباراه صار الملعب ناااار..... ااه بس يالرياض اوريك انا وعيالي مشخصين من العصر

وبعدين ثلاث ارباع الشباب تلقاهم يدوجون بكل محل وشوارع الرياض مليانه ...

الجايات ان شاء الله يكون الجمهور حاضر

اه اه اه من جمهور الهلال

اول شي اخوي مباراة النصر كانت في حايل ويم الزعيم كان في حايل
التذاكر مخلصه قبل يوم يعني بيضو الوجه لكن مباراة الزعيم في رياض اليوم وتوقيت غلط في غلط
لو جمهور النصر الي انت قاعد تتغنى فيه لو لعب اليوم في الرياض ماجو كثر جمهور الزعيم اليوم

إقتباس يابوي ترا المبارة بحايل وجمهور حايل مايشوف النصر الا مره باسنة علشان كذا حضرو وفوق هذا كله الملعب مو مليان ,,!! الهلال لعب مع حايل بالبرد وتعبى الملعب ,, والمشكلة بالرياض الجوو برد شديد ومطر ونشوف الهلال مليون مره بالسنة يا ناس شلون تبونا نحضر الواحد ببيته ومشغل الدفاية ويالله يشوف المبارة تبونه يروح الملعب ؟!! بعدين ترا المبارة مع الوحدة يعني لاتفلونها واجد صدقوني لو النصر لعب بالرياض مايحضرون على هالجو الجمدة والمطر

بيض الله وجهك

الصراحه جمهور النصر وفي من جد مو جمهورنا مايجي لان برد اجل اليوم هاذا جمهور والله ياليت المباره في الاحاسء