12/01/2008, 10:50 PM
|
| زعيــم متواصــل | | تاريخ التسجيل: 07/05/2007 المكان: في بيتنا؟؟
مشاركات: 165
| |
 | إقتباس |  | | |  |
الرسالة الأصلية كتبت بواسطة مغـاط |  | | | | | | | | | هههههه وراك مستغرب كنها أول مرة تحصل ؟!
اذا مباريات المنتخب والعالم يدينها على قلبها .. وهم جايبين لك (ذاك الزيدي الاقزم اللي لابس سديرية ) ويسولف عليهم ويسفلّ بهم !! لعنبو غيرك وش ترجي من قناة مالها برنامج (نقدر تحترمه) !! خبط لزق !! وعلى عما امها .. كل العالم تطورا وصاروا يجيبون اشياء جديدة وافكار جديدة !!
وهم الى ساعك : ( من تتوقع يفوز ) !! (واخبار الصحف اذا جو يصكون) !!
لا وبرنامجهم هاللي قاط فيه تسعين مذيع (( ساعة مع !! ))
مرة الشمراني مرة القحطاني مرة الزيد مرة (سعد جمعة) !! لعنبوهم (قطة هو ) ؟!
ولا تستغربون يا جماعة الحلقة الجاية يقدمها (حسن كراني) ذاك اللي يقول العظمى طلاطا وطلاطين ..
والله تبي صحتك تضبط .. انصحك نصيحتين كانك تدخن اترك الدخان !!
وكانك تناظر القناة الرياضة (هونّ لا عاد تشوفها ) !! وان ما ضبطت صحتك وغدت زي (البم) فأنا ما افهم !!
المملكة عدد سكانها اكثر من 24 مليون نسمة !! ما فيها كفاءات ادارية (تدير) هالقناة !! معقولة؟!
مسلمه زمام الامور (لمطافيق) همهم !! غترة بسام ملعوب ابوها (مريتو)!! وثوب قماش صح !! وكبك وغالوقة وترزز وسعة صدر !!
لكن مضمون انس !! والله ما اشوف في هالقناة احد فاتح العين !! منول اقدر اقول (بتال القوس ) والمطيويع بالرغم من المطيويع الله يهديه بعض المرات يبدّع وبعض المرات يخور ويقعد يصارخ ودك تدق عليه تقول له : اركد !! مقروص انت ؟!
والا من نرجي منه خير ؟؟
- بدر الفرهود : هاللي ما استبعد الحلقة الجاية يطلع حاط كعكع و حاط شباصات و ( اي شادو ) !!
والا الهويمل حق صافرة : ذاك اللي ( ينود في البرنامج ) .. وكل شوي ينغزه (الزيد) ويقول الا : تسلل صحيح !!
والا السعيد : اللي كن واحد (مكوش) عليه ببلوت (ومعه اربع مية ) ولا حسبوها !! اربع وعشرين ساعة معصب !! سواءا المنتخب متأهل والا جايب بطولة والا فيه حداد !! تعابير وجهه وحده بس براطمه يتحركن !!
و الله القناة الرياضية يبي لها !! ( رجااااال) تجلس !! وتخطط وتفكر صح !! تطلع منهم كل سنة فكرة !! لكن ( تطبيقها ) كنه وجههم !! حتى الضيوف اللي يجيبونهم ( ماش ) يجيبون (اللحمية) !!
لعنبوكم ذا استديو !! ومباراة الطائرة يحللونها في هالاستديو !! والقدم والسباحة والخيول !! والمصارعة !! والصم والبكم يوم ياخذون كاس العالم !! والقوى صافين كل لاعبين التتابع واللي ماله محل قايلين لخويه (افحز) له الضيق في القبر !! قسم بالله قناة بربسة في بربسة !! يبي لها وقفة جامدة من قلب !! تعيد هيكلتها وترسم برامج وخطط واضحة .. عشان ترجع ثقتنا في القناة !! والله ما ضنيت ترجع بالساهل مدام (الفرهود) موجود هو وخدوده هاللي مابقى الا (يسوي عملية تفخ شفايف) .. | |  | |  | | هههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ههههههههه((واللـــــــــه أني صادق ماضحكت من قلب اليوم إلايوم قريت مشاركتك)))ههههههه
بالأخص توصيفك ((( بدر الفرهود ))) (((والســعيــــــــد ))))ودي أضحك أكتب ههههه وألاخلاص
ههههههههههههههههههههههههههههههههههههههههههههههههههههههههههههههههههههه |
الوضع العادي
