صبحكم مساكم بالخير ... حسب توقيتك المحلي ... لقراءة الموضوع ...

أولا أبسرد عليكم قصة أثنين سافرو للكويت ...

واحد منهم قال لصاحبة :- تراني أتكلم لهجة أهل الكويت ...ولا تتكلم أنت خلني أنا الى أكلمهم وأطلب الطلبات ... زين .

قال الثاني :- تـــم ... ومن الآن سكرنا الفم ... ( و بمعنى أخر قـفـلـنــا البراتـــم )

المهم راحوا لمحل الفاكهة ... وصار الشيخ...

يقول :- يب هذا ... ويب هذا ... ويب لي يـحـــــة ...؟
معنى يحة ... ( حبحب ... بطيخ ... رقـيـة ... جـحـه )

رد عليه البائع :- ما عندنا يــحــــة .

قال :- هذي ( وأشــر بــيــده عــلــيــهــا ).

طالع البائع للمكان الى يشر عليه
وقال :-هـــذي رقــيـة يـبــه مـــوب ( يـــحـــــه ).

،،،،،،،،،،،،،،،،،،،،،

السالفة هذي خلتني أسأل نفسي وشلون تغير حرف الجـيـم إلى يــا ...

يعني تقول له أكتب ... رجــــال ... يكتبها صـــح

وتقول له أنطقها ...
قال :- ريـــــا ل .

طيب قـل :- سـمـيــر جــعــجــع
قال :- سـمـيــر يـــع يـــع .

ــــــــــــــــــــــــــــــــــــــــــــــــــــــــــــ

ما نلوم ها الجيل ولا الى قبله لأنهم أخذوها عن طريق الفطرة ...
لكن برضه سؤال يطرح نفسه من وين جاءت أصلآ هــ التغييرات ...؟

والغريبة ليس هنا ... بل هو بتبديل المسميات العربية وتحويلها الى أجنبية منها
( شــقـــر( ســكــر ) – قـلاص ( كــأس ) ...

وما خفي أعظم .

،،،،،،،،،،،،،،،،،،،،،،

المهم ما علينا هذي لهجتهم ومبسوطين عليها ... وهم بعد ... لها نغمة حلوة على لسانهم .

المقصد هــنـــا ... هو بعض جــــيـــــلـــنـــــا ... جـــيـــل الـــقـــــواطـــــي
( مــا فـيـه ولا واحد منهم الا مـر عليه حليب نيدو – سيرلاك – أو أي نوع من أنواع الـقـواطــي اللي مليانه بالصيدليات – والبقالات )
تــرجــمــة معنى قـوطــي لبعض ها الجيل الحالي ( عـــلــــبــــة )

و بعض شباب الجبل الحالي الموجود عندنا ... يا سلام ما غير شـعـــر نازل للخصر تقول بـنــت ... وما يسلم عليك ألا بــ هـــــــاي ... و... بــــــــــاي

وإذا تكلم لازم يدخل كلمة أوكــــــــــــــــاي ...

وموسيـقـى بسيارته... تفقع طبلة أذنك وأنت على بعد كـيـــلــو .

حسبي الله عليه ها التطور خرب عيالنا ... الجيل القادم بينسى ( السلام عليكم ) ...

لا حول ولا قوة ألا بالله العلي العظيم .

وش دخله التطور ... لا ... أبد هذي والله عقولهم اللى يبيلها تربية أبائنا وأجدادنا ... وأنتم أدرى .

هذا بالله عليكم وشلون بيتحمل مسؤولية ... وألا بيفتح بيت ( زوجة وعيال ) ... ما فيه لا أمــل ولا حـصـيـصــة .

وفي ها الحالة ما ني مستغرب لو أن البنت هي الى تخطب الشاب وتفتح البيت ... وتصرف عليه ... وهو اللي يربي العـيــــال .

هذا اللي ناقص ... الله يخلف علينا بس... ببعض شباب ها الجيل ...

( أنا قلت بعض ... لا يجيني واحد زاحف ...ثمنا أكـويــه على جــنـــوبـــــــه ).

طيب الجيل الى بعدة ... والى بعده ...

رح يتداولون ها التعديل بلهجتنا ...وبيكون بعض شباب ها الجيل هو السبب ...

حسبنا الله ونعم الوكيل