مساء الخيرات لجميع الشيون فقط ويستثنى جاج لان فيه شبه من توم كروز وهو توه صاحى من النوم

انا عندى سؤال محيرنى حيره تحور فى تسبدى وتتحور الى محور قضيه <<< فالك المليون

امس القريب مهوب امس البعيد جالس اتقهوى شاهى ويطق جررس الباب تررررررررن ترررررن

<<< شوى الا طاااااخ طاااااخ يعنى افتح الباب بالقوه والله اللزقه انا مانى متعود اعزم احد

وافتح الباب الا هذا شيخى الجليل( عبدالله خيرالله هلا والله ) رحمه الله وغفرله وسدد خطاه ونصره

على اعدائه <<< وش لون ينصره على اعدائه وهو ميت دخل المجلس وطبعا مافيه الا بياله وحده

اللى انا قاعد اشرب فيها والله اللى ماجبت له بياله ثانيه مهبول والله ان يشفط شاهى وبعدين هو

ماعنده ضروس يعنى البيالتين فى نفس واحد وبعدين هذا ماخذ ميداليه كضفدع بشرى قد افطر برمضان

فى مسجد ومن زود شفاحته يوم شاف اللى يفطرون واجد مسك الجيك اول واحد و ذب خشته فى جيك

توت وماتسمع الا قر قر قر وبنفس واحد شفط التوت حتى جنبه واحد يقول له ياعم ياحق بلاش تجغم

سيب لنا حته!! جلس وهو يناظرنى وقلبه يتحسريبى شاهى وانا خارج التغطيه وقعدت اقلب هالدش

انواع الطناش منيب صاب له وكل شوى يكح ويعطس يبين اجيب له مويه الا ويجى خبر عن امريكا

ويجى فى بالى سؤال ليش يسمون البيت الابيض بهالاسم فقلت خلنى اسأل هاللى جنبى فقال اعلم جزاك

الله كل خير بأنهم اطلقو عليه هذا الاسم لانه قبل حوال 300 سنه اقترب كوكب زحل الى الارض بما

يقارب فركه كعب <<<<<< يازين المثقف ومن ثم حدث فيضان جعل الماء يقف على قدميه وقد رئيت

بأم عينى ثلاث سمكات وهم يتشهدون بعد ان خرجو من الماء شوى الا ويكح كح كح ابوالذهب الا

تعطينى رشفه من الشاهى قلت اقول كمل وقعد يكمل يقول بعد هذا الفيضان الهائل قام الامريكان وادو

صلاه الاستسقاء <<<< من الروعه ماعاد يدرون وش يسون

قلت طيب وانت وين كنت قال لقد كنت منسدحن فى جناحى فى الفور سيزون <<<< قام ينصب

ابوالذهب اليس هذا بوقت الغدا؟؟ قلت اقول كمل غدا العصر سلامات

قال اه الحمد لله اننى صائم <<< قطع الامل هالحبيب

وتوه بيكمل قال الا تعلم اننى قادم من السفر وليس على صيام <<< والله بتلمح الين تدوخ

مافيه شى طيب ماقلت لى ليش مسمينه بهالاسم قال اه هل شطحت عن صلب الموضوع << يارجال انت

شاطح من جابتك امك ياخوى امك فاطمتك فى ثلاث ايام واليوم الرابع دابغ مرقوق وبعد شهر انسجنت

بقضيه تهريب <<< عيال اول يكبرون بسرعه

فرد على اعلم رحمك الله ان هذا اللون لايستطعون تغيره توه بيكمل وانا ارد عليه قلت يعنى لو رحت

لامريكا اسهل عنوان اسكن فيه جنب البيت الابيض طيب افرض مسكت مع بوش وغير اللون

اضيع بامريكا انت وجهك

قال لاتخف فلا يستطيع بوش تغير اللون اتعلم لماذا قلت لو اعلم ماسالتك يالاشهب قال قبل ان اقول لك

الم يؤذن المغرب قلت خلصو صلاه عشاء قال الحمد لله ها قد جاء وقت العشاء <<< انا لله والله

البلشه المشكله متعود مااجيب الا خبزتين وحنا 8 اشخاص كل اربعه بنص خبزه والخبزه الثانيه تكفيهم

فطور وهذا بيغير التخطيط اقول الأهل خمدو ونامو قال لامشكله توه بيكمل موضوعه الا وقال اه اليس

حول منزلكم مطعم مثلوثه او فوال ياخى انت نكبه ان وديتك مثلوثه بتكب على الاكل مويه عشان تقدر

تبلعه وان وديتك فوال بتشغل التقطير بتحط هالخبز بالشاهى وتقعد تقطره بفمك قلت المطاعم قفلت الله

يجزاك خير الحين الساعه 12 <<< الله يستر لايقول اليس بجنبكم وجبات سريعه

قال خيرا ان شاء الله

ولكن ابوالذهب قد جف حلقى وارتعدت عظامى وياخوفى ان افطس عندك بصراحه حنيت عليه قلت وش

تبى قال ابى ماء زلال قلت قم وانا اخذه للمغسله واحط يدى فى المويه واشربه واصك المويه مانى

فاضى تجينى فاتوره اقعد احوس بهالشوارع محد يعطين وجه قال لم ارتوى قلت جعلك ماارتويت

بتجاوبنى عن سؤال ولا لا قال حسنا ولكن ماكان سؤالك انا لله والله الحقنه قلت ياخوى سؤالى ليش؟؟

قل اه لقد تذكرت عن البيت الابيض اولا لان هذا يعتبر رمز السلام << امحق سلام ولكن الاهم من

هذا ان بوش طفران هذه الايام وكذلك لايستطيع اخذ اى قرض لانه سبق وان اخذ قرض من الراجحى

<<<< اقول انطم شوى وتقول بوش ماخذها وداخل فيها سوق الاسهم

اخى ابوالذهب غدا يوم الاثنين وقد نويت الصيام غدا <<< ايه يبى سحور قلت اسمع جزاك الله خيرا

فيه مسجد فى البديعه عندهم سحور بس دق سلف الحين عساك تلحق الساعه 2 وانا عندى دوام بكره



والصباح وصلت الدوام متاخر ويمسكنى واحد قال الله يعينك المدير يدورعليك قلت ماعليك هذا حبيب

قلبى قال تبى ادخل معك اترجم لك قلت لاتخاف تونى ماخذ دوره اسبوعين طبعا مديرنا انجليزى وانا

ادخل عليه هاى<<<< ياعمرى على الانجليزى وانا اطلع صوره ولدى قلت له ذس از ماى ورع فيه

امس حراره سيم سيم بريق شاهى يسوى صصصصصصصصص بعدين صديق انا جيب خرقه حط شوى

ثلج معلوم انت ثلج سيم انت يحط ليله خميس معلوم صديق بعدين حراره سوى تششششششششششش

عشان كذا امس انا فيه تعبان صباح فيه اخ اخ اخ نوم فيه معلوم قال فيه معلوم بس هذا الانذار حطه

بملفك

كله منك ياللى فى بالى

BOY NJD
ياهلا ومسهلا