|
تعلم اللهجة القصيميه اللهجة القصيمية لغير الناطقين بها .. !! ملاحظة : ﴿﴿حرف الكاف في الكلمات يقلب الى ت+س مثال كيف سوف تكتب تسيف, اما القاف فتقلب الى د+ز مثال بريق سوف تكتب بريدز.﴾﴾ إنفهدز: وتعني ابتعد قليلا وتأتي بمعنى إفحز اي وسّع يقال محمد انفهدز او افحز لاخته بمعنى اتاح لها مكانا للجلوس في حال كان المكان ضيقا, اندزلع: أي ابتعد ولكنها اسلوب غير حضاري وهي تختلف عن إنفهدز.. يقال اندزلع يامحمد أي اخرج وتعني الطرد وهي مفرد اندزلعوا التي تقال للجمع من البزران او غيرهم. دووتس: وتعني خوذي وهي للمرأة دون الرجل حيث يقال للرجل دوك أي خذ . إيت: تعال . دلّى :صار ومثالها ﴿اذا دلى/صار عبدالله يناظر الحريم فاعرف انه قد بلغ﴾ حزه: وقت ومثالها حزة المغرب أي وقت المغرب. تعقب: تتسذب/او تكذب. دي : لملاعبة الاطفال .. يعني تغطي وجهك عنه وتفتحه بسرعة وتقول : ديييييي سادّه: احسن وهي الفرح بحصول مكروه للشخص.وفي المثل الشعبي ﴿سادة مصيرة والعبد قصيره﴾. إكتلوه : اضربه بقوه ولا تأخذك فيه إلا ولا ذمة. هماه: هل فهمت؟ وهي تأكيدية . مسط: سقط بدون ارادته. زلق: اختل توازنه وسقط نتيجة وجود بلل في الارض حينما تكون ملساء. تكانه: أي ثقيل العقل او رجل يقال خالد تكانه بمعنى رجل يمكن الاعتماد عليه . دهدره: ( صفه لواحد بالي في الشرقـــــ .... ).هههههههه خاصصصصه عكس تكانه أي ان الرجل لايمكن الاعتماد عليه مطلقا . زتّـه: أي دفعه يقال احمد زت سليم أي دفعه وابعده. المارج: من يحب الحديث عن الجنس أمام البنات دون تحفظ .. زي كارادوفان يومه صغير فلقه: شج رأسه دزه: دفعه بقوة بــ هواوه: على كيفه ولا يناقشه أحد مقرود: يحب أن يعرف كل شي نحته: أصابه بالعين قرمبع: سيارة قديمة يكوح : ويقال يكثح او يتسثح ... اي ينتثر .. كثح الرمل اي نثره ووزعه ... ويقال للصابون البودرة ( كثح ) اي قابل للنثر . يلفز: يدس ويخبيء في مكان غير ملاحظ . يتنا : ينتظر يتنيوط : يتناول او يمتد للوصول لشيء يتدودل : يتدلى يمزر : يسحب بقوة يمطرس : يحوس ... مطرس البزر على الاكل اذا بدا يعبث بالسفرة يويدز ( يويق ): ينظر خلسه. يباري الساس: يمشي بمحاذاة الجدار - يدور الظلال أو يتغبى عن أحد. يتطنز- يطنز:يستهزيء. قوه ((GO:هيا بنا ، مشينا - يبدو أنها كلمه أخذها الناس بنجد من موظفي أرامكو الأمريكان . يهوجس: يفكر زمل: خائف من نتائج شيء ما , اي شايل هم غديه – كوده: أي لعله. مير: كلمة وصل لاداعي لوجوده أحيانا ، وتعني ايضاً لكن . نيم: نائم. حول: إنزل . شنق: جهه ، طرف. هماه: أليس كذلك . تهقى – هقوتي: ظني ، أغلب الظن . بوه: فيه ، موجود . طس – فاردز: إنقلع - تقال لطرد شخص ما. حست مريري - حست تسبدي: أي عكرت مزاجي . وراه: ليه ؟ مصع: شد ، فتق . واخزياه – واعيباه: ياللعيب والخزي ادَّهر: وتعني ان الشخص او الشئ بدأ في العمل بعد معاناة في تشغيله. رقلة: كلمة تطلق على الشخص خفيف العقل يقال سعد رقله أي ما عندك احد وبالامكان الضحك عليه. زقلبّة: الزقلبة في اللغة هي تدوير الشي يقال الخباز زقلب العجينة بمعنى اتاها من كل جانب حتى تكون مستديرة. والزّقلبّه هي المرأة الدبية مذكرها مزقلب . .. <!-- / message --> |
كفو و الله و الله لا يرحمنا من القصمان |
والله كلام القصمان يعجبني ,, وخاصة كلمه " وراه " :D مشكور اخوي ع الموضوع ورده |
هههههههههههههههههههه يخووك القصمان عجيبين بيهم كل الصفات |
يالبى القصمان واهل القصيم والله s60s s60ss60s |
على إني مو قصيمي :d لكن فيه كلمه مالأمها دخل باللغه العربيه :d زوميّه = بمعنى شيليه :d القصمان يا حبي لهم بس لو يتركون عنهم الحسد :d :d <--- صريح وبينجلد ( لكنه يقوله رأيه دائما ) من قوه الحسد اللي فيهم قاموا يحسدون بعضهم :d |
اول شي يلبى قلب القصمان :smilie47::smilie47: وه بس :d ثااني شي والله هذي مهوب لهجة هذي لغة :d والله بعض الاحيان الي معي بالقااعه يقولون كلمات مانفهمها :d احسهم هنوود يسولفون بالذات الي يقعدوون مع شيباانهم :d تشووفه متمكن من اللغه :d وصرااحه لغتكم ماحبها :razz: ومابي اتعلمها :d الله يعطيك العاافيه اخوي ع الموضوع القصمنجي :d |
لا كويس كلامنا مفهوم ياعمي .. ايش الشعوذة ذي ههههههه .. تحياتي لكل قصيمي .. وزعيم على وجه الخصوص .. :) |
لببببي قلبببببببك يا ريري والقصيميات كل ابوهـن:smilie47: ياحبنيلتس ياريري:smilie47: بس وين اهم كلمة (تسيف تسطي):d (ودحدوح):d اللي بمعنى دهدره:razz: تراني اخذ دورات باللهجه :bigeek::d |
احلى شي تسيف الحال ..:smilie47: ماشاء الله هذي مصطلح لغووي مش لهجة خخخخخخخخ:surprised::surprised: مواصل << حسسسد هااا يويلك من القصمان هنا خخخخخخ:d:d الزير موضووعك حلوووووووووووو كتيير كتيييير ...:smilie47::smilie47: |
إقتباس:
وينهوبه العصى نجلده ذا :d الحسد موجود بكل ديره وبكل قبيلة لو تسأل تجد فيه فخذ من كل قبيله مشهور بالعين بدون ذكر اسماء ولكن انا مالاحظت بالقصيم الكلام اللي قلته والحسد يمحق الرزق والحمدلله ان اكبر واكثر التجار المملكة مثل الراجحي والعثيم وغيرهم كثير من القصيم تحياتي لك وشاكر مرورك العطر |
إقتباس:
لا كويس خلك على لهجتك الكويسه :d تحياتي لك |
إقتباس:
يلبى قلبك هامور :smilie47: وشاكر مرورك وتعطيرك لموضوعي اما تشبهنا بالهنود قوية :bigeek: ولكن حنا يالقصمان قلوبنا:smilie47: طيبة ونسامح وانت حر تتعلمها والا لا ولكن على الاقل تعرف وش يقولون زملائك بالقاعة لا يصير يحشون بك :gatheringوانت ما تدري :d من تعلم لغة قوم امن مكرهم :yes: والله يعافيك ومرة ثانية شاكــــــــــــر مــــــــرورك العطــــــــــــــــــــر ورده |
السلام عليكم واضح من يوزري إني منيب قصيمي :d وبقوة بعد :d لكن حبيت أقول .. إن كل بلد عموماً له لهجة وكل بلد فيه أكثر من لهجه .. وكل لهجه لها كلمات تختلف عن كلمات أخرى وتعني نفس الكلمات السابقة << فهمتوا شيء :d لكن حبيت اسأل عن كلمه .. اشغلونا فيها بعض الناس سير سكو دندس .. تراها كلمة وحدة :d |
إقتباس:
قال الشاعر القصمنجي <<<<< نصاب هو مولفها تسيف يسطي قلبك على هجري واذا فكرت بانساك تراك دحدوح:d شاكـــــــــــــر مــــــــــــــرورك العطـــــــــــــــرورده وباقي هالجملة الشهيرة كود اندس حدر السي اشوف به سير والا لا :d الترجمة كود = لازم اندس = النزول والدخول لشيء ومنها الكلمة المشهورة بالمنتدى مندس لمن يدخل وهو من غير نادي الهلا ل حدر = تحت السي = السدرك تدلع بالسابق بالسي هع:razz: به = فيه سير = سير الدينموا للسيارات تحياتي لك s13s |
| الوقت المعتمد في المنتدى بتوقيت جرينتش +3.
الوقت الان » 01:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd