#1  
قديم 07/01/2008, 03:15 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
تعلم اللهجة القصيميه

اللهجة القصيمية لغير الناطقين بها .. !!

ملاحظة :
﴿﴿حرف الكاف في الكلمات يقلب الى ت+س مثال كيف سوف تكتب تسيف, اما القاف فتقلب الى د+ز مثال بريق سوف تكتب بريدز.﴾﴾

إنفهدز: وتعني ابتعد قليلا وتأتي بمعنى إفحز اي وسّع يقال محمد انفهدز او افحز لاخته بمعنى اتاح لها مكانا للجلوس في حال كان المكان ضيقا,

اندزلع: أي ابتعد ولكنها اسلوب غير حضاري وهي تختلف عن إنفهدز.. يقال اندزلع يامحمد أي اخرج وتعني الطرد وهي مفرد اندزلعوا التي تقال للجمع من البزران او غيرهم.

دووتس: وتعني خوذي وهي للمرأة دون الرجل حيث يقال للرجل دوك أي خذ .

إيت: تعال .

دلّى :صار ومثالها ﴿اذا دلى/صار عبدالله يناظر الحريم فاعرف انه قد بلغ﴾

حزه: وقت ومثالها حزة المغرب أي وقت المغرب.

تعقب: تتسذب/او تكذب.

دي : لملاعبة الاطفال .. يعني تغطي وجهك عنه وتفتحه بسرعة وتقول : ديييييي

سادّه: احسن وهي الفرح بحصول مكروه للشخص.وفي المثل الشعبي ﴿سادة مصيرة والعبد قصيره﴾.

إكتلوه : اضربه بقوه ولا تأخذك فيه إلا ولا ذمة.

هماه: هل فهمت؟ وهي تأكيدية .

مسط: سقط بدون ارادته.

زلق: اختل توازنه وسقط نتيجة وجود بلل في الارض حينما تكون ملساء.

تكانه: أي ثقيل العقل او رجل يقال خالد تكانه بمعنى رجل يمكن الاعتماد عليه .

دهدره: ( صفه لواحد بالي في الشرقـــــ .... ).هههههههه خاصصصصه
عكس تكانه أي ان الرجل لايمكن الاعتماد عليه مطلقا .

زتّـه: أي دفعه يقال احمد زت سليم أي دفعه وابعده.
المارج: من يحب الحديث عن الجنس أمام البنات دون تحفظ .. زي كارادوفان يومه صغير

فلقه: شج رأسه

دزه: دفعه بقوة

بــ هواوه: على كيفه ولا يناقشه أحد

مقرود: يحب أن يعرف كل شي

نحته: أصابه بالعين

قرمبع: سيارة قديمة

يكوح : ويقال يكثح او يتسثح ... اي ينتثر .. كثح الرمل اي نثره ووزعه ... ويقال للصابون البودرة ( كثح ) اي قابل للنثر .

يلفز: يدس ويخبيء في مكان غير ملاحظ .

يتنا : ينتظر

يتنيوط : يتناول او يمتد للوصول لشيء

يتدودل : يتدلى

يمزر : يسحب بقوة

يمطرس : يحوس ... مطرس البزر على الاكل اذا بدا يعبث بالسفرة

يويدز ( يويق ): ينظر خلسه.

يباري الساس: يمشي بمحاذاة الجدار - يدور الظلال أو يتغبى عن أحد.

يتطنز- يطنز:يستهزيء.

قوه ((GO:هيا بنا ، مشينا - يبدو أنها كلمه أخذها الناس بنجد من موظفي أرامكو الأمريكان .

يهوجس: يفكر

زمل: خائف من نتائج شيء ما , اي شايل هم

غديه – كوده: أي لعله.

مير: كلمة وصل لاداعي لوجوده أحيانا ، وتعني ايضاً لكن .

نيم: نائم.

حول: إنزل .

شنق: جهه ، طرف.

هماه: أليس كذلك .

تهقى – هقوتي: ظني ، أغلب الظن .

بوه: فيه ، موجود .

طس – فاردز: إنقلع - تقال لطرد شخص ما.

حست مريري - حست تسبدي: أي عكرت مزاجي .
وراه: ليه ؟

مصع: شد ، فتق .

واخزياه – واعيباه: ياللعيب والخزي

ادَّهر: وتعني ان الشخص او الشئ بدأ في العمل بعد معاناة في تشغيله.

رقلة: كلمة تطلق على الشخص خفيف العقل يقال سعد رقله أي ما عندك احد وبالامكان الضحك عليه.

زقلبّة: الزقلبة في اللغة هي تدوير الشي يقال الخباز زقلب العجينة بمعنى اتاها من كل جانب حتى تكون مستديرة.
والزّقلبّه هي المرأة الدبية مذكرها مزقلب .
..

<!-- / message -->
اضافة رد مع اقتباس
  #2  
قديم 07/01/2008, 03:29 PM
موقوف
تاريخ التسجيل: 12/04/2007
المكان: المجلس العام
مشاركات: 11,440
كفو و الله

و الله لا يرحمنا من القصمان
اضافة رد مع اقتباس
  #3  
قديم 07/01/2008, 03:32 PM
موقوف
تاريخ التسجيل: 28/04/2007
المكان: الشـــرقيــه
مشاركات: 909
والله كلام القصمان يعجبني ,,


وخاصة كلمه " وراه "


مشكور اخوي ع الموضوع


ورده
اضافة رد مع اقتباس
  #4  
قديم 07/01/2008, 03:42 PM
زعيــم مميــز
تاريخ التسجيل: 06/11/2004
المكان: بني تميم
مشاركات: 2,829
هههههههههههههههههههه يخووك القصمان عجيبين بيهم كل الصفات
اضافة رد مع اقتباس
  #5  
قديم 07/01/2008, 03:59 PM
زعيــم فعــال
تاريخ التسجيل: 16/12/2006
المكان: هنا وهناك
مشاركات: 397
يالبى القصمان واهل القصيم والله


اضافة رد مع اقتباس
  #6  
قديم 07/01/2008, 04:05 PM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,823
على إني مو قصيمي

لكن فيه كلمه مالأمها دخل باللغه العربيه

زوميّه = بمعنى شيليه

القصمان يا حبي لهم بس لو يتركون عنهم الحسد
<--- صريح وبينجلد ( لكنه يقوله رأيه دائما )
من قوه الحسد اللي فيهم قاموا يحسدون بعضهم
اضافة رد مع اقتباس
  #7  
قديم 07/01/2008, 04:21 PM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
اول شي يلبى قلب القصمان وه بس

ثااني شي والله هذي مهوب لهجة هذي لغة والله بعض الاحيان

الي معي بالقااعه يقولون كلمات مانفهمها احسهم هنوود يسولفون بالذات

الي يقعدوون مع شيباانهم تشووفه متمكن من اللغه وصرااحه لغتكم ماحبها

ومابي اتعلمها الله يعطيك العاافيه اخوي ع الموضوع القصمنجي
اضافة رد مع اقتباس
  #8  
قديم 07/01/2008, 04:27 PM
الصورة الرمزية الخاصة بـ قشطة التاج
زعيــم متألــق
تاريخ التسجيل: 21/03/2005
المكان: الخبر <3
مشاركات: 1,195
لا كويس كلامنا مفهوم ياعمي .. ايش الشعوذة ذي ههههههه
..
تحياتي لكل قصيمي .. وزعيم على وجه الخصوص ..
اضافة رد مع اقتباس
  #9  
قديم 07/01/2008, 04:48 PM
زعيــم مميــز
تاريخ التسجيل: 31/03/2005
المكان: جـدة
مشاركات: 3,632
لببببي قلبببببببك يا ريري والقصيميات كل ابوهـن

ياحبنيلتس ياريري

بس وين اهم كلمة (تسيف تسطي) (ودحدوح) اللي بمعنى دهدره


تراني اخذ دورات باللهجه
اضافة رد مع اقتباس
  #10  
قديم 07/01/2008, 04:56 PM
زعيــم مميــز
تاريخ التسجيل: 31/07/2007
المكان: الشرقية
مشاركات: 5,433
احلى شي تسيف الحال ..

ماشاء الله هذي مصطلح لغووي مش لهجة خخخخخخخخ

مواصل << حسسسد هااا يويلك من القصمان هنا خخخخخخ

الزير موضووعك حلوووووووووووو كتيير كتيييير ...
اضافة رد مع اقتباس
  #11  
قديم 07/01/2008, 05:28 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
إقتباس
الرسالة الأصلية كتبت بواسطة مواصل من عام 1413هـ
على إني مو قصيمي

لكن فيه كلمه مالأمها دخل باللغه العربيه

زوميّه = بمعنى شيليه

القصمان يا حبي لهم بس لو يتركون عنهم الحسد
<--- صريح وبينجلد ( لكنه يقوله رأيه دائما )
من قوه الحسد اللي فيهم قاموا يحسدون بعضهم

وينهوبه العصى نجلده ذا
الحسد موجود بكل ديره
وبكل قبيلة لو تسأل تجد فيه فخذ من كل قبيله مشهور بالعين بدون ذكر اسماء
ولكن انا مالاحظت بالقصيم الكلام اللي قلته والحسد يمحق الرزق والحمدلله ان اكبر واكثر التجار المملكة مثل الراجحي والعثيم وغيرهم كثير من القصيم
تحياتي لك وشاكر مرورك العطر
اضافة رد مع اقتباس
  #12  
قديم 07/01/2008, 05:31 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
إقتباس
الرسالة الأصلية كتبت بواسطة قشطة التاج
لا كويس كلامنا مفهوم ياعمي .. ايش الشعوذة ذي ههههههه
..
تحياتي لكل قصيمي .. وزعيم على وجه الخصوص ..

لا كويس خلك على لهجتك الكويسه
تحياتي لك
اضافة رد مع اقتباس
  #13  
قديم 07/01/2008, 05:39 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
إقتباس
الرسالة الأصلية كتبت بواسطة هامور البورصه
اول شي يلبى قلب القصمان وه بس

ثااني شي والله هذي مهوب لهجة هذي لغة والله بعض الاحيان

الي معي بالقااعه يقولون كلمات مانفهمها احسهم هنوود يسولفون بالذات

الي يقعدوون مع شيباانهم تشووفه متمكن من اللغه وصرااحه لغتكم ماحبها

ومابي اتعلمها الله يعطيك العاافيه اخوي ع الموضوع القصمنجي

يلبى قلبك هامور
وشاكر مرورك وتعطيرك لموضوعي
اما تشبهنا بالهنود قوية
ولكن حنا يالقصمان قلوبنا طيبة ونسامح
وانت حر تتعلمها والا لا ولكن على الاقل تعرف وش يقولون زملائك بالقاعة لا يصير يحشون بك وانت ما تدري
من تعلم لغة قوم امن مكرهم
والله يعافيك ومرة ثانية شاكــــــــــــر مــــــــرورك العطــــــــــــــــــــر ورده
اضافة رد مع اقتباس
  #14  
قديم 07/01/2008, 05:51 PM
الصورة الرمزية الخاصة بـ أبــو غــامــد
عضو استشاري بمنتدى الرياضة العالمية
تاريخ التسجيل: 07/07/2005
المكان: هلالـــ الجنوب ـــي
مشاركات: 4,207
السلام عليكم


واضح من يوزري إني منيب قصيمي وبقوة بعد


لكن حبيت أقول .. إن كل بلد عموماً له لهجة وكل بلد فيه أكثر من لهجه .. وكل لهجه لها كلمات تختلف عن كلمات أخرى وتعني نفس الكلمات السابقة << فهمتوا شيء

لكن حبيت اسأل عن كلمه .. اشغلونا فيها بعض الناس


سير سكو دندس .. تراها كلمة وحدة
اضافة رد مع اقتباس
  #15  
قديم 07/01/2008, 05:52 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
إقتباس
الرسالة الأصلية كتبت بواسطة عاشقة الزعيم15
لببببي قلبببببببك يا ريري والقصيميات كل ابوهـن

ياحبنيلتس ياريري

بس وين اهم كلمة (تسيف تسطي) (ودحدوح) اللي بمعنى دهدره


تراني اخذ دورات باللهجه

قال الشاعر القصمنجي <<<<< نصاب هو مولفها

تسيف يسطي قلبك على هجري واذا فكرت بانساك تراك دحدوح
شاكـــــــــــــر مــــــــــــــرورك العطـــــــــــــــرورده
وباقي هالجملة الشهيرة كود اندس حدر السي اشوف به سير والا لا
الترجمة كود = لازم اندس = النزول والدخول لشيء ومنها الكلمة المشهورة بالمنتدى مندس
لمن يدخل وهو من غير نادي الهلا ل حدر = تحت السي = السدرك تدلع بالسابق بالسي هع
به = فيه سير = سير الدينموا للسيارات

تحياتي لك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:08 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube