’ , . برق وصواعق في الشرقية الآن . , ’ - نادي الهلال السعودي - شبكة الزعيم

ماجد النعيمي · #1 04/01/2008, 10:58 PM

السلام عليكم

الان في المنطقة الشرقية وخاصةً ( الظهران) امطار ودك انك تلعب كورة ياشيخ

وتزحلق ع رجل واحد إلى ان تقول ان الله حق

وانا جالس ع النت جاء ذا البرق والرعد ,,

اقسم بالله اني نقزت من الكرسي وانا مدري وش السالفة

هذا من فضل ربي والحمد لله

اللهم اجعلها امطار خير وبركة للبلاد , ,

تحياتي :-

وليد ( المظلوم ) . . ! !

ورده

^ العنود ^ · #2 04/01/2008, 11:00 PM

هلا وليد ’’’

يابختكم ,,

جده عليها غيمه وحده بس وحسدناها وراحت

otaibi10 · #3 04/01/2008, 11:03 PM

يا ماجد أحمد ربك على النعم
حنا في الرياض قطره كل ساعتين ولا ثلاث ساعات

LBa your heart · #4 04/01/2008, 11:06 PM

قلة ذنوب اهل الشرقيه

استغفر الله .

علينا بالرياض رش خفيف والجو مغيم من اليوم .

مراسلكم من الرياض

اللي يشوفنا يقول بمنتدى مكشات..

ماجد وليد <- ماتجي؟!

هلالي في جده · #5 04/01/2008, 11:08 PM

إقتباس


	وتزحلق ع رجل واحد إلى ان تقول ان الله حق

خخخخخخخخخخخخخخ

حنـا البـرد ما يجيـنا .. !

دائمـاً " حـر " !

!رمز · #6 04/01/2008, 11:13 PM

هلا وليد ماشاء الله تقرير شامل وافي
الله يرزقنا ان شاء الله

فرصه ضايعه · #7 04/01/2008, 11:16 PM

الحمد لله على الخير اللي جانا

حتى هذه الساعه والمطر يصب يارب لك الحمد

الصواعق خفت والمطر الحين يرش خفيف

طلعت كاميرتي بصوره ولا البطاريه مخلصه

جاري شحنها

مراسلتكم من الظهران

يعطيك العافيه وليد

توني برسل للمشرفين يفتحون لنا موضوع عن أمطار الخير

وشفت موضوعك ودرعمت على طول

سلاااااااااااااااااااام ,,,

الغدير الازرق · #8 04/01/2008, 11:17 PM

الله يرزق جميع مناطق المملكة .. عليكم بكثرة الأستغفار

قواااك الله اخوي وليد يامظلوم

بريماكس · #9 04/01/2008, 11:18 PM

اللهم اسقنا غيثاً مغيثاً .

حنا بالقصيم مافيه شئ نقطت العصر وبس . بس غيوم والجو جونان يصلح لتطعيس

وبعدين وش سالفك انت الاسم ماجد وتقول وليد ؟

فرصه ضايعه · #10 04/01/2008, 11:29 PM

وصلني للتو

....

امطار غزيرة على كلن من الدرعيه والمجمعه

...

اللهم ارزقنا خير مافيه شر يارب ,,

ووصلنا ايضا << يمديكم

طفا الكهرب بإحدى قرى سدير وذلك لضرب صاعقه بالمركز
حق الكهرب اللي يمد القريه

يالله عفوك

<<< صدقت نفسها أنها مراسله

يازين المطر زيناه

S K Y · #11 04/01/2008, 11:30 PM

ماشاء الله اللهم زد وبارك ولا تدمر المدارس << قديم صح هههههه
عندنا في الريـاض غيوم وجانا مطر بسيييييييييط
واتوقع بكرا الصبح الجو خيالي ( يبيلها ثمامه )

فزاع الاجيال · #12 04/01/2008, 11:38 PM

ياخوي انا عندي ملاحظه بسيطه ..

ليس على الوضوع ..

لكن انا اشوف انك تقول انك موقوف بيوزر وليد القحطاني ..

وتشارك بيوزر ماجد النعيمي !

لكن يوزر وليد القحطاني ليس موقوف !

مو هذا هو اليوزر يا خوي ولا انا غلطان ؟

http://vb.alhilal.com/u239898.html

وتحت اسمك مكتوب زعيم مميز .. مو موقوف ..

اتمنى اني ما خبصت الدينا وحست بين الاعضاء ..

وآسف على الرد الي مو لم الموضوع ..

هلاليه من زمان · #13 04/01/2008, 11:39 PM

ماشاء الله تبارك الله

اللهم اجعلها امطار خير وبركه

وارزق جميع مناطق المملكه الغاليه بامطار الخير والبركه

آآآآآآآآآآآمين ياااااااااارب

بالنسبه لنا في المدينه جو مغيم يارب يرزقنا بالمطر

مراسلتكم .... هلاليه من زمان

وردهوردهورده

هلالي وبمزاجي · #14 04/01/2008, 11:39 PM

اللهم أغثنا
غيثا هنيا مباركا

جنـــ الزعيم ـــى · #15 04/01/2008, 11:45 PM

وعليكم السلام ورحمة الله وبركاته
ماشاء الله اللهم اجعله صيبًا نافعًا وعم به البلاد
فروصة يا مراسلتنا
احنا امس امطار وبرد ( ثلج) بس اليوم جاء اخواني من الشرقية
وقف المطر وامطرت عليكم >>> شكلهم وجه نحس
<<<<<< تبي تنيذل عليكم وتخليه يقطع اجازته ويرجع لدوامه
اللهم اني استغفركـ واتوب اليكـ