#1  
قديم 31/12/2007, 11:42 AM
زعيــم متواصــل
تاريخ التسجيل: 11/02/2005
مشاركات: 108
قالوا اعتزال سامي مهم.. قلت الاختبار أهم؟؟؟

[FONT="Arial"][SIZE="4"]
السلام عليكم
كيف حالكم اخواني ...
اول شي العوان اعتبره سحبه زي سحبات ابو يعقوب وسامي
لا حظت بالاونه الاخيره مواضيع تتحدث عن اعتزال سامي وتوقيته الصعب بحكم انه في فترة اختبارات... وقد نجد بعض العذر لحاله التضجر الحاصله .. ولكن لو حكمنا العقل قليلا فصدقوني لن نبخل او يبخل احد على سامي بالحضور والتشجيع والتوديع حتى نملأ جنبات الاستاد كما فعلنا مع الاسطوره ابو يعقوب

اخواني... والله سامي يا ما ضحى كثيرررررررررررر عشاننا .. لا تنسون بيوم من الايام وفي نهائي1418هـ كان ابوه متنوم بالعنايه مع ذلك أتى سامي للتدريبات وعسكر مع الفريق ولعب وهو مهمووووم من داخله وما كان احد ممن الجمهور يعلم بما يمر به سامي يومها .. ولم ينكشف هذاا السر الا قبل سنتين ... والاجمل في هذا الحدث انه سامي كان سبب رئيسي بعد الله بالفوز بالبطوله . فتخيل احرز هدفين وجهز الثالث ...<<لا تعليق

اذن انسان بحجم وقامة سامي الجابر .. هل تعتقد ان عدم حضورك اعتزاله شي عادي .. صدقني ستندم كثيرررا طول عمرك.. وبتقول ليتني رحت وليتني رحت .. حتى بالاختبار بيكون بالك مع سامي ومع الاعتزال وما بتعرف تذاكر زين هههههه :..<< ناوي يخربكم
شوف والله الاختبارات ملحوق عليها... يعني الواحد ممكن يدبر مثلا يا خوي اطلع صباح المبارة للرياض وارجع الساعه 2 بالليل بنفس اليوم..
انا راح اسوي هالشي لانه عندي اختبار ... ولكن اعتزال سامي (مرة وحدة بالعمر)
بعدين الاختبارات ما تخلص قلق كل يوم

صدقني لو تفكرون فيها زين بتلقون سامي معذووور بوضعه لمموعد الاعتزال في هذا الوقت ..
انا اقولكم ليش.. لانه يالغالي سامي ذكي وماكان يبي يقع بالخطأ الذي وقع فيه ماجد عبدالله وهو كثرة التأجيل في المواعيد .. فسامي اول ما جاه موعد (حقيقي) من مانشستر اتفق معهم على طول وضرب الحديد وهو حامي.. وهذا ما جعل ما نشستر يعرف ان المفاوضات جديه لابعد الحدود .. وان سامي ومن معه يستحقون الاحترام والحضور بكامل النجوم وكانت المفواضات جادهه وانهاها باسرع وقت ممكن وكانت قنبله مدويه وكان خبر مفأجئ اسعد الهلاليين اولا و(السعوديين) ثانيا<<ايه هين

يالغالي هذا ما نشستر يو ناايتد .. السالفه ماهي مبارة باستراحه وكل واحد يدفه قطيه وييجتمعون ويالله نلعب ...
هذا فريق عالمي اوقاته ضيقه ومشاغله كثيره ومبارياته اكثر... انتم لو شاهدتم المنتديات الانجليزيه بدايه المفاوضات كيف كانت ردود فعلهم ما بتصدقون كيف وافقوا عالحضور وانا بصراحه كنت فاقد الامل .. الغالبيه كانوا رااااااااافضين جدا الحضور لضيق الوقت اولا وكذلك لانه حسب كلام جمهورهم انهم ما يهتمون بالمال .. اهم شي راحة الفريق
ولكن موافقة مدرب ما نشستر هي من اانقذت الموقف لعلمه باسطوريه الجابر ...

قبل سنتين اذا لم يخب ظني ... قرأت حوار للاسطوره سامي وكان غالبا حوار خارج كرة القدم قليلا..
فطرح عليه سؤال .. لا حظ معي السؤال ..
كابتن سامي ما هي الشي الذي دائما تتخيله في مخيلتك وانت لحالك ؟؟؟
وش تتوقعون رد..
والله هذا رد سامي (الشي الذي اتخيله دائما ويشغل بالي هو مشاهدة حفل اعتزالي والحضور الجماهيري الكبير من خلال صورة من الاعلى لاشاهد الكثافه الجماهيريه واشاهد الاحتفالات لانه يوم لن ينسى في تاريخ سامي الجابر )

بالله عليكم هل بعد هذا الرد تريدوننا ان نخيب ظن سامي فينا .. قليلا من التعقل اخواني ...
الاختبارات مهمه نعم .. مستقبل نعم .. ولكن ممكن اي واحد يكلم دكتور الماده .. او يحضر عذر طبي والامور بتمشي .. اما اذا ما وافقوا .. فالله يعين الدكتور على السحبه

هذا هو وقت رد الجميل لسامي ..
هذا هو وقت رد الجميل لسامي ..
هذا هو وقت رد الجميل لسامي ..
هذا هو وقت رد الجميل لسامي ..

فمن سيقف مع سامي

احدثكم عن نفسي .. انا لو كان عندي اختبارين وليس اختبار بيوم الاعتزال صدقوني سأحضر لسامي وسامي فقط هو من يستحق العناء له

نقاط اخيره


1_شاهدوا بعض الجماهير الاخرى .. تتمنى حفل اعتزال لنجومهم في اي تاريخ واي يوم .. اهم شي يبون حفل اعتزال.. حتى ولوكان يوم العيد..

2_أنا متأكد جدا ان الجمهور سيحضر بكثافه ان شاء الله .. وساعتها عندما تشاهد الاحتفال من خلال التلفاز بتقول .. ليتني معكم .... والله قهر ما جيت.. ليتتني سمعت كلام وطن الهلال<< انا

3_للمعلوميه انا من سكان جده .. ومععي الى الان 11 واحد 9 منهم طلاب وكلنا طالعين لعيون سمسم... والله انتم يا اهل الرياض بنعمه بس ما تحسووووووووووون فيها ... واهل الرياض مالهم عذر بعدم الحضور...

4_ ترى من حبي لسامي حولت تشجيعي من فريق الارسنال الى خصمه اللدود مانشستر يونايتد ....كله لعيون سامي

واخيرا اعتذر على الاطالع وعلى عدم الترتيب ولكني كتبت الموضوع على عجاله...

مع تحيات أخوكم ... وطن الهلال
(سامي) <<< تراه اسمي من جد لا حد يقول غير اسمه زي ما غير فريقه السابق الارسنال

واتقبل كل الاراء الا اللي بتقول انها ما بتحضر .. بتزعلني منها
واتمنى التثبيت << وش عنده السامي كسمو الهلال.. امزح والله
اشوفكم على خيرم .. وموعدنا الاستاد يا زعماء
والسلام خير ختام
[/FONT
[/
SIZE]]

همسة...
رحت أصيح (سامي وينه ) والعرب ما رد أحدها.. ما سمعت الا صدى صوتي يقولي (سامي وينه)
  #2  
قديم 31/12/2007, 12:02 PM
زعيــم نشيــط
تاريخ التسجيل: 16/10/2005
مشاركات: 949
يعطيك العافية
  #3  
قديم 31/12/2007, 12:07 PM
زعيــم مميــز
تاريخ التسجيل: 31/07/2005
المكان: Chicago
مشاركات: 4,075
والله اتوووقع انك انت وال 11 ماراح تحضروون وبتشووفون الحفل في مقهى الوان .... لان التذااااكر حيخلصوووووووووووها ......
  #4  
قديم 31/12/2007, 12:08 PM
زعيــم مميــز
تاريخ التسجيل: 08/04/2007
المكان: نـــــ ج ـــــد . COM
مشاركات: 1,735
الا اعتزال سامي متى اذا باختبارات المدارس عادي اما اذا بوقت اختبارات الجامعيين فياشين حضنا وبأي يوم الاعتزال لا يكون بوسط الاسبوع ترى صعبه نحضر وبالذات بالاستاد لان الملعب بيكون مليان وعبال ما تطلع وتوصل البيت تكون الساعه 1 بالليل على الاقل

اتمنى يكون الاعتزال جميل ومرتب وبحضور جماهيري كبير يليق بالهلال وبتاريخ سامي

بالتوفيق للجميع .
  #5  
قديم 31/12/2007, 12:08 PM
الصورة الرمزية الخاصة بـ إحساس خالد
زعيــم مميــز
تاريخ التسجيل: 02/08/2007
المكان: عاصمه الكآبه & بلاد العم سام
مشاركات: 3,811


ياعيني يالسحبه .... والله احس انها كوبري ياشييخ

-----

شكل اهل الرياض ماظنهم بيجون للملعب والسبب انت ...

مشكور ياغلاي
  #6  
قديم 31/12/2007, 12:09 PM
زعيــم نشيــط
تاريخ التسجيل: 11/05/2007
مشاركات: 517
الله الله عليك
يا حبني لك ويا حبني لابو عبدالله
  #7  
قديم 31/12/2007, 12:11 PM
زعيــم متألــق
تاريخ التسجيل: 11/07/2002
المكان: KFUPM
مشاركات: 1,128
و الله الود ودي اني اجي.. لكن عليي اختبار في الجامعة الساعة 7 الليل.. يعني و قت المباراة.

الله يعين بس
  #8  
قديم 31/12/2007, 01:12 PM
الصورة الرمزية الخاصة بـ αlειη αlżαяqα
زعيــم مميــز
تاريخ التسجيل: 19/03/2005
المكان: في الإقامة الجبرية ..
مشاركات: 3,045
يا رجال لعيون سامي الجابر..
على المطااااااااااااااااااار
وبنسى إن عندي إختبار....
  #9  
قديم 31/12/2007, 01:21 PM
زعيــم نشيــط
تاريخ التسجيل: 09/07/2005
مشاركات: 512
انتم الحقوا على التذاكر ويصير خير
  #10  
قديم 31/12/2007, 02:12 PM
زعيــم متواصــل
تاريخ التسجيل: 11/02/2005
مشاركات: 108
ردود رائعه
مشكورين عالمرور << وعالشرطه والدوريات الامنيه ههههههههه
  #11  
قديم 31/12/2007, 02:16 PM
موقوف
تاريخ التسجيل: 20/02/2005
مشاركات: 1,449
تخيل مااحضر المبارة
باذن الله حاضرين لعيون سامي
  #12  
قديم 31/12/2007, 02:35 PM
زعيــم متألــق
تاريخ التسجيل: 03/08/2007
مشاركات: 1,235
يعطيك العافيه
  #13  
قديم 31/12/2007, 02:39 PM
زعيــم متألــق
تاريخ التسجيل: 11/04/2007
المكان: روم الزعيم في البالتوك
مشاركات: 1,469
حاضر حاضر باذن الله

بعدين حفل الاعتزال قبل اختبارات ""الطلاب"" بسبوع


تحياتي // زعيم بأخلاقي
  #14  
قديم 31/12/2007, 02:41 PM
الصورة الرمزية الخاصة بـ fINAL
زعيــم مميــز
تاريخ التسجيل: 08/11/2006
المكان: الرياض
مشاركات: 1,870
تخيل مااحضر المبارة
باذن الله حاضرين لعيون سامي
  #15  
قديم 31/12/2007, 02:43 PM
زعيــم مميــز
تاريخ التسجيل: 16/08/2007
مشاركات: 1,698
يعطيك الف عافيه
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:14 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube