بسم الله الرحـــمن الرحــــــيم


الـسـلام عليكم ورحمــة الله وبركــاته


اسعد الله صباحكم ومساكم اخواني واخواتي اعضاء مجلسنا التحيف..


قال تعالى (ولا تلقوا بأيديكم الى التهلكه) صدق الله العظيم


هناك بعض المواقف لعلها تكون مقدمه للموضوع



فترة الثانويه

فلان: ابوناصر مسكوا احد الطلاب في دورات المياه في الفسحه ومعه سيجارة حشيش..

ابوناصر:ليش فصلوا الطالب (س) من المدرسه
فلان: حصلوه يبيع للطلاب حبوب..

ملاحظه:الطالب المفصول رجع للدوام بعد اسبوع من فصله



كنت استغرب كيف طبوا في الخراب وهم ما زالو صغار في السن والحيره الأكبر ان ودي
اشوف الحشيش والحبوب بالعين المجرده...



مرحله الكلـــيه

هذي المرحله لم اكن اعرف الكثير من الطلاب عدا بعض الطلاب الذي لي معرفه بهم
من ايام الثانوي..
مع مرور الايام تعرفت على اشخاص كان حسن الاخلاق وممتازين من الناحيه الدراسيه
ولكن ما كان يعيبهم او ما كنت اعرف انه كان يعيبهم تلك الفتره انهم مدخنين ..

لكن حدثت معهم بعض المواقف التي جعلتني اعيد تقييمهم واعيد التفكير بمصاحبتهم..

فارس:طلع بكت الدخان واخرج منه حبه ووضعها في يدي!!!
نظرت اليه وقلت بنادول..؟؟؟؟؟
فارس لم يبقى عليه الا ان يسقط من الضحك ..وقال:هذي تخليك تطيرو تداوم مواصل و نشيط
وقتها عرفت انها حبوب منشطه..
رميتها وجرى بيننا حوار طويل انتهى على انه يلبخ..


بعدها بايام كب العشاء اخونا في الله ..وعلمني بالمحببين من اخويانا في الكليه
فوجدتهم كلهم يستخدموا الحبوب ما عدا سته منهم فقط ..


المشكله اصبح كل جلسه نجتمع فيها وجاء طاري الحشيش يبدأ كل واحد يتفاخر
بأعطاء المعلومات الكامله عن كيفيه الفرط الى اخر مزه..

ولكن الامر الاعظم ان كل واحد يفتخر بالمكان الذي منه ويذكر انه فيه كثير من المحششين والمحببين مثل:

شخص كان ساكن في الرياض:كان دايما يتكلم عن حي النسيم
المدينه المنوره:يتكلم عن قباء وعن احد الشوارع الشهيره
جده:يتفاخروا بالبلد عند باب شريف والاماكن المتعفنه الذي ذهب اليها اخونا هلالي
الشماسيه..
ينبع:هناك حي يدعى اللقيفه
هذي بعض الاماكن التي يتم ذكرها ولا تهون بقية مدن المملكه..


معلومات عن الحبوب والحشيش هذا اذا ما المعلومات عندكم من قبلي..

الحبــــــوب:

حبوب الكابتجون او حبوب ابو قوسين او الابيض
اول ظهور لهذه الحبوب المدمره في الحرب العالميه الثانيه والذي قام بختراع هذه
الحبوب احد الصيادله في المانيا
وذلك بامر من هتلر واطلق عليها صفر واحد 0 / 1
صرفت هذه الحبوب الي جنود الالمان في الحرب العالميه الثانيه من اجل
بذل اكبر طاقه في قتال الاعداء وفعلا فكان لها مفعول قوي على زياده
النشاط لدى الجنود والزياده من حماسهم بعد انتهاء الحرب وموت هتلر بقى المصنع الذي ينتج هذه الحبوب


طبعا لها اعراض عندما الشخص يتناولها ولها علامات ربما يعرفها جيدامن يستخدم هذه الحبوب مثل:
1- يصبح كثير الحركه (ويصبح محب للهياط)
2- ينشف ريقه يعني يكثر من تناول السوائل وخاصه الشاي والماء والبايسن
3- تجف شفايفه لدرجه انك تشاهد لون ابيض على شفايفه
4- يكثر من عض شفايفه ولحسها بالسانه
5- غير مستقر
6 - لايستوعب احيانا
7- يركز على شيئا ما
8-يميل لون اسنانه الي الاخضرار يعني يصبح لونها اقرب الي الاخضر
9- تتاكل الاسنان
10 هذا من غير الارتجاج الدماغي الي ان يصبح الشخص مجنونا
طبعا هذه يرجع الي كثره استخدامها


علامه الجوده لهذه الحبوب ( ) القوسين
والا فلا تقبل اذا لم تحمل هذه العلامه ..
ولكن يوجد ابو قوسين المضروب ..


الحشيش

يستخلص الحشيش من قمة زهور نبات [القنب] وهي شجرة تنبت في المناطق الجبلية
ويشيع زراعتها في المناطق الجبلية بآسيا وخاصة شمال الهند وأفغانستان
وتركيا ولبنان وعرف حديثاً في السودان ومصر .



أضرار الحشيش :
1- السلوك غير التكيفي [اختلال الاتزان الحركي – القلق – تلبد الإحساس مع الوقت – عدم القدرة على التحكم – الانسحاب الاجتماعي]
2- احتقان العينين .
3- زيادة الشهية للطعام .
4- جفاف الحلق .
5- سرعة ضربات القلب .
6- زيادة الرعشة في الأطراف .



بعد المعلومات والاضرار على كل من الحبوب والحشيش..

اين الأسر من ابنائها؟؟؟
اين الحكومه من المروجين؟؟؟
اين المجتمع من مسؤولياته؟؟

والا نردد جملة (حاميها حراميها)
هذي الجمله لو ندخل في تفاصيلها كان اول من بيدخل الحاير الاستاذ الكبير اخونا
عبدالله(مواصل من عام الفيل) وبعده انا مباشره ومن يحب ان يتفلسف معنا

الامر الذي يثير استغرابي ان اغلب الشباب المتعاطي الذي اعرفهم حسن السلوك
ومتفوق دراسيا وعلاقته بوالديه والمجتمع طبيعيه ...

فأقل امر تستطيع ان تفعله هو النصيحه لاخوياك والستر عليهم ..
اخيرا:اسأل الله العلي العظيم ان يعافينا مما ابتلانا..









سلااااااااااااااااااااااااااام

هلا أخوي أبو ناصر

التدخين والحبوب والحشيش وكل مايدخل تحت مسمى ( هلاك النفس )

وهذا الأمر للأسف لم يقتصر على الشباب فبعض جامعات البنات باتت مرعى لذلك ..

وياقلب لا تحزن !!!

نسأل الله الشفاء لكل من ابتلي بهذا الداء .. وان يعفو عنهم ويغفر لهم ..

والحذر كل الحذر من اصدقاء السوء ..

في مراحل حياتنا علينا نحرص على انتقاء من يكون لنا صديق ،،

(( قل لي من تصاحب أقولك من أنت)) ،،


ابوناصر مشبب ورده

اشكرك على طرحك وحرصك على مستقبل شباب الامه ..

الفضاوه هامله هامايلها ورده

كنت اقول بحكم اني متهم بالترويج ..
لاحظت في الفترة الاخيرة انخفاض في عدد المبيعات ..
وبعد البحث والتدقيق ..
اكتشفت السبب .. وعرفت ان الاخوة في شركة نور لتهريب المخدرات ..
قرروا انهم يفتحون لهم فرع في المجلس العام ..
لا ومن زود الصفاقة .. عينوا زميل المهنة في الترويج الاخ " الـمـشـاغـب " ورده مديرا لهذا الفرع ..
وهذا ما كتبه بلسانه في ملفه الشخصي ..

معلومات إضافية	تغيير المجموعه الحاليه
العمر: 22 السيرة الذاتية: شاب مملوح وكتير مهضوم وبيطيّر العقل يالله طسوا مناك بس .! المكان: قلب رضا تكر وهـ اهتماماتك: مناجاة القمر .. وكتابة الشعر والخواطر والروايات .. وتمشيط الشعر للخلف .. وشرب البيبسي ماكس وهـ بس ..!! الوظيفة: مدير فرع شركة نور لتجارة المخدرات بجميع أنواعها ..!!

..............

وانا بخبرتي اوصيك يا سلطان ..
انك تنتبه لنفسك ولا بنسمع محمد خيري يقرأ خبر الحكم بالقصاص تعزيرا برقبتك ..
وعاد لنا تفاهم بعدين على تدخلكم في منطقة البيع تبعي ..
واللي حددها لي نظام الترويج والبيع في مادته رقم 60 / حشيش .. ..

نرجع لموضوعك ابو ناصر ورده ..
والله ان شبابنا في ضياع .. الله يهديهم بس ..
ما عليك من اللي يدخن ولا يحشش ولا يقضم ولا يلجلج ..
هذولا امرهم هين .. اذا قارناهم باللي يستخدم " الشمة او النشوق " ..
النشوق موت بطيء .. مثله مثل الغرق ..
<<< هذا المستخدم رفع ضغطي ..

اي والله ابو ناصر ..
الشباب كل مالهم و وجوههم تصير مغسولة بمرق ..
مع اني ما صادفت احد الى الان يستخدم او يحشش ..
لكن يمكن مع التخرج نحصل ..
طبعا مانيب مثل ابو مقبل اللي تخرج وهو مدمن ..
انا يمكن بعد الوظيفة ..

الجد ..
انا انصح كل الناس انهم ينتبهون لاعراض التعاطي ..
ويركزون على اي حركة منها .. اذا صدرت من اي شخص ..
لأنه والله العظيم ناس ما تتوقعهم .. تتفاجأ فيهم انهم مدمنين ..
لأنك اذا اكتشف انه متعاطي من بدري ..
تقدر انك تلحق عليه قبل ما يسوي لنفسه او اهله شيء ..
ووالله يا ناس ان الكلام هذا من تجربة ..

ابو ناصر ..
يعطيك العافية .. والنشاط ..
وبعدين يا اخي لا تخلي الناس تكره المخدرات ..
تراك تقطع ارزاق المروجين ..
وقطع الاعناق ولا قطع الارزاق ..

يا ناس يا عالم .. المخدرات فله ونشاط ..
صح ان آخرها موت .. بس عادي .. احرق الروح قبل لا تروح ..

أخيرا..
الله يكفينا واياكم شر هالمخدرات ..
ونسأل الله الشفاء والعافية لكل من ابتلي بادمانها ..
ونسأل الله ان يقوي حكومتنا في القبض على المهربين واحباط عملياتهم ..

ملاحظة : كل ما ذكر في الاعلى من الخنبقة .. تروها بس للوناسة .. يعني لا اشوف احد من المدمنين يوطوط على الخاص ..

*|*||*|||*||||*||||||*|||||||*~*~*~*~*~*~*~*~*~*~*~*~*~*~*~*~*|||||||*||||||*||||*|||*||*|*

قرقاص ورده ..
وش دعوة يا ابو جنا ؟ ..
يعني افهم انها مضرة بالصحة ..
الله يسعدك ..

والله يا ابو جنا اذا اني قضيت 22 سنة وانا على وجه الارض ..
ولا عرفت ان المخدرات مضرة بالصحة ..
فعاد الله يعوض على الوالد فيني ..
يا خسارة المصاريف اللي صرفها على تربيتي ..

يعطيك العافية ..

خالي من الهم ..
هلا والله عبد الوهاب ورده ..
يسلمك ربي يالغالي .. ولا هنت على السؤال سواء هنا ولا على الخاص ورده ..
لكن والله اني اعرف احجز بس وش اسوي .. الهواء ضدي ..

يعطيك العافية يا وكيل شركة نور للمخدرات - فرع خميس مشيط ..
تليفون : 2344234 -07
المنطقة الصناعية ..
لا احد يدق على الرقم .. تروا والله من رأسي ..

.

هلا باخوي ابو ناصر

صبحك الله بالنور والمسرات

العالم مصبحه على خير وانت حشيش وابو قوسين

والله وانا اخوك الايام هذي ماصرت اثق في احد وخاصه حقين الابيض

الصراحه هي بدايه من التدخين وبعدها الشخص يتدرج للنهايه الله يكافينا الشر

طبعا في الوقت هذا كثير ياكل الحبوب .. والحشاشين كثروا

لكن المشكله أين الأهل ؟ وأين المدرسه ؟

تخيلو صغار بالسن ويحششون ماتفوق اعمارهم 14 سنه ((شوف عيني))

إقتباس اين الأسر من ابنائها؟؟؟ اين الحكومه من المروجين؟؟؟ اين المجتمع من مسؤولياته؟؟

الحكومه الصراحه يبذلون جهد جبار في القضاء على المروجين
لكن المشكله في الأسر وتربيتهم لابنائهم والمجتمع !!!



في الاخير الف شكر لك على الطرح الرائع
أخــــوك
سعد

يا هلا والله بالتحيف ...


لي عوده ابو ناصر ...


حبيت اشكرك قبل ما اقرا الموضوع...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والله يا ابو ناصر كلامك يقوطر عسل بس هالايام صار فيه تطور بين الشباب وهو السكار أي الخمر والعياذ بالله صار منتشر بشكل كبير وتشوفه صار من علامات التطور الله لا يبلانا بس








ابو ناصر ... ورده

قسما بالله ما أعرفها ولا أدري وش هذي
ويوم تزوجت صرت أعرف اللي يستخدمها من شكله حتى أنني وصلت لمرحلة خطيرة في معرفتها فأصبحت أقول (هذا مقظم)
والسبب زوجي العزيز والقطاع العسكري الذي يعمل فيه

والله اسمع منه بلاوي تشيب الراس الله يحمينا ويحمي ذريتنا من كل شر يا رب

إقتباس الرسالة الأصلية كتبت بواسطة سحرالشرق قسما بالله ما أعرفها ولا أدري وش هذي ويوم تزوجت صرت أعرف اللي يستخدمها من شكله حتى أنني وصلت لمرحلة خطيرة في معرفتها فأصبحت أقول (هذا مقظم) والسبب زوجي العزيز والقطاع العسكري الذي يعمل فيه والله اسمع منه بلاوي تشيب الراس الله يحمينا ويحمي ذريتنا من كل شر يا رب

هههههههههههههههههههههههههههههههههههههههه

يا جماعة الخير شوفوا للمسكينه حل ....شوفوا تأثير الشتاء عليها..


لي عوده معكم كل ابوكم بس وراي كليه ..والله اني بأخذ معي الحين واحد محشش




سلاااااااااااااااام

مشكور أبو ناصر على المواضيع المميزه

لي عوده بعد قليل

أبو ناصر موضوعك مميز و الله يعطيك العافيه

أتمنى تسمع الحين وش كثر الشباب اللي يتعاطون المخدرات و بكثره و الله أشوفهم قدام عيني و بكثره في كل مكان و أماكن عامه ، و خالي محقق في هيئة التحقيق يقول قصص تشيب الرأس منه ، و أول أسباب تعاطيها الشله الفاسده و العطاله و عدم رقابة الأهل هذه وجهة نظر .

تقبل مروري المتواضع

أبو ناصر لا تضحك بعدين ربي يبلاك تحسب إني امزح يا ويلك من ربي بعدين تصير كائن متصحر مثلي استغفر بسرررررعه

قرقاص يا أخي أنت ليش شراني وش ذا اللي جايبه قسم حسيت بالدفا


اللهم اشف أبو ناصر من التقظيم والتهريب