تدخــين+حـبوب+حشـيش=طيران وترفيع ووناسه (من المسؤول)؟؟؟؟ - صفحة رقم 8 - نادي الهلال السعودي - شبكة الزعيم

جرح يشكي · #1 06/01/2008, 04:40 AM

ابو ناصر يسلم عليكم من سجن الرويس

ابو ناصر شسوي لازم اقول لـ العيال ..

ادري انك ما تبي احد يدري ان الشرطة مسكتك وانت تتعاطى المخدر وتبيع حبوب ، بس وش اسوي ..!!

يا اخي من حبي لك ابي الاعضاء يدعون لك

ادعوا له ان الحكم يخفف لـ 10 سنوات

ابو ناصر في حاجة دعائكم .

ايه نسيت اقول لكم

ترا ابو ناصر بلغ عنكم كلكم

سلام سلام << راح يتخبى

خالي من الهم · #2 06/01/2008, 10:49 AM

تراني معرف أبو ناصر ومعرف رقمه ولا رقم أخوانه ولا لي علاقه فيه ولا سمعت فيه هو مجرد يوزر في الزعيم فقط اللهم إني قد بلغت اللهم فاشهد

.

بقولكم شيء وتذكروه أبو ناصر هالاسبوع بيرجع النت وتذكروا كلامي بس هذا ردي

LBa your heart · #3 06/01/2008, 04:52 AM

أبو ناصر ماتلاحظ أنك كبيت العشاء كله هههههههههههههههههههههههههههه

بريماكس · #4 06/01/2008, 11:15 AM

^^^^

تصدق ماهقيته من ابوناصر انه يتسذب

مره يسولف علي بالمسن مدري الا مقاطعني برب برب . قلت وش سالفته

مادريت الا

راجع قلت وش فيك ؟ قال لا عبدول دق علي

قلت ماغيره عبدالوهاب

. قال ايه ماكلم

الا هو بالزعيم

قلت سلمتلي عليه قال لا

يعني ياخالي اللي ابوصله مين اللي اللي يتسذب منكم انت ولا هو

انت تقول اللحين ماعرف

رقمه . وهو اول يقول اللي متصل علي عبدالوهاب !!

وبعدين تراي ماكان ودي اقول الكلام هذا بس دامك فتحت الباب قلت خل اقول اللي براسي

في امان الله ورده ،

leo messi · #5 11/01/2008, 02:42 PM

ياهلا والله ابو نااااصر الحمدلله ع السلامه

في انتظاااار تعليقك على الرود ياغالي ..!!

هلالي في مانع · #6 11/01/2008, 03:12 PM

مشكوور.!! ترااكـ حطيت اسمي اللي هو (فارس) بس حلالكـ.!!

اماا بالنسبة لموضوعكـ فهو شئ اكيد الدلع الزائـد من الوالدين والثقة المفرطـه فيهاا.!!

الـمـشـاغـب · #7 12/01/2008, 07:01 AM

أخيراً قدرت أرد على الموضوع .. كل ما بغيت أدخل وأرد تردني ريحة الحشيش وتدووخ براسي

إلا يا أبوناصر وش الصورة الأخيرة حق الحشيش؟ تصدق عاد .. استفدت من موضوعك كثير .. من زمان وأنا ودي

أعرف وشلون يسوون الحشيش !! كنت أشوفهم بالأفلام يلفون شي بس ما كنت أدري وشو .. بس ما قصر المدحدر

علمنا بكل شي

إلا أقول .. مدحدر من هو؟ يوزر أي عضو؟

أقول يالمشاكس .. اعقل وأنا أخوك تراي مراقب <<< منتب عاقل يا ابن طعساس

أنا حدي أبيض وربي ما عمري شفت غيره

الله لا يذكر عبيد الثقبة بالخير

ما لك داعي تفضح بالعالم .. خالي من الهم انسان على ستر الله ليه تفضحه؟ ونور الشمس بعد وشو له تذكر اسم شركتها؟ من جد حرام عليك

يوووه يا سحر الشرق ما شاء الله وش هالخبرة؟

أنصحك تفتشين جيوب زوجك ومخابي المحفظة زين .. العساكر ما منهم أمان

<<< يبي يخرب بيتها

أمزح لا تصدقين

للأسف .. من خلال هذا الموضوع اكتشفت أن لي أخويا دشير ما وقفت عندهم على الخرفنة بل تجاوزوها للمخدرات الله يكافينا شرها وشر مدمنيها ..

ألف شكر أبوناصر على موضوعك التحيف ورده

وبانتظار عودتك

ورده

كاريزمـا · #8 12/01/2008, 07:11 AM

ابو ناصر ننتظر ردودك بعد الاختبارات على احر من الجمر << وش تبين انتي

<< هذا والله اعلم الرد الخامس لي بالموضوع

الفارس-5 · #9 12/01/2008, 07:20 AM

لا الا قي بنت بس للرجاااال لي عودة

مـدحـدر · #10 19/01/2008, 04:31 PM

الله يهديك يابو ناصر

من يوم نزلت الموضوع وحنا مقطوعين

كنا نبي نسوي تخفيضات للاختبارات عشان النشء

abo_nasser · #11 19/01/2008, 04:33 PM

إقتباس

الرسالة الأصلية كتبت بواسطة مـدحـدر


	الله يهديك يابو ناصر من يوم نزلت الموضوع وحنا مقطوعين كنا نبي نسوي تخفيضات للاختبارات عشان النشء

كم تبي بس ؟؟؟؟ انت تأمر امر..

الله يهديك وش له ترفع الموضوع ..

والا تبوني ارد عليكم...

مـدحـدر · #12 19/01/2008, 04:54 PM

ياروحي يالراس الكبيرة

ايه انجز علينا ... تراك تحت الملاحظة

ياترد وتخلي مسؤوليتك من الموضوع

والا الجيب الأسود يحتريك عند الباب

امي ولدتني هلالي · #13 19/01/2008, 05:28 PM

يا اخي خل الناس تستانس
>>>>> مسوي زاحف وما قد شاف حبه ابد

!!هلالي الرس!! · #14 19/01/2008, 07:03 PM

تخيل أني أكترد مطول

وأنا أخوك التتن والحشيش والحبوب صارت الآن شي طبيعي ومع الوقت راح تبعا في البقالات

المشكله وأنا أخوك أني العب على نفسي بيدي كتاب فيزياء وقاعد أرد عليك يعني العب ع نفسي لعب

عالعموم حبيت أسجل حضوري بكم من رد

وأن شاء الله نشوفكم بعد الأختبارات على خير

تحياتي

!!هلالي الرس!!

خالي من الهم · #15 21/01/2008, 11:43 AM

إقتباس


	ألف شكر أبوناصر على موضوعك التحيف ورده وبانتظار عودتك ورده

هلا أخوي سلطان مدري ناديت يالغالي ترا أبو ناصر مشغول بإختباراته فإذا قصدك الردود على الأعضاء هو يقول الخميس إنشاء الله بيرد على الجميع ورده .

أبو ناصر لا توصي برفع الموضوع عشان تزيد الردود من غير ما تطلب وأنا أخوك

<========هذا المستخدم سينجلد وهو فاطسمن الضحك