تدخــين+حـبوب+حشـيش=طيران وترفيع ووناسه (من المسؤول)؟؟؟؟ - صفحة رقم 2 - نادي الهلال السعودي - شبكة الزعيم

راكان _20_ · #1 30/12/2007, 09:55 AM

مشكور أبو ناصر على المواضيع المميزه

لي عوده بعد قليل

خالي من الهم · #2 30/12/2007, 10:23 AM

مثل ما قالت ريري الفضاوه تعمل العمايل

.

وأنا أقول يوم أتصل فيك وما ترد وفجأه يكلمني أخوك يقول أبو ناصر نام من الصبح والساعه 2 بالليل لسا ما صحي

وجاي تنصح

.

والله موضوع جميل جدا أخي الغالي أبو ناصر المشكله إنت تقول الثانويه أعرف لك ورب البيت ناس بالمتوسط يقضمون

ويحششون والله من غير مبالغه.

ومثل ما قلت الأماكن الي فيها الخراب صارت معروفه مثل الصمده والصناعيه بالخميس

.

موضوع تحيف ومدري وش يبي بس أمانة يناقش قضيه مهمه في المجتمع

.

إقتباس


	يعني هالحين المخدرات مضرة بالصحة ؟ .. لي زحفة ثانية على الموضوع ..

هلا أخوي .؟,.َُُ[ شفرنا الي خبري خبرك ولا بغيت أجيب العيد

.

مشاكسوه من ضحك عليك وقال إنها مضره ياشين الي يبي يحجز وما يعرف الموت كل الموت قرقاص صدقك وقاعد ينصح وجايب صورة ضحايا المخدرات

.

برايفت مشاكس .

يخي سؤال بس واحد وش أخبارك والله ما فيني حيل أرسل لأحد خاص

.

برايفت لأبو ناصر.

المهم ما أرد وتعرف ليه بس القلب عيا وأنا أخوك وصارت سنة الحياه إني أحبك ركز على سنة

راكان _20_ · #3 30/12/2007, 10:33 AM

أبو ناصر موضوعك مميز و الله يعطيك العافيه

أتمنى تسمع الحين وش كثر الشباب اللي يتعاطون المخدرات و بكثره و الله أشوفهم قدام عيني و بكثره في كل مكان و أماكن عامه ، و خالي محقق في هيئة التحقيق يقول قصص تشيب الرأس منه ، و أول أسباب تعاطيها الشله الفاسده و العطاله و عدم رقابة الأهل هذه وجهة نظر .

تقبل مروري المتواضع

~بنت الزعيم~ · #4 30/12/2007, 11:10 AM

أهلاً بك ابو ناصر وصباحك سعيد ..

قد ينشىء الابن في منزل والده على التربيه صالحه
لكن نجد أن أبناء السوء في المجتمع الخارجي يفسدون
ما تربى عليه في منزله ويغيرون آرائه و معتقداته ..
للأسف شبابنا ينقادون وبشكل سريع لمثل هذه الاشياء
ظناً منهم بــ انها الحل السريع لمشاكلهم والإبتعاد عن هموم الحياه ..
و هي في الحقيقه وهم وقتي يعيشه ومن ثم يختفي سريعاً ..
ولو فكروا قليلاً لــ ادركوا بــ ان ما يستخدمونه لا يفيدهم بل يضرهم
ويضيع اموالهم و يفسد علاقتهم بمن حولهم ويشؤه صورتهم ..

اسأل الله تعالى ان يبعدنا ويبعدكم عن المخدرات ..

شكراً ابوناصر على طرح هذه القضيه المهمه ورده ..

سحرالشرق · #5 30/12/2007, 11:31 AM

أبو ناصر لا تضحك بعدين ربي يبلاك تحسب إني امزح يا ويلك من ربي بعدين تصير كائن متصحر مثلي استغفر بسرررررعه

قرقاص يا أخي أنت ليش شراني

وش ذا اللي جايبه قسم حسيت بالدفا

اللهم اشف أبو ناصر من التقظيم والتهريب

خالي من الهم · #6 30/12/2007, 12:41 PM

إقتباس


	اللهم اشف أبو ناصر من التقظيم والتهريب

آمين يارب العالمين الله يجزاك خير على هالدعوه سحر يامانصحناه بس عيا هو والمشاكس إدعوا لهم بالهدايه

الهلالي دائماً · #7 30/12/2007, 04:43 PM

الله سلم سلم ...

شو ها الموضوع حبيب ألبي أبو ناصر ...

من العنوان يحس الواحد انه في سجن الحاير

وبعدين ترى عندنا أعضاء صغار في السن أخاف إنهم يتأثرون بشكل عكسي

الله يعطيك العافية اخوي ابو ناصر يابعد قلبي والله يستر علينا ويحفظنا من هالبلاي

واللي اصبحت الايام هذي منتشرة بشكل كبير بين الشباب الصغار !!!

عندنا في حارتنا في عيال كنت اعرفهم صغار يزحلقون في حديقة حارتنا ويلعبون بالمراجيح

واليوم أسأل عنهم اللي مسجون واللي مدمن واللي صار بياع واللي يشطفني سكران !!!

وهم لم يتجاوزا العشرين !! ولا حول ولا قوة الا بالله ...

والله يوم كنت في الثانوية على كل المصايب والجريات ما اذكر اني تعرفت على مدمن او محشش

والصدق كنت احسب الحشيش هو نفسه حق الغنم يلفونه وياكلونه ولا دريت انهم يدخنونه الا في الجامعة

ولا دخنته الا بعد التخرج ــههههههههههههههههههههههــ لا احد يصدق ترى قسمن استهبل

اما ابو قوسين فالصدق اني كنت أموت فيه خاصة مع الشاي في الفجرية ...

وقدامك صحن فول قلابة مع تميس بسكوت

طبعاً اقصد حليب ابو قوسين لاني ما اعرف ابو قوسين غيره

ابو نصرو الله يعطيك العافية على الموضوع النصيح >>> مشتقه من النصح وهي على وزن التحيف

ومنورنا بطلتك البهية ورده

رعاك الله وحفظك ,,,

ڪـيــف الـζــآل ؟ · #8 30/12/2007, 01:18 PM

وعليكم السلام ورحمة الله وبركـاته ,

حياكـ الله أخوي أبو ناصر

موضوع جميـل , وكما أسلف من قبلنا بقولهم عنها ,
فمن يريد الانتحار او الهروب من التكاليف ,
والبحث عن السعادة الدنيوية فعليه بها ,
قد تكون قلت او كثرت في الاونة الاخيرة ,
لكن الحوكمة الجليلية تقوم بشتى وسائل الدفاع عن الفرد السعودي ,
ولا عاش مخرب الشباب

..

يعطيك العافية

أبوشلاخ الهلالي · #9 30/12/2007, 05:38 PM

هلا والله أبو ناصر ..!!
المخدرات الله يكفينا شرها منتشرة بين الشباب والحمد لله ماقد انصدمت بواحد من الزملاء ولا
الأقارب انهم يستعملونها ..!!
أبو ناصر موضوعكـ تحفة ماشاء الله عليكـ اخترت موضوع منتشر هاليومين ..!!
المشكله أن المحشش الحين تلقاهـ يفتخر انه يشرب وهذا اللي خلا الناس ينجرون وراهم ,,!!
تسلم أبو ناصر على الموضوع ..!!
أبوشلاخ الهلالي ..!!( تقبل مروري )

صقر فيصل · #10 30/12/2007, 06:19 PM

يا هلا يا هلا والله بابو ناصر

باقول لك سالفة قالها لي واحد يشتغل بالجمارك..

يقول من زمان كنا لا سمعنا عن انهم لقوا (ربع كيلو حشيش)..
(انقلبت الدنيا) عندهم.. فوق تحت..!!

يقول الحين صار الواحد يجيهم يقول: لقينا 10 كيلو حشيش..
يرد الثاني: لا والله.. وش الغدا اليوم يا شباب؟

وصلت لمرحلة انهم مرة لقوه بشنطة بنت رجل أعمال كبير..!!
وبعد الكلام والخرابيط
حطوها بظهر الشغالة اللي راتبها ما يجي 800 ريال.. وسفروها..!

الحشيش يا بو ناصر انتشر زي (العلك)..!

..،

فيه ناس طاحوا فيما هو أدهى وأمر

أسأل الله أن يعافيهم

وأن يعافينا ولا يبتلينا

..،

شكرا اخوي ابو ناصر على هالموضوع التحيف..

الصادر من شخص تحيف زيك

يعطيك العافية

فرصه ضايعه · #11 30/12/2007, 07:16 PM

وعليكم السلام ورحمة الله وبركاته

ياهلا بأبو التقظيم والتحشيش

...

منورنا ياباشا

...

ياخي ذكرتني بوحده في كليتنا ماتت من جرعه زايده

عقب هالسالفه أهالينا خافوا علينا

وحده من صديقاتي أبوها يقول لاتاكلين من أحد

ولا تاخذين ورد من أحد وتشمينه

يخاف يحطون لها شي ويبلش ببنيته

...

أما أخوي يوم كان بالثانوي
يقول الأبر عيني عينك ياخذونها أيام الأختبارات

...

لاحول ولا قوة إلا بالله

إقتباس


	مع مرور الايام تعرفت على اشخاص كان حسن الاخلاق وممتازين من الناحيه الدراسيه ولكن ما كان يعيبهم او ما كنت اعرف انه كان يعيبهم تلك الفتره انهم مدخنين ..

انا دايم أوصي أخوي لايماشي مدخنين

...
ياليته عاد يسمع نصايحي

...

إقتباس


	المشكله اصبح كل جلسه نجتمع فيها وجاء طاري الحشيش يبدأ كل واحد يتفاخر بأعطاء المعلومات الكامله عن كيفيه الفرط الى اخر مزه..

الحين أنت عرفت أنهم يحششون وشوله للحين تماشيهم

ماتخاف على نفسك منهم

...

إقتباس


	الامر الذي يثير استغرابي ان اغلب الشباب المتعاطي الذي اعرفهم حسن السلوك ومتفوق دراسيا وعلاقته بوالديه والمجتمع طبيعيه ...

اعتقد أنهم توهم بالبدايه

...
ولا مايصيرون كذا

الله يعافيهم ولا يبلانا

إقتباس


	اين الأسر من ابنائها؟؟؟ اين الحكومه من المروجين؟؟؟ اين المجتمع من مسؤولياته؟؟

اتوقع الأسرة لها دور كبير في المحافظه على أولادها
لو راقبتهم وعرفت من يماشون كان ماشفنا تزايد أعداد اللي يتعاطون

والحكومه ماتقصر بس اليد الوحده ماتصفق

,,,

يعطيك العافيه على هالموضوع المقظم

,,,

سلااااااااااااااااام ,,

رعبوبة الزعيم · #12 31/12/2007, 03:52 AM

هلا والله ابـو ناصر..

والله المدارس دايم ينخاف منها وخاصه مدارس الاولاد

ويقولون الصاحـب ساحب ..

يعني يمكن الاهل يربون ويتعبـون ويجي صديقه ويخربه .. صارت كثير

مدارس البنات فيها بس شاذه.. نادره جدا توجد

هالاشياء..بالنسبه لمدارس وكليات الشباب..

والحكومه ماقصرت انا اشوف انها تبذل جهد..

بس يبقى هناك ايدي هدامه بالمجتمع..

والمفروض الاسره تراقب عيالها ..وتعرف من اصدقائهم ومن يمشون معه..

والولد او البنت المفروض يراقب نفسه بنفسه ويعرف الصح من الخطـأ ويبتعد عن المحضورات
لانه يأذي نفسه بالاول والاخير..

ابو ناصر..
موضوع جميل

اول ماشفت العنوان قلت ياحليله ابو ناصر صار يحشش

الله يعطيك العافيه ورده ورده

ابو سعود2005 · #13 30/12/2007, 01:27 PM

موضوع في الصميم

في مدرستنا الثانويه بالكيلو يقفطون الحشيش والكبتاجون والتمباك والشمه ...............

وين اهلهم عنهم يخلونهم يدشرون والمدرسه ساكته

لا وفي اثنين معي في الفصل كل واحد يتحدى الثاني على انهم يجيبون سجارة حشيش وتدرون ليش

عشان يقاله زاحف

الله يعين بس شبابنا من جرف لدحديره

والشرطه والله ماهي مقصره

و ماخفي كان اعظم

أول العنقود · #14 30/12/2007, 02:02 PM

أبو ناصر عندك حبوب

ما شاء الله كل ذي الخبرة عندك و ساكت , و الله يا أبو ناصر لو تشوف طلاب الثانويات بالجبيل الصناعية إنك تغسل يدك من كليتكم !!

ما بقى شيء إلا عندهم و جربوه [ تنباك - دخان - حشيش - حبوب إلخ ... ] و الله العظيم إن يشيب راسك !!

تتعب معهم و الله !!