بسم الله والسلام عليكم كل ابوكم

طبعـ(ن) ماكنت بنزل موضوع بس قبل شوي وانا اشاهد ام بي سي في اسبوع
<<يمديكم على اشاهد

جا خبر عن ابو كاب .. وقضيته

وانهم اصدرو الحكم بالقصاص

ياترى يستاهل ابو كاب القصاص؟؟؟؟؟؟؟؟؟؟؟؟؟؟؟؟

كان يمشي بسرعه جنونيه ومعه اثنين من اصحابه طلعت عليهم سياره بالغلط صار حادث وماتو الاثنين الي معاه ..؟؟!!
ايه ابو كاب مفحط معروف بس الحادث حادث مروري لا اكثر ولا اقل..
والي اعرفه ان حكم القصاص للي يقتل عمداً
اما يصير له حادث ويموتون الي معاه يرحون ينفذون فيه حكم القصاص
والابلى والاشد بلاء من هذا كله ان القُضاه بدؤوا يختلفون في الاحكام واصدار الاحكام القضائيه.. يعني القضيه واحده ويُصدر الحكم القضائي يجي قاضي ثاني ينقض الحكم؟!!!!!
انا مو قادره افهم الي يصير ؟؟!!
ماني عارفه هذي الظاهره (اصدار حكم وانقاضه) من زمان تصير بس ماكنا نعرفها ولا توها؟؟؟؟
وشكلها على قول احد اقربائي بعد قضيه فتاة القطيف قولو السلام على القضاء بالسعوديه..

تحياتي
برنسس

هلا وغلا اختي البرنسيسه..

لا اله الا الله ...واخيرا تذكرتي ايقونة موضوع جديد..

والله الهرجه اللي تتكلمين عنها ما عرفشي عنها شيء ..
بس من شرحك السريع والمبسط ...
انا صراحه مستغرب ...لانه صارت كثير حوادث مثل هذي الطريقه ولا سمعنا عنها
شيء..

لا اريد التعمق في الموضوع بشكل كبير لاني داج ومن جنبها ولا احب اتدخل
في الناحيهالشرعيه ..

فلاهنتي هذا ما اعتبره موضوع لاني ما تفلست فيه فلذا لك الى ان تكتبي موضوع وتنزليه...

يعطيك العافيه اختاه ...



سلااااااااااااام

السلام عليكم ورحمة الله وبركاته

الاخت الفاضله // البرنسيسه


تحيه طيبه


اختي الفاضله حادث المفحط والذي اشتهر بأبو كاب

لم يكن حادثا عاديا

بل كان بسبب التفحيط

وعرف ان الموت بالتفحيط يعتبر انتحارا

وعرفنا ان الانتحار هو قتل النفس عمدا

فما بالك بقتل نفس اخرى ..؟


أتمنى ان نترفع عن نقد القضاء في السعوديه

لان مرجعه هو الكتاب والسنه والاجماع

ارى والله العالم في هذه الايام ان نقد القضاء اصبح هوايه على الالسن

مع ان القضاء في هذا البلد له مراجع واصول دينيه

والقضاء في البلدان الاخرى يبنى على ارذل المراجع

كما حدث تماما مع الاخ حمديان التركي في امريكا

للاسف لم نرى من ينتقد القضاء هناك

بل ركزوا على القضاء في بلاد الحرمين


مع التحيه

^


مشكور ثامر وماقصرت , ,

إقتباس الرسالة الأصلية كتبت بواسطة abo sager مثل هذه القضايا تلفتت انتباهنا لقضية تقنين الشريعة السؤال: لو أن الحكم واضح ومدون.. فهل كنا سنختلف عليه؟ ..، شكرا لكِ أختي البرنسيسة على لفت الانتباه لهذه القضية تقبلي تحياتي وتقديري الفائقين

ابو صقر والله انك قلت الي كنت بقووله

الغريب انها تصير مشكله بالريااض وتصير مشكله بعرعر نفس المشكله الي بالرياض

المشكله الي صاارت بالريااض يااخذ عليها سجن شهر والي بعرعر ست شهور !

والمشكله هذي ناقشها مسلسل طاش ما طاش الهاادف جداً

انا والله ماودي اتدخل بامور قضاء الدوله ..

للتوضيح فقط ..

انا مو قصدي انتقد الاحكام ولا القضاة انا انتقد صدور الاحكام ثم انتقاضها
يعني احنا صدق احكامنا مرجعها كتاب الله وسنه رسوله الكريم
وهذا ما جعلني استغرب وضع ان القاضي يحكم وينتقض ؟؟!!
فما اعرفه واعيه ان كل شيء واضح حكمه

إقتباس أنا سمعت قبل فترة إن التفحيط تحول من جريمة عادية إلى جريمة جنائية وهالشي بيحد من التفحيط و يشدد العقوبة

انا توي اعرف ..
طيب واذا كان ماالمفروض يكون الحكم واحد ؟!
هذا سؤالي ليه اختلفوا ؟!
وعن ابو كاب بصفه خاصه
اذكر مره مفحط بالرياض قتل كم نفس وماقتلوه مدري وش كانت عقوبته بس ماكانت القتل سواء قصاص او تعزير

إقتباس بالنسبة لقضية أبو كاب فلا تنسوا كونه ضابط وهالشي بيزيد بشكل أكيد من عقوبته

ضابط ويفحط ؟
هُزِلت..

وبالنهايه
ترى انا مااتكلمت على القضاء مو تقولوّني كلام ماقلته <<خافت
بس صدق انا كنت مستغربه انه مفحط ويصدر في حكمه قتل يمكن مو فاهمه القضيه ولاني اصلا مو قاضيه ولا محاميه يعني ماافهم فيها بس كونه مفحط ويصدر بحكمه قتل عشان ماتو اثنين معاه بالسياره يعني راكبين برضاهم ولا ؟!
والي شدني اكثر بالموضوع يوم جابو لقاء مع محامي وقاضي سابق وقال انا اتوقع ان الحكم يُنقض ؟؟
سبهلله ولا على كيفنا ؟؟!!
يعني حتى القُضاء بعدين يصير عندهم اهتزاز للثقه <<يازينك ساكته

<<كلامي كله من منظور شخصي وترى انا مااحب اتدخل بالسياسه بس قضيه اثارت استغرابي وحبيت استفسر

اقتباس من التعليقات الموجوده بموقع أبو كاب

إقتباس راحت حياتي من بعد روحت أبو كاب راح ودمه في رقاب الحكومة الحكيمة لاحكم لا شرع لا دين الكل كذاب الواسطة فوق الكل والقاضي بهيمة يابشر ! الي معه كانوا من الركاب في المقعد الخلفي ياهل العقول الفهيمة لكن عند الله بيكون “يوم الحساب لا تنفع الواسطة ولا منزلة عظـــيمة

إقتباس الرسالة الأصلية كتبت بواسطة {النمر15} أبو كاب تعدى على الحق العام والخاص .. فلم يبق جريمة لم يرتكبها ورد أمره إلى القضاء إلى رجال عهدوا الحكم بما أنزل الله ورسوله .. !!

حق عام وخاص مين يا ( نمر 15 )
الآن أبوكاب اللي توفى معه 2 راكبين برضاهم يكون حق خاص وعام
وبدر عوض لما يضف له كم واحد واقفين بالشارع ويموتون ويطلع منها بدون قصاص يطلع حق عام

إذا أنت يا ( النمر 15 ) موافق على الكلام هذا فهو ( رأيك الخاص )
ولي رأيي الخاص بالحكم اللي أقل شئ أسويه إني أحط علامات إستفهام
من بيتنا لنجران !!!!!!!!!!!!!!!!!!!!!