|
ابوكاب & القضاء بالسعوديه بسم الله والسلام عليكم كل ابوكم طبعـ(ن) ماكنت بنزل موضوع بس قبل شوي وانا اشاهد ام بي سي في اسبوع <<يمديكم على اشاهد :d جا خبر عن ابو كاب .. وقضيته وانهم اصدرو الحكم بالقصاص :surprised: ياترى يستاهل ابو كاب القصاص؟؟؟؟؟؟؟؟؟؟؟؟؟؟؟؟ كان يمشي بسرعه جنونيه ومعه اثنين من اصحابه طلعت عليهم سياره بالغلط صار حادث وماتو الاثنين الي معاه ..؟؟!! ايه ابو كاب مفحط معروف بس الحادث حادث مروري لا اكثر ولا اقل.. والي اعرفه ان حكم القصاص للي يقتل عمداً اما يصير له حادث ويموتون الي معاه يرحون ينفذون فيه حكم القصاص والابلى والاشد بلاء من هذا كله ان القُضاه بدؤوا يختلفون في الاحكام واصدار الاحكام القضائيه.. يعني القضيه واحده ويُصدر الحكم القضائي يجي قاضي ثاني ينقض الحكم؟!!!!! انا مو قادره افهم الي يصير ؟؟!! ماني عارفه هذي الظاهره (اصدار حكم وانقاضه) من زمان تصير بس ماكنا نعرفها ولا توها؟؟؟؟ وشكلها على قول احد اقربائي بعد قضيه فتاة القطيف قولو السلام على القضاء بالسعوديه.. تحياتي برنسس |
هلا وغلا اختي البرنسيسه.. لا اله الا الله ...واخيرا تذكرتي ايقونة موضوع جديد..:d والله الهرجه اللي تتكلمين عنها ما عرفشي عنها شيء ..:stoned: بس من شرحك السريع والمبسط ... انا صراحه مستغرب ...لانه صارت كثير حوادث مثل هذي الطريقه ولا سمعنا عنها شيء..:surprised: لا اريد التعمق في الموضوع بشكل كبير لاني داج ومن جنبها ولا احب اتدخل في الناحيهالشرعيه ..:stoned: فلاهنتي هذا ما اعتبره موضوع لاني ما تفلست فيه فلذا لك الى ان تكتبي موضوع وتنزليه...:whacko::d:d يعطيك العافيه اختاه ... سلااااااااااااام |
مو حادث مروري .. الحادث بسبب التفحيط . وبهالحاله يكون قتل غير متعمد حتى حادث مروري قتل غير متعمد. واللي سمعت ان والد المتوفين واصل :d .. وهذا اللي خلى القضاة يصدرون الحكم ويتراجعون عنه. المشكله ابو كاب ضابط :d |
مثل هذه القضايا تلفتت انتباهنا لقضية تقنين الشريعة السؤال: لو أن الحكم واضح ومدون.. فهل كنا سنختلف عليه؟ ..، شكرا لكِ أختي البرنسيسة على لفت الانتباه لهذه القضية تقبلي تحياتي وتقديري الفائقين |
السلام عليكم ورحمة الله وبركاته الاخت الفاضله // البرنسيسه تحيه طيبه اختي الفاضله حادث المفحط والذي اشتهر بأبو كاب لم يكن حادثا عاديا بل كان بسبب التفحيط وعرف ان الموت بالتفحيط يعتبر انتحارا وعرفنا ان الانتحار هو قتل النفس عمدا فما بالك بقتل نفس اخرى ..؟ أتمنى ان نترفع عن نقد القضاء في السعوديه لان مرجعه هو الكتاب والسنه والاجماع ارى والله العالم في هذه الايام ان نقد القضاء اصبح هوايه على الالسن مع ان القضاء في هذا البلد له مراجع واصول دينيه والقضاء في البلدان الاخرى يبنى على ارذل المراجع كما حدث تماما مع الاخ حمديان التركي في امريكا للاسف لم نرى من ينتقد القضاء هناك بل ركزوا على القضاء في بلاد الحرمين مع التحيه |
وعليكم السلام ورحمة الله وبركـاته , لا أريـد التدخل في شأن قضاة الدولة , فهم أسمى , واعرف منا , قد تكون هناكـ كواليس لا نعلم بها , يعطيك العافية |
يبدو إنك ما نقلتي الموضوع بشكل صحيح أو أخطأتي بالنقل الحكم بقتل أبو كاب تعزيرا وليس قصاصا والفرق بين التعزير والقصاص كبير فالأول على ما لا حد فيه ولا كفارة ويحدده ولي الأمر أو من ينوب عنه ( القاضي ) أما القصاص فهو محدد ولا يختلف الحكم فيه من قاضي لآخر ويكون في القتل المتعمد أو ما دون القتل أنا سمعت قبل فترة إن التفحيط تحول من جريمة عادية إلى جريمة جنائية وهالشي بيحد من التفحيط و يشدد العقوبة بالنسبة لقضية أبو كاب فلا تنسوا كونه ضابط وهالشي بيزيد بشكل أكيد من عقوبته وعشان أقرب لكم الصورة شاب مختلي بفتاة أو شايب مختلي بفتاة أيهما أكثر تقبلا وعلى من تقع الملامة أكثر بالتأكيد الأكثر ملامة هو الشايب عشان كذا بتكون العقوبة عليه أكبر لا تطلقون الإتهامات دون إستيعاب القضية:) |
مقطع الحادث هذا الحادث و يبين من المتسبب !! و الراكبين أعمارهم 14 و 15 و مع مفحط :surprised: و صورة الراكبين عبدالعزيز و أحمد أبناء بدر خثيلة : http://www.okaz.com.sa/okaz/myfiles/...19/l20-big.jpg |
^ مشكور ثامر وماقصرت , , |
إقتباس:
الغريب انها تصير مشكله بالريااض وتصير مشكله بعرعر نفس المشكله الي بالرياض المشكله الي صاارت بالريااض يااخذ عليها سجن شهر والي بعرعر ست شهور ! والمشكله هذي ناقشها مسلسل طاش ما طاش الهاادف جداً انا والله ماودي اتدخل بامور قضاء الدوله .. :) |
للتوضيح فقط .. انا مو قصدي انتقد الاحكام ولا القضاة انا انتقد صدور الاحكام ثم انتقاضها يعني احنا صدق احكامنا مرجعها كتاب الله وسنه رسوله الكريم وهذا ما جعلني استغرب وضع ان القاضي يحكم وينتقض ؟؟!! فما اعرفه واعيه ان كل شيء واضح حكمه إقتباس:
طيب واذا كان ماالمفروض يكون الحكم واحد ؟! هذا سؤالي ليه اختلفوا ؟! وعن ابو كاب بصفه خاصه اذكر مره مفحط بالرياض قتل كم نفس وماقتلوه مدري وش كانت عقوبته بس ماكانت القتل سواء قصاص او تعزير إقتباس:
هُزِلت.. وبالنهايه ترى انا مااتكلمت على القضاء مو تقولوّني كلام ماقلته <<خافت :surprised: بس صدق انا كنت مستغربه انه مفحط ويصدر في حكمه قتل يمكن مو فاهمه القضيه ولاني اصلا مو قاضيه ولا محاميه يعني ماافهم فيها بس كونه مفحط ويصدر بحكمه قتل عشان ماتو اثنين معاه بالسياره يعني راكبين برضاهم ولا ؟! والي شدني اكثر بالموضوع يوم جابو لقاء مع محامي وقاضي سابق وقال انا اتوقع ان الحكم يُنقض :bigeek:؟؟ سبهلله ولا على كيفنا ؟؟!! يعني حتى القُضاء بعدين يصير عندهم اهتزاز للثقه <<يازينك ساكته :d <<كلامي كله من منظور شخصي وترى انا مااحب اتدخل بالسياسه بس قضيه اثارت استغرابي وحبيت استفسر :yes: |
اقتباس من التعليقات الموجوده بموقع أبو كاب إقتباس:
|
،، السلام عليكم ورحمة الله وبركاته أولا .. الحكم القتل تعزيرا وليس قصاصا .. فالقصاص يكون في الحدود الشرعية المنصوص عليها في الكتاب والسنة أما دون ذلك فهو تعزير يقرره القاضي !! لنصدر حكما في مثل هذه القضية فإننا بحاجة لمعرفة كافة تفاصيلها منذ البداية ليكون الحكم عادلا الحادث لم يحصل بسبب السرعة .. بل اثر حركة جنونية قام بها أبو كاب .. إقتباس:
هذا حسب حديث أحد مسؤولي المرور بجدة .. وهو مايؤكد أن الحادث نتيجة التفحيط !! أرجوا من الجميع قراءة هذا النص جيدا .. ليعلم حقيقة الحادث وحقيقة أبو كاب !! إقتباس:
أبو كاب تعدى على الحق العام والخاص .. فلم يبق جريمة لم يرتكبها ورد أمره إلى القضاء إلى رجال عهدوا الحكم بما أنزل الله ورسوله .. !! البرنسيسة عودا حميدا .. بعد طول غياب !! ود يليق {النمر15} ،، |
شسالفه من ابو كاب ...؟؟؟:upset::upset: اللي فهمته ؟؟ ان ابو كاب << اسم ولا لقب ولا ايش :bigeek::bigeek: معه ولدين واحد عمره 14 والثاني 15 اولاد خثيلة << مسوية تعرفهم :d:d في سيارة وفحط وماتوا الانثين ؟؟ كذا السالفه ولا ؟؟؟:wallbash::wallbash: |
إقتباس:
الآن أبوكاب اللي توفى معه 2 راكبين برضاهم يكون حق خاص وعام وبدر عوض لما يضف له كم واحد واقفين بالشارع ويموتون ويطلع منها بدون قصاص يطلع حق عام إذا أنت يا ( النمر 15 ) موافق على الكلام هذا فهو ( رأيك الخاص ) ولي رأيي الخاص بالحكم اللي أقل شئ أسويه إني أحط علامات إستفهام من بيتنا لنجران !!!!!!!!!!!!!!!!!!!!! |
| الوقت المعتمد في المنتدى بتوقيت جرينتش +3.
الوقت الان » 01:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd