يازين حميست اهل القصيم وياطعمها
شكل كثير منكم ما يعرف ماهي الحميسه حبيت اقولكم عن الحميسه الى تكون في عيد الضحيه علشان فيه كثير لحم وهذي الأكله مشهوره عند اهل القصيم الى هم ((اهلنا)) وهذي طريقة تصليح الحميسه/

* تجيب قدر وتحط فيه شوي ماء اي اقل من الربع

* تجيب لحم وتحطه في القدر

* تحط بهارات وشوي ملح وتقطع بصل عليه وتحط ((ثوم)) للي يبغاء

* تزيد ماء كل ((ماحسيت انه بيقضي))

* تشوف اللحم اذا استواء((نجض)) تكون الحميسه جاهزه لي الأكل

* بعد ذالك تروه تجيب خبز ((السلمان)) وتجيب ببسي او سفن وتاكل الحميسه

******* اسمها عند المدن الثانيه اي غير منطقت نجد ((مرقت لحم))*******

وهذه طريقة تصليح الحميسه جعلها هنيه عليكم وكل عام وانتم بخير والأمه الأسلاميه بألف خير وصحه وعافيه.

ياخي ماادري ليش نتحمس عليها بس بالعيد حتى الشوربة برمضان وش السر فيها..ولو يزينون اهلي حميسة الحين يعني بعد العيد ماتحمست عليها..بس اضن من اسمهاانك تتحمس بالذبح بعدين تحط حرتك بالحميسة تحلل التعب وقومة الصبح{مغصوب}...

أوففففف ذي خلتني ... جايع من ألحين ... تكفى أسعفني بها ... باين عليها تجنن...؟

لاتخلينا ياراعي الجبل الأخضر وين هذا عن المريديسية

سام6+9=15 والله انك صادق بس نتحمس لها في يوم العيد بس تدري ليش تحس نفسك وانت تذبح ((ايه هين)) انك ودك تاكل اللحم الطازج بس لمنها ثلجة يروح طعمها هذا هو سر التحمس


==================================================================
جاج والله تستاهل من يجيك ويطبخها عندك علشان تشوف وشلون طعمها يأخذ العقل يعني تقنن بجد اوي اوي ((كم لنامن جاج في المنتدى)) بس انت آمر وحنا نطامر.
الوعد عيد الأضحى القادم

==================================================================
ابومشعل 2001 تراها حلتت عصاء عن المريدسيه بس مايعوقك الآ الجبل الأخضر والكبري

لا حنا حميستنا غير واتوقع انها احلى من حميستكم
حنا الله يسلمك
*اولا نجيب ليه الخروف (ذنب الخروف) يعني شحمه ونقطعه
قطع صغار
*وبعدين نقطع اللحم قطع صغيره ونحطها فوقه
*ونحط عليها شوي ملح
*وناس تحط عليها زياده بصل وبهارات وناس لا
* المهم نتركها على النار ونبتل نقلب فيهاالين ما ينحمس اللحم
(ومن هنا جاءت لفظه حميسه) وبعدين كلوها مع خبز وبيبسي
على قوله مخاوي القوايل
جربوها تراها مرررررره رهيبه
(اختي جنبي مغششتني)
واذا تعيجزتوا ما ودكم تسوونها
تعالو لي وانا اذوقكم اياها وصدقوني بتدعون لي
وبالهناااااااااء والعااافيه

اخوي الحميسه هذي حقت الاخ:بندر
هي الاصلية والي حنا نعرف لكن مافيه مانع نحط معها شوي ماء.
لا وناس تحط طماطم وناس تحب تكثر البصل .
لكن بالاكل كلاوذوقه.

اجل انت ابخص يابندر983 بس الصراحه ان طريقتكم تجنن