][ .. وش اللي خلوه على كيفه !! .. ][ - صفحة رقم 3 - نادي الهلال السعودي - شبكة الزعيم

S!R BARCA · #31 25/12/2007, 09:51 AM

يا جماعه اللاعب هذي فرصته الذهبيه اذا ما يروح الحين ما راح ينتقل ابدا

العز · #32 25/12/2007, 10:00 AM

يا رجال كل اللى تشوفه بهرجه وكلام فاضى

واحلق دقنى ان راح من الهلال

هلالي على طوووول · #33 25/12/2007, 10:27 AM

اقول الفرصة ماتتكرر

واذا ماراح الحين متى بيروح ترى عمره 25 سنه

والاحتراف راح يطور الكرة السعودية

والهلال باذن الله راح يستفيد

زعيم يابعد حيي · #34 25/12/2007, 11:11 AM

يا ناااااس يا عااااالم

ماهوب على كيفه ...

ولا هو على كيف الاداره .. وش ذنبنا حنا يالجمهور ؟؟

يومه يبي يبيعونه ..

عمر الزعيم ما كان ياسر ... بس حرقة الأعصاب اللي حرقناها لين صار ياسر لاعبنا تتبدد بكل سهوله ويشترون عقده مانشستر ..

اعاره ايه ..

انتقال لاااا ..

أبو صالح 1377 · #35 25/12/2007, 12:07 PM

أكيد ان الدوري الأسباني أنسب لتكوين ياسر

لكن فرصة مان سيتي ما تتعوض وهو تقريبا الرابع أو الخامس في الدوري الانجليزي بعد الأربعة الكبار وفي منافسة بينه وبين نيوكاسل ..

وياسر من النوع اللي يحتاج إلى تحدي جديد في حياته ، بعد ما أثبت انه أفضل إنسان آسيوي يلعب كورة في الوقت الحالي

سلام

السيف الازرق · #36 25/12/2007, 12:32 PM

فعلا مصلحة الهلال انه ما يفرط في نجومه الا بقيمة مجزية.

الهلال نادي بطولات مثله مثل مانشستر يونايتد وريال مدريد وآي سي ميلان هل هذي الأندية تفرط في نجومها بدون عائد مادي مرتفع جدا؟

والهلال لازم يدفع لجلب النجوم ويجب يدفع بسخاء حتى يجيب نجوم جدد ولا يفرط في اعمدة الفريق.

واللي يبغى مصلحة الكرة السعودية يجاوبني متى الكرة السعودية بحثوا عن مصلحة الهلال ؟

اينهم عندما احتاج الهلال لنجومه في البطولات الخارجية من عام 1408 وحتى العام السابق؟

لماذا لم يعامل الهلال وهو اكثر من ضحى لأجل المنتخب بالمثل على الأقل مثل اندية النصر والاتحاد تؤجل لهم المباريات وتركع لهم انظمة ولوائح اتحاد القدم ورعاية الشباب.

راكان _20_ · #37 25/12/2007, 12:35 PM

يا عالم خلو العواطف عننا خلوه يحترف

و لا تقول تيفا لأن ما أحد بالدفاع إلا تيفا و الهجوم فيهم الخير و البركه

oOo Totti oOo · #38 25/12/2007, 12:42 PM

فرصه ماتتعوض والزعيم قادر على احراز الدوري بلى ياسر واذكركم ان شاء الله متى ماكان اللاعبين على قدر المسؤليه

hanano · #39 25/12/2007, 12:51 PM

الوفاء راح مع ساااااامي ويوسف والتيماوي وأبو أثنين ......... ياسر يبغى شهرة وبس إفهمو عاد

Dr.Diet · #40 25/12/2007, 02:01 PM

ياناس والله لو طلبو ياسر ببلاش ر اح اكون اول المؤيدين وربي مو تقليل من حجم ياسر القحطاني انما في انتقاله الى اقوى المنافسات العالميه وخصوصا الدوري الانجليزي راح يكون له نقله نوعيه للكره السعودبه ياناس في ابعاد فنيه راح يكون مردروها ان شاء الله على الرياضه السعوديه بشكل عام ادعوا له بالنجاح سواء اعاره او بيع او سموها ماشئتم لايروح تفكيركم ماديا بكم نبيع وبكم نشتري ولو الموضوع مادي انتم تعرفون قيمته كم بتكون ؟؟

وسعوا افق تفكيركم ولو لدقيقه وشوف كيف راح مردودها لو صارت