#1  
قديم 25/12/2007, 04:37 AM
زعيــم فعــال
تاريخ التسجيل: 28/03/2004
المكان: الرياض
مشاركات: 406
][ .. وش اللي خلوه على كيفه !! .. ][

.
.


قرأت وسمعت بعض الهلاليين يقولون خلوا ياسر على كيفه !!
وخلوه يسافر ويلعب في اوروبا وكان ياسر جاي للهلال ببلاش !!

يا اخوان ياسر جاء بعد مفاوضات ودفع فلوس وحرب بين الهلاليين والاتحادين

وش اللي خلوه على كيفة يا ناس الهلال يملك عقده وهو اولى من غيره باللعب له

اذا ما ينتقل بمبلغ خمسين مليون صافي للهلال غير نصيب ياسر والقادسية والا يستريح في الهلال الين ينتهي عقده وبعدها لكل حادث حديث

وبعدين ادارة الهلال تدفع لتفاريس 8 ملايين ريال لسنة واحده فقط ليش ؟؟

الا علشان الهلال ينافس ويحصل على بطولات وش لون تبوننا نتنازل عن نجومنا هذا معناه اننا ننسحب من المنافسة على البطولات ونصير نادي لتفريخ اللاعبين ونبيعهم للأندية الاخرى

اجل ليش ما نبيع الشلهوب والغامدي وعزيز للاتحاد الاتحاد يبي يدفع فلوس مثله مثل مانشستر بل انه بيقدر نجومنا وبيشتري مباشرة .... !!!
والا نتصدق على مانشستر ونعطيهم لاعبنا ببلاش.

انا اتوقع لو راح ياسر بيقعد في الاحتياط الين يمل من الانجليز وكورتهم وبعدها يردونه علينا محبط وفاشل . خاصة انه بيروح في فصل الشتاء وشدة البرد ومجتمع جديد عليه ومتطلبات بدنية ولياقية خاصة بالدوري الانجليزي .

وانا ارى ان الدوري الفرنسي او الهولندي افضل لبداية اللاعبين خاصة الاسيويين والافارقة مهوب الدوري الانجليزي

.
.
اضافة رد مع اقتباس
  #2  
قديم 25/12/2007, 05:03 AM
زعيــم نشيــط
تاريخ التسجيل: 29/12/2006
المكان: قـلـب ll الـهـلال ll .. !
مشاركات: 743
ياخوي هم بايخذونه اعارة خله يجر

هذي فرصة ماتتكرر

وياسر ان شاء يثبت نفسه بالتمارين ويصير اساسي
اضافة رد مع اقتباس
  #3  
قديم 25/12/2007, 05:09 AM
زعيــم مميــز
تاريخ التسجيل: 12/05/2005
المكان: في السطح
مشاركات: 2,426
يا بن الحلال هذي بتفتح على الهلال باااااااي كبير .....

حيث أنه إذا إحترف ياسر و أبدع راح يشترون عقده وبالعكس لو أبدع راح تجي
أندية إمجليزية أخرى وبيصير مزايدة و خذ قرووش ....
وثم يفتح الباب للصويلح وبعده الكلثم وخذ قرووش بعد ...
يعني ياسر راح يكون فال خير على اللاعب ...
لاتصير اناني يا أخي حب لأخيك ما تحب لنفسك ...
خلوا الولد يحترف هذي فرصته للشهرة حراااااااااااااااااااااااام عليكم ...

والله حراااااااااااااااام
اضافة رد مع اقتباس
  #4  
قديم 25/12/2007, 05:14 AM
الصورة الرمزية الخاصة بـ NO.2
زعيــم نشيــط
تاريخ التسجيل: 18/03/2007
مشاركات: 743
كلامك عين العقل صار احتراف ياسر طرارة عند بعض الناس
لا و الظاهرة ليه رايح معه ودي أفهم بس !! بيطلع براسي نخلة سكري من حركتة ذي
اللاعب المطلوب للأحتراف الاندية هي اللي تجي تطلب وده وتتفاوض معه في ناديه مهو زي اللي صاير لياسر
الظاهر ادارة الهلال ما تفرق بين فن تسويق اللاعبين وبين طرارة عقد احتراف .. الله يعدي هالسنة على خير
على العموم لو راح ياسر الله يوفقه فراقه ما هو صاير اكود علي من فراق الاسطورة سامي
مشكور على الموضوع


اضافة رد مع اقتباس
  #5  
قديم 25/12/2007, 05:26 AM
الصورة الرمزية الخاصة بـ miassem
زعيــم مميــز
تاريخ التسجيل: 01/05/2007
مشاركات: 1,957
اقول الفرصة ماتتكرر

واذا ماراح الحين متى بيروح ترى عمره 25 سنه

والاحتراف راح يطور الكرة السعودية

والهلال باذن الله راح يستفيد
اضافة رد مع اقتباس
  #6  
قديم 25/12/2007, 05:55 AM
زعيــم فعــال
تاريخ التسجيل: 12/02/2007
مشاركات: 320
الا خلوه على كيفه ونص
اضافة رد مع اقتباس
  #7  
قديم 25/12/2007, 05:58 AM
زعيــم متواصــل
تاريخ التسجيل: 08/09/2005
مشاركات: 57
خلاص يا إدارة الهلال أبو سعد يقول لا تخلون ياسر يروح إلا بخمسين مليون صافي !
يابوسعد الله يهداك هذي فرصة عمـر بالنسبه لياسر والهـلال مستفيد من الصفقة سواء شراء بطاقة أو إعارة .
اضافة رد مع اقتباس
  #8  
قديم 25/12/2007, 06:05 AM
زعيــم مميــز
تاريخ التسجيل: 27/06/2007
المكان: k.s.a
مشاركات: 12,741
ماادري متى تبغون لاعبينا يحترفون ؟؟

ياسر مهوب رايح لدوري خليجي راح لدوري انجليزي وبيرجع لنا ان شاءالله الموسم اللي بعده افضل من ياسر اللي انتم متمسكين فيه الحين

ماتلاحظون ان الهلال صار معتمد على ياسر بشكل كبير يعني هذا ياسر جاه عرض احتراف الحين متوهقين لازم الشباب ياخذون فرصه عشان يبرزون الصويلح الخراشي العنبر السعود

وخصوصا ان ياسر كبير يعني اذا مااحترف في هالعمر والله مايحترف
وياسرافضل لاعب سعودي يعني اصففففقني اذا احترف اي لاعب سعودي


يالله يارب يتم كل شي على خير وانا متأكد ان شاءالله ان ياسر ببيض الوجه وبينجح


وختامـــا اكبر مســـتفيد من الاحتــراف هو الهــلال
اضافة رد مع اقتباس
  #9  
قديم 25/12/2007, 06:07 AM
زعيــم مميــز
تاريخ التسجيل: 27/06/2007
المكان: k.s.a
مشاركات: 12,741
نو تو ماشاءالله عليك تعرف تصمم
اضافة رد مع اقتباس
  #10  
قديم 25/12/2007, 06:15 AM
زعيــم مميــز
تاريخ التسجيل: 20/04/2007
المكان: رَيٍــُ آلخيرٍِ ــآضِ
مشاركات: 5,358
اخوي لا تصير ضد وطنكـ وفائدة اللاعبين والمنتخب من الاحتراف الخارجي لياسر

لان ياسر اذا احترف خارجيا راح يفتح الابواب للاعبين السعودييه إلي بعيدين كل البعد

عن العين الاوروبيه

اولا ياسر راح يفيد المنتخب وانت تعرف ان الدوري الانجليزي قوي بعنى كلمة قوي

ولا فيه مقارنه بين الدوري السعودي او اي دوري اوروبي عليه الكلام

وبعدين ياسر بعدين ثلاث سنوات بالكثير بتشوفه راجع للهلال وانا اجزم انه راح يكون

من ابرز للاعبين السعوديين عالميا ومحليا

بعدين تخيل لو كل لاعبين المنتخب السعودي في الدوريات الاوروبيه القويه ؟؟؟

والله تشوف منتخبنا شئ ثاني وربي

لا تخلي حبك لناديك المفضل يطغي على حبيك لبلدك وصلحته

شكرا لك

بالتوفيق للهلال .
اضافة رد مع اقتباس
  #11  
قديم 25/12/2007, 06:46 AM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,535
السلام عليكم

إقتباس
وخلوه يسافر ويلعب في اوروبا وكان ياسر جاي للهلال ببلاش !!

صحيح الهلال دفع له ملايين لكن ايش فيها إذا راح
يعني لازم نحلل الفلوس

إقتباس
يا اخوان ياسر جاء بعد مفاوضات ودفع فلوس وحرب بين الهلاليين والاتحادين
وش اللي خلوه على كيفة يا ناس الهلال يملك عقده وهو اولى من غيره باللعب له

والضحية ياسر سيتم تحطيمه مثل نواف التمياط بالضبط
وإذا ما احترف بيرجع ويلعب بدون نفس وما راح نستفيد منه

إقتباس
اذا ما ينتقل بمبلغ خمسين مليون صافي للهلال غير نصيب ياسر والقادسية والا يستريح في الهلال الين ينتهي عقده وبعدها لكل حادث حديث

خمسين مليون إذا حجت البقر على قرونها
ما فيه لاعب سعودي يستحق خمسين مليون
لكن الظاهر أنت طال عمرك تحب تتشرط
وإذا انتظرنا لين ينتهي عقده بيكون عمره حوالي ثمانية وعشرين أو تسعة وعشرين وذاك الوقت ما فيه فريق يبغاه


إقتباس
اجل ليش ما نبيع الشلهوب والغامدي وعزيز للاتحاد الاتحاد يبي يدفع فلوس مثله مثل مانشستر بل انه بيقدر نجومنا وبيشتري مباشرة .... !!!
والا نتصدق على مانشستر ونعطيهم لاعبنا ببلاش.

المسألة ماهي فلوس ياأخي
من مصلحة الكرة السعودية احتراف اللاعبين في الخارج

إقتباس
انا اتوقع لو راح ياسر بيقعد في الاحتياط الين يمل من الانجليز وكورتهم وبعدها يردونه علينا محبط وفاشل . خاصة انه بيروح في فصل الشتاء وشدة البرد ومجتمع جديد عليه ومتطلبات بدنية ولياقية خاصة بالدوري الانجليزي .

وإذا تم رفض الإحتراف بيرجع محطم وبيصير فيه مثل نواف
ولا تنسى إن هو متحمس للعب في الخارج

إقتباس
وانا ارى ان الدوري الفرنسي او الهولندي افضل لبداية اللاعبين خاصة الاسيويين والافارقة مهوب الدوري الانجليزي

توك تقول ما تبغاه يحترف ألحين تقول الدوري الهولندي والفرنسي أحسن
اضافة رد مع اقتباس
  #12  
قديم 25/12/2007, 06:58 AM
الصورة الرمزية الخاصة بـ NO.2
زعيــم نشيــط
تاريخ التسجيل: 18/03/2007
مشاركات: 743
إقتباس
الرسالة الأصلية كتبت بواسطة جدعان
نو تو ماشاءالله عليك تعرف تصمم

شوفه عينك على قد حالي بس اكيد منكم نستفيد
اضافة رد مع اقتباس
  #13  
قديم 25/12/2007, 07:14 AM
زعيــم مميــز
تاريخ التسجيل: 27/06/2007
المكان: k.s.a
مشاركات: 12,741
إقتباس
الرسالة الأصلية كتبت بواسطة NO.2
شوفه عينك على قد حالي بس اكيد منكم نستفيد

منّا تستفيـد ؟؟

تبي تستفيد ابعد عني ؟
اضافة رد مع اقتباس
  #14  
قديم 25/12/2007, 08:09 AM
زعيــم مميــز
تاريخ التسجيل: 26/06/2006
المكان: حدود الكويت(الرقعي)
مشاركات: 4,584
ياخي شفيكم هذا الدوري الانجليزي راح قبله سامي ماقلنا شي أنت شكلك ماتعرف وش معنى الدوري الانجليزي
يارب ياسر يحترف
اضافة رد مع اقتباس
  #15  
قديم 25/12/2007, 08:16 AM
زعيــم نشيــط
تاريخ التسجيل: 12/02/2006
مشاركات: 576
أهنيك على هلاليتك ..

ترى ياسر فرد من مجموعة يمشي عليه اللي يمشي عليهم ..

على كيفه ياسر يطلع متى مايبي ...؟

والحين متكي في القاهرة ..!! ليش مايرجع يلعب مع الفريق مباراة الطائي

والا خلاص ما عاد يتنازل ..!!!


شئ يرفع الضغط ..

انتقال ياسر في هذا الوقت أكبر دليل على عدم إحترامه للهلال وجماهير الهلال ..

شئ من الوفاء ورد الجميل يا ياسر ..


أنا أبغى حاجة حلوة أتذكر فيها ياسر كمشجع هلالي ..!!!؟؟ والله مافيه


كم سحبة على كم كبري ..؟ ماتهمني ..

اخر تعديل كان بواسطة » قائد قوات العشق في يوم » 25/12/2007 عند الساعة » 08:36 AM
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube