والصراحـه واللـه ما كتبـت هالموضوع إلا أنـه طالـع من ( قلـب ) قسـم باللـه ,, ورده

عدت ...


بصراحة موشوعك عالجرح ويحكي الواقع

ترى الزحمة مو بس عندكم بالرياض ,, حتى عندنا بالمدينة زحمة مو طبيعية

تصدق ذاك اليوم وان اخوياي رحنا لمنتزه عند جبل أحد ,, ونجي ندخل المنتزه ومعنا فرشتنا والعشاء والشاهي والعدة والاونو و.. و ... و ... الخ <<<< التفصيل الممل

المهم يوم جينا ندخل للمنتزه ,

يجيك ذاك الاسكيورتي الخال ويقول : ممنوع دخول الشباب ,

حنا : وين تبينا نروح كل مارحنا مكان قالوا عوائل ,,

الخال : اشر لنا على مكان مظلم وقال هذا مكان الشباب ,,

حنا : يارجال أول رحنا هناك لقينا كلب ميت وانت تقولنا روحوا اجلسوا هناك

شوي يدخل الخال غرفة الامن ويجلس ,, وحنا مازلنا واقفين عند الباب ,,

بعدين اناظر الغرفة الا الخال يسحب نفسه على الحمام ,,

قلت ياشباب هذي فرصتنا

ومن هنا تبدا المغامرة

كل واحد منا حط رجله وانطلق الى داخل المنتزه ,,

والا شوي نشوف الخال منطلق ورانا ,, ويا تشوف سرعة خيالية من شبابنا المحترم تقال وراهم اسد موب سكيورتي

الا خوينا الدب تورط ومسكه الخال ,, بعدين قاله السكيورتي دق على خوياك خلهم يجون الحين والا خليتك تعفن بالحجز !!!

انتفض خوينا الدب وطلع جواله الخاص ودق علينا وقال يرحم امكم ارجعوا والا تراي راح اخيس بالحجز

المهم رجعنا الى السكيورتي واطلق سراحنا ,,

وهنا انتهت المغامرة

مايستفاد من القصة السابقة انه الشباب مضطهدين في كل انحاء المملكة مو بس بالرياض

اشكرك اخوي مرة ثانية على الموضوع الرائع ..

أرحب يا أبو عبير ومهند

أخبارك اخبار من يعز عليك ؟

والله شف

يازين الرياض ويازين زحمتها

ومازينها إلا أنت فيها

بس عاد يعني وش تبيهم يسوون لك ؟

اللي ما يجيب نسبه يطردونه من الرياض

حنا مشكلتنا السواقين والسواقين فقط

الاب يطلع بسياره

السواق يطلع بسياره

الولد يطلع بسياره

كيف ماتبي زحمه ؟

^^

أيـه معقـولـه ونـص

ليـه المجلـس حـلال عليكم حـرام علينــا !

ودنـا نسلـم عليكم بهالعيـد ,, ورده

وأكتـب كل ما بي داخلـي ,, وصراحـه كلامي هذا قسم بالله طالع من قلـب













][ دمتـم بـود ][

ياخوي والله نفس الحاله .. يعني كل الاماكن الي يروحون لها الشباب طفشنا منها مثل :

البر والمخططات وفيرسس( ضد بعض ) بس الواحد يمل من كثر ما يروح للمكان .. بس ما نقول الا الله يعيننا .

يسلمـو على مروركم واحد واحد ,,

وقسـم مقًـدر ردودكـم وعلى عيني وراسـي ,, ورده

ودي أرد عليكم واحد واحد لكنـي ما أقدر لأن المـخ عنـدي فـااصل شوي

واليدين يبيلها وزن أذرعـه من كثـر ما كتبت اليوم سواليف بالمسن وخرابيط وهالموضوع كملها

ورده












][ دمتـم بـود ][

اية والله هذا هو الواقع وان شاء الله يتغير بس الزحمة هذي اعلمك من وين من الاجانب
هم الي مملين الرياض بكل مكان تلقاهم بعذرنا ما نلقا وضايف كل الاجانب مستحلينها وبعدين الدولة تقول
ليش شبابنا يطلعون كذا ليش ما يشوفون الدول الثانية كيف صارت عشان عندهم وضايف مو هنا ما تلقى وضيفة
الا بواسطة والسعودية صراحة المفروض يغيرون اسمها يخلونها دولة لستقبال الاجانب الكويت ما امداهم
قبل مدة احتفلوا باخر بنقالي يطلع منها وحنا كل الناس الي بل عالم ما عندهم وضايف يجون عندنا ترى
ذا الوضايف حنا الولابها وبنسبة للاماكن صراحة مافية ابد اماكن ما فية الا اتحلية وبس عاد مو مرة
وناسة هم خلاص حطولنا التحلية يعني خلاص هذي تكفيكم لا حرام نبي اسواق ملاهي شيء يونس طيب انا ابي اروح للملاهي الوقت المخصص لشباب الظهر ليش من خف شمس الرياض يعني
ان شاء الله يلقون حل لذي المشاكل ومشكور اخوي وما قصرت وهذا موضوع المفروض يناقش فية من زمان

هلا اخوي

الموضوع باين انه طالع من قلب

بما انك ساكن بجانب طريق الملكـ عبدالله

بسالكـ وش رايكـ بالزحمه عند اشاره صحاري

عموما لو تتكلم من هنا لبكره ماحد حولكـ

والله يعينـ والله حالنا مايسر لا عدو ولا صديق

إقتباس {النمر15}

طـارق ورده

قسـم أنـك فلتـه

ردك أذهلني وفي نفس الوقت أعجبني

صراحـه يعجبني فيك كلامك بالفصحى

بس ودي أشوفك لو مره وحده تحتسي بالعاميه


ع العمـوم مرورك شـرًف موضوعي يالغالي ,,

طـارق

إقتباس هلال الفن زعيم القرن

والله وانا اخوك بقولك شي بس أكيد منتب مصدقني

قسم بالله يوم 7 شوال ,,

الليل بعد العشا العيال طالعين مخططات أبو بكر ودقوا علي قلت نسيًـر عليهم ,,

والله أني يوم طلعت من بيتنا الا والقى ذاك المنظـر إلى بغى يغمى علي يوم شفته

تخيييييييييل !!

إشاره صحارى واصلـه لييين عنـد السدحـاااان حق المواد الغذائيـة !!!!!! <<< قسم وجهي طلع مثل ذا يوم شفت الموقف !

بس وش نسوي ! ورده

مثل ما قال طارق !!

قسـم أني أموووت بذا الريـاض

غصبـن علـي ..

ديرتي .. وما أقدر أتركهـا ..

أحبهـا على إيـش مدري !

لكن غصبن علي أحبهـا ..


ع العموم يعطيك العافيه على مرورك ما قصرت ,,













][ دمتـم بـود ][

^^

فـواز

يالبى قلبـك ورده

تسلملي على هالرد الحلـو ورده

تأبرني













][ دمتـم بـود ][

مشكوووور ابوداحم على هالموضوع ....وياليتنا دايم نشوفك بالمجلس صراحه من احلى المواضيع اللي قريتهاا بالمجلس واحلى كلام اللي يطلع من القلب ....
يعطيك ربي الف عافيه