السلام عليكم ورحمة الله وبركاته


ليش الناس اول كانو يهتمون للعيد اكثر من الحين نبي نطلع الفرق الحين

((((((أيام أول والول تحول)))))))))


قبل العيد يقعدون الحريم يجهزون والبزارين يتظرون والي راح اشترى ثوب جديد والي نعال جديده والي طاقيه جديده جاك العيد والبزارين مستانسه ورايحين بثوب الجديد لصلاة العيد بعد الصلاه قام كل واحد مسنتر هو ويا اعياله عند بيت جدهم
وقم كل واحد حب على راس جده واخذ ريال وراح عند جدته وحبه بريال (والله انك ثور ماتاخذ بدرزن يمكن ارخص ) المهم ويرح عند ابوه والحبه بريال (ما اقولك انت ثور الدرزن ارخص)



وراحو البيت ينامون لما العصر وتقم هذيك الجلسات والقعدات الحلوه ويا اعيال الحاره الي هم كنهم اخوان وانت صغير اذا سويت غلط يجيك ابو جيرانكم يمصع اذونك ويرح عند ابوك اذا مهوب فيه يروح عند امك ويقولها ولدك سوى كذا وكذا هي تقول اذانيه لك قطعهم عشان ما يعوده

(يا ثور ارجع للموضوع )(انشالله) المهم اعيال الحاره مستانسين ويضحكون ولا قضى يقعد البزران كل واحد مجمع عيديته وراح يشري فيها

المهم هذاك ايام اول
7
7
7
7
7
7
7
7



الحين وش لون
قبل العيد يروح الواحد اذا نوى يعيد يروح يودي اعياله السوق تشوف البزر عمره 6 سنين مشتري اشماغ البسام البصمه السادسه
وجايك مسنتر المسجد يصلي فيه
المهم وبعدين يروح البو يقول يله( هذا ابو مره الحين عاقل )
نروح بيت جدكم وولده الكبير يقول انت وش فيك منت صاحي والله انت منت صاحي تبي نقعد بها (انا مره رحت اسلم على جدتي بعنيزه ولا تقعد تسألني ثلاث اسأله سبعين مره 1-وش لونك؟ 2-عسى ما تعبكم خط القصيم؟3-وش لون ابوك؟)(ارجع للموضوع يا ثور )انشالله المهم وبعد ماينتهون يجونك اذا هم من الشرقيه يروحون الهبي لاند واذا الرياض للبفيصليه واذا جده جنقل لاند
وقاعد الواحد هو ويا اعياله ويا مرته بلحالهم مافيه هذيك الجمعه واذا شافو زحمه قالت مرته واااااااااع قم بس قم خلنا نغير المكان حتى تقولها بصوت عالي عشان الي جو يسمعون











وين جمعت اول وين ابو الجيران الي يخاف على عيال حارته شوف الحين


جاك الولديلعب كوره في الشارع سمت الكوره في لمبة الجيران قام ابوالجيران هاوشه راح الولد عند امه قام جاك ابو الجيران يقول امسكو ولدكم الخبل ذا تره شال المبه تقول والله ثم والله (والله انها نصابه )انه اولدي ما طب الشارع من يوم ما طلع من بطني(والله الحلف عندها بريال)المهم قضى العيد من يوم ما يطبون البيت خلاص نسو العيد
















((((((((هذا الموضوع والله انا كتبته في لليلة العيد انا ارجو انكم ما تواخذوني على صراحتي وقلولي وش الفرق واذا فيه نقص ولا خطىء فأني غير منزه عن الخطىءوشكر لكل من قراء الموضوع ورد عليه وهذا اطول موضوع اكتبه في المنتدى))))))))))))

الاول تحول ومافيه شي يبقى على حاله
اخوك:يوسف