والله من الذكاء.. - نادي الهلال السعودي - شبكة الزعيم

H-CrAzY · #1 22/02/2002, 02:42 AM

هل سبق لك ان قال لك الشرطي -على جنب يا راعي....- بسبب السرعة الزائدة اكيد

..طيب وشلون تصرفت هذاك اليوم..
اقرأوا القصة هذي وتعلموا منها كيف تحسنوا التصرف في هالمواقف

..
------------------------------------------------------------

فى أحد الطرق السريعة ، واحد مسرع فوق اللزوم وقفه الشرطي على جنب نزل الشرطي ودار بينهم هالحديث : الشرطي : ممكن رخصة السواقة؟ السائق :آسف رخصتي ملغية لأنها أنتهت ولا جددتها. الشرطي : طيب أوراق ملكية السيارة؟ السائق : هذي ماهي سيارتي ، أنا سارقها . الشرطي : تقول السيارة مسروقة ؟ السائق : أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه. الشرطي : معك في درج السيارة مسدس بعد ؟ السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة . الشرطي : وفيه جثة معك في السيارة بعد ؟ السائق : أي نعم. المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة ، جا الضابط وقرب من عند السائق وقال أتأكد أول . الضابط : ممكن أشوف رخصةالسواقة ؟ السائق : أكيد ، تفضل ،وكانت الرخصة سليمة. الضابط : سيارة مين هذي ؟ السائق : سيارتي، وهذي أوراق ملكيتها. الضابط : لو سمحت تفتح الدرج بهدوء عشان أشوف إذا كان فيه مسدس ؟ السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج. الضابط : طيب إذا سمحت تفتح صندوق السيارة أبلغوني أنك قلت أن فيه جثة في وسط. السائق : ما فيه مشكلة ، الصندوق أنفتح ، ما ما فيه جثة .؟؟ الضابط : شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة . السائق : حسبي الله عليه .. .. الكذاب ، أكيد بعد قال لك أني مسرع؟؟؟؟؟؟

...

خيّال · #2 22/02/2002, 03:00 AM

حلوة،حلوة،حلوة،حلوة،....

شكل العسكري راح فيها

،،

بس عندي سؤال،،،هالقصة حاصلة فعلاً،،،،والا مختلقة؟؟؟

شكراً لك،،

خيّال//

الإعصار · #3 22/02/2002, 03:24 AM

هذي طال عمرك تسويها في امريكا ولا اليابان ممكن

بس هنا ما انصح أحد يجرب يسويها

ميلاد · #4 22/02/2002, 04:44 AM

منسم ذا الرجال شكله طفشان من الخط وحط حرته بالشرطي

اخوك:يوسف

الهدف · #5 22/02/2002, 07:10 AM

السلام عليكم0000000

كل عام وانتم بخير00000000 القصة فعلا حلوة

بس هذي بالخيال والاحلام والروايات000000

اما عندنا الصراحة ان الشرطي يبي ينادي احد والله كم كف على كم مخمس

على كم حركة من حركات الملعقة والسهم المنعفط00000

لا ويسلمك انك مسرع ومفحط وسارق السيارة ويمكن سكران بعد00000

اقول لاحد يصدق ويسوي هالحركة(ترى النتيجة معروفة ومحسومة من البداية)

لذلك لزم التنبيه

لاحد يورط نفسه

H-CrAzY · #6 22/02/2002, 11:05 PM

السلام عليكم..
كل عام والجميع بخير وعافية

..

الأخ خيال..
طبعا القصة ليست حقيقية

..
شكرا لك على المشاركة..

الأخ الاعصار..
نورت الموضوع بمشاركتك اخوي

..
ممكن نتعلم من القصة حسن التصرف بس

..ماهو شرط نسوي نفس الشئ

..
شكرا لك على المشاركة..

الأخ ميلاد..
شكرا لك اخوي على المشاركة..اذا كنت طفشان يوم حاول تجرب نفس الفكرة ;)..

الأخ الهدف..
شكل صار لك هالموقف قبل كذا ووقفك العسكري ;)..ما شاء الله تعرف اللي يحصل مضبوط ;)..
شكرا لك على المشاركة..

m_shlhoob · #7 23/02/2002, 02:01 AM

حلوه حلوه حلوه
***************
امس وقفني عسكري عشاني قاطع اشاره
المهم قمت اناظر الومينا على ما يخلص المخالفه
طلع مركب لللومينا زنون
الله يقطعهم ابو ملحج